點解要幫襯佢先？大把黃店係小本經營，捱唔得好耐
1個讚
所以咪話佢唔會排第一囉。
除非屋企，公司附近有，否則一向吾會特登搭車出去食茶餐廳。
我覺得今次主要是疫情問題。第三波牽涉好多食肆，我連外賣都冇食。
1個讚
算啦！忘記咗！
唔得閒好似隔離咁搵人哋舊post！
Let’s move on!
1個讚
引用你嗰post只係想比此post樓主知，呢度絲打對食物質素有要求，唔係一句黃店就大晒。
如有冒犯，請諒。
1個讚
我想講、龍門真係好一般
食過尖沙咀果間
我係因為睇過fb嘅“人西group”，有好多關於偽黃嘅食人血饅頭事情，收受“家長”捐款但捐款用途下落不清不楚，賬目完全有可疑，亦有好多手足喺龍門做嘢，不過比人當傻仔呃糧呃工時。人西group有大量呢位老闆偽黃嘅資訊，全部fact checked，可笑係仍然有入世未深嘅小粉黃比呢d偽黃人呃得透。
所謂不分化、不割蓆，無問題，但在我角度嚟講並唔包括呢d偽黃食人血饅頭嘅人，仍然盲撐對我嚟講先真係對唔住一班出血出力嘅手足。
4個讚
真係！食物質素差我當班盲粉自己唔識煮，逼住食呢 d ⋯⋯ 咁多證據講佢點食人血 都唔肯開眼睇 
如果大家有心，仲有大把小店告急，唔好掛住捧人做神做大台。 龍門生意幾差人地做精算師識得計數啦～ 逆市搶舖、請埋班大媽伙記 （說好的手足呢？係喎，被人逼走晒）、煮垃圾都有人敢幫襯, 佢賣多幾個富臨月餅實圍到皮啦
3個讚
我會雨露均沾
唔會食死一間黃店
5個讚
人西group!
其實你知否人西facebook嘅來源?? 同点解叫人西??
1個讚
雖然𡟚想比多次機會，但佢自己唔爭氣，咁難食，想幫都幫唔落手
2個讚
其實食黃店不是問題，但難食的話，為何要去食，同區還有其他黃店
2個讚
我自己捐款
只會選擇612人道基金
2個讚
係囉、就算以前冇分顏色、食過一間舖難食咪唔再幫趁。
咁多間黃店有排先食得曬啦
1個讚
話說曾經有位所謂KOL因為遠嫁咗比個外籍banker去咗倫敦生活，從此過住自以為高人一等嘅生活。
有一日，呀KOL回港探親，途經海港城買鞋，點知手中嘅袋唔爭氣穿咗。雖然男兒身，但都唔怕面懞懞走去附近嘅cova問人拎紙袋用住先，佢心諗：平時幫襯你咁多，無理由一個紙袋都唔豪比我呀嘛？
點知，人家真係唔買佢賬，係唔比你咪唔比你囉。
人妻先生就將件事擺上網公審，打算圍爐取暖，豈料比人串返轉頭，自此，慢慢fb有網民將佢演變為人西手記，並追擊此類垃圾kol。
除咗倫敦人妻被人西group打沉外，仲有另一個陪月kol ～ 二汪，亦係由此group揭發種種惡行及將之剷除。
直至去年社會運動，好多衝住黃色光環嘅偽黃人士，食住好多手足、家長嘅人血饅頭，被人西group逐一點名篤爆，引起隔離登不恥其分化行為。
但，如果真係食人血饅頭，點解仲要盲撐？黃人唔係用腦去fact check過先信先撐㗎咩？點解小粉黃仲要比嗰班偽黃呃？!
2個讚
你呢個「雨露均沾」好好笑。 
4個讚
立場蘋果有龍門專訪佢都擺左自己嘅理據出黎至於相信邊個就自己決定啦，只係想講依家龍門個名臭左唔同對面個名又好香咩。。。人西group渣哥個班咪一樣臭哂。狗咬狗咁真係無眼睇。
利申無食過龍門，要數嘅話反而食過渣哥光榮。但呢攤野上面龍門嘅態度係對面襯托下會有加分，佢依家想安靜做番一間普通餐廳我會選擇無視佢而唔會批鬥佢抽佢水
至於食嘅話講真依家間間都困難，呢幾間出名嘅爛船仲有三根釘同埋有基礎支持者，會幫襯無咁出名的小店先
2個讚
算啦，仲鬥黃。人格抹黑係最無恥，但係某一類人極常見嘅手段。
有人係人西page講龍門老闆強姦添，老闆都出左律師信，咁係咪因為人西講過，老闆就等如強姦犯？
我唔係龍門fans，渣哥、光榮、燒山嘅時代，我間間都有去過，我唔會話龍門係最難食嗰間。順路的話，我會繼續幫襯龍門或者渣哥，唔會因為佢哋有過節而杯葛。
難食同唔難食都係個人口味，不過話人人血饅頭，除非有實質證據，否則就係配合緊對家打壓同路人。
2個讚
“自此，慢慢fb有網民將佢演變為人西手記，並追擊此類垃圾kol。”
我對這段所謂網民"將佢演変為人西手記"保持很大疑問!
我曾因為人妻寫"M字噴噴萬能水"看過一兩篇報導. 知道佢係一個同性戀嘅人妻。 之後因為cova 紙袋事件係facebook爆紅突然發現多左一個同人妻同名的所謂人西group. 當時拜讀左十多篇每日追擊人妻每天貼文, 對此group的手法不太認同!
當然揭露真相係好事. 但跟車太貼或盲目追隨亦應小心。
黄店其實好多, 有吾同光環. 我盡量會去不同的黄店, 好食會再幫襯.