我個b 35週時2.6kg…
都唔係個個私家係咁 我嘅醫生一直好鼓勵我順產（我都問咗好多次會唔會塞住咗架…） 我167不過patpat細但算有做開運動 要唔sigh力真係要follow through醫生/midwives嘅instructions架
我155，陀B前40kg，BB出世3.5kg都可以順產。我都係私家生，其實好睇你個醫生俾唔俾你試。我個醫生最初都話可能要開刀，但因為我好堅持順產，所以佢都俾我試。當時都見到同房有其他醫生係咁叫其他媽媽轉開刀(但其實無需要)，都係視乎你個醫生想唔想接順產啦。
我反而係醫生問左幾次我係咪真係想順產
我唔知佢係咪覺得我應該生唔到定點…硬係覺得好可能食全餐
我係好想順產，次次醫生問我都話想試，不過如果佢到最後都話我唔得嘅話我都唔會勉強…費事食全餐啦
私家睇, 開刀賺多D, 而且順產生風險高D, 始終私院無ICU
我有諗過如果私家都係話要開刀會唔會去政府博下順產算…
唔怕痛又好想順產就政府生啦，私家通常3.5kg就會叫人開刀，政府冇10磅都唔會俾你開刀
講真咁多人喺政府生，有幾多個真係要開刀吖，不過政府啲醫生/姑娘係惡啲，冇乜禮貌，又冇咁好服務，病房嘈啲，生完要自己湊返，但慳返幾萬蚊可以買好多補品
其實我今胎都可能會返政府生，始終順產都係靠自己，上胎私家順產，痛完十幾個鐘，醫生其實都係最後關頭先出現，接生唔洗1個鐘就收工，大部份時間都係自己喺產房捱。而且私家通常都會餵奶粉，我想餵人奶。上胎私家生，bb食左幾日奶粉，返到屋企唔肯食人奶，搏鬥左幾個月先轉到全人奶，今胎唔想再搏鬥得咁辛苦。
其實我糾結左好耐私家定公立…因為第一胎好想有陪產，但公立就無…但如果bb 3.5kg私家話開刀，我可能真係去公立試下…希望唔會食全餐啦
1個讚
我9月28號先生，但bb已經3.68kg，8磅。我163左右。醫生話要控制。我係唔係要停曬鐵水，鈣片，葉酸和DHA，只飲高鈣脫脂奶？
我40週啦，仲未有動靜 
佢肯早d出來就無呢個問題啦
但我39週先話有3.5kg，如果一早知可能會考慮返公立生 
醫生有無話點控制？係咪要開刀？我醫生就叫我食少啲澱粉質
點解一早知就返公立？因為私家要你開刀？