小朋友18個月。自己份工本身好忙，每日刻意早一個小時返工，但好多時去要再OT到7點。返到屋企要煮飯，做家務。老公因為得罪老細被炒，一直好choosy 搵工，所以搵唔到，我成為家庭經濟之柱已成年。為左避免4大長老擔心，所以老公一直扮返工，我自己壓力好大。
點之小朋友18個月去打針，醫生話佢speech delay，因為無meaningful單字，甚至懷疑佢自閉。我覺得好內疚，係我無時間留意佢，好似害左佢咁。
邊個湊小朋友？
公公婆婆。
其實兩老都好落力同佢玩，教佢講野，但佢都唔識講。
有冇同你老公傾？
Speech delay唔一定關你事，公公婆婆講地道香港話？呢度另外有個帖有位言語治療師開嘅你可以去攞下意見。
2個讚
你返健康院打針？
嗰度姑娘有無俾進一步治療俾你？
我仔k2言語遲緩及發音唔正確，老師聽唔明佢講嘢，最後上健康院提供言語治療，治療師教我同小朋友，再俾工作紙回家練習，三堂之後，佢講嘢發音正確，人地聽得明，佢自然講更多，好快追返進度。
每個小朋友都係獨特，不要自責，佢仲細，六歲前都係治療的黃金時間。媽媽，加油！你及早發現已了不起
你頂起頭家已經好叻女。其實我覺得你字裡行間都已經好盡心啦。
我自己曾經有做過啲speech delay既小朋友服務。佢地一開始服務就進步得好快的。如果可以。去fb搵特殊家長既同路人。應該search到。也試下搵私人評估佐等你快啲搵到服務。條路雖然漫長。但我見啲家長配合既。發揮既野係你超乎想像的。
1個讚
例如呢個。
如果仲係冇乜頭緒你pm我啊。
呢段時間雖然難過。自己settle佐情緒後（自己都緊要架）就開始搵下方法啦。
2個讚
建議睇多個私家拎second opinion好d,未必有事
我都識好多小朋友接近3歲先講多啲野
依家讀中學啦咩事都冇
18個月仲早，就算有都可以follow up得好好
加油呀媽媽
1個讚
健康院轉介左去兒童評估中心，第一個期要15個月後，所以的搵左私家言語治療師做訓練。寧可自己再慳啲，都係希望個小朋友追到進度
Speech delay 好多係天生,後天影響唔到.
我加拿大有朋友, 兩公婆全職照顧小朋友 (老公食肥雞餐40歲退休), 佢本身超多嘢講, 係我哋朋友之中嘅開心果. 但係小朋友確診有語言障礙. 依家六七歲, 仍然又去睇醫生, 但係已經冇乜大問題.
另外一個朋友到咗差唔多四水歲先至講嘢, 但係冇影響佢嘅學業能力。去咗美國之後美國著名大學Honor 畢業。依家係一個非常正常嘅正常人，應該咁講，一個好勁嘅＂正常人＂。
所以唔使咁灰心，亦都唔需要自責。
3個讚
佢好似覺得未慢慢學。佢自認eq 低，所以個小朋友一扭就係俾奶咀同YouTube 。連我OT或者學野遲少少落堂都黑面。
我其實好嬲同失望，明知宜家咁都仲唔放下身段乜工都做。
公公婆婆講廣東話，我自己都擔心小朋友會混亂，所以一直都唔敢夾雜英文。
教幼兒學講有意思嘅字、短句，要從生活做起，每天重覆講、重覆做。
你試吓放工後及假期，對佢講多d簡單重覆對話先，睇吓小朋友有冇進展。
1個讚
唔好怕教壞佢/教錯佢，多啲用陳述句子。
1個讚
小朋友係仔定女？
仔係會遲發育d。
我仔要到22個月才開金口，2歲前佢唔識表達自己，仲成日發脾氣， 撼頭埋牆。
囡啊。試過用食物氹佢，最後佢喊住講左一個單字
知道。宜家有時會同佢一齊洗米整送，學啲動詞
1個讚
我仔細時，教佢教到我嘔血，唔講野，少少唔稱心或佢自己表達唔到，佢就撼頭，額頭突起好多腫瘤，絕對唔係靠嚇，見到都心痛。
有一日，我無聊教佢打功夫、出拳、踢腿，一路打、一路講招式，佢居然肯講，仲好認真地打功夫。
我覺得係遇到一個誘因，令佢爆發講說話嘅興趣，自始之後，佢講唔停。
媽媽千萬不用太担心，見你生活壓力已很大，要懂relax.
18個月未講野，其實都普遍。有冇發聲？對大人有眼神回應？
我仔都speech delay, 要訓練，一樣長大冇事，現在讀大學啦。
真是不用担心！
3個讚