呢d唔係立場，係假料，煽動民眾呢下煩
我老公以前淺藍, 宜家黃過我
慢慢来
1個讚
佢地接收嘅真係100%假料, 但佢地又信, 唉
其實兩面都有呢d人，所以幾時都fc
1個讚
相信用方法、好態度同時間可以改變一個人！
下下鬧交關係唔好咩都唔入耳啦
入來同你講聲加油
1個讚
佢藍但包裝自己為“中立”，成日聲稱自己兩邊資訊都有睇，但其實佢睇紅媒100%就信晒，睇now睇立場新聞就話人偏頗有預設立場。佢自認藍絲我都無咁嬲，但自欺欺人扮中立就好討厭
佢會話警察唔啱，跟住就扮中立包底話咩“兩邊都有錯”，嗰時撐警集會佢都有去，我亦唔干涉。但佢會否認自己係盲目撐警，明明721每次我一講起佢就無嘢反駁，嗰晚佢都係同我一齊睇住live，但至今佢都係覺得警察絕大部份都係好人。我真心覺得佢無得救
小朋友價值觀方面，最煩就係我哋雙方對何為之“正確”有分歧，太懸殊，好難有共悉。
我哥都係咁, 真係唔想见到佢
如果我係你, 一樣会好愁…
唉, 典算好
加油呀Easy, 我知屋企人唔同陣線, 相處屋簷下係好唔容易.
呢度你講乜都得架!!
其實你老公唔俾你灌輸你嘅價值觀, 咁佢又有無灌輸佢嘅價值觀呢?
有無盲撐警察? 對警暴同反對聲音嘅市民有無中立嘅分析? 佢撐都要有理由丫, 你咪由小朋友分析對與錯囉. 呢個世界無話一定啱晒/錯晒.
兩公婆又有小朋友, 和諧嘅家庭氣氛好重要, 依家日日在家, 小朋友更加深感受. 佢鐘意聽邊一邊佢自己會決定, 迫唔到嘅. 你老公都係, 佢明就明, 唔明咪慳番啖氣.
新聞喇喎, 裝Cable TV . 免費電視係無營養架. 
1個讚
我深黃 老婆中立(佢父母姊藍)
講親咩政治新聞佢都可以係冷血無感覺 原本都唔想容忍 但為左個仔無計 佢亦冇駁過我冇點鬧交
我好懊惱點解另一半唔係同路人
慶幸佢唔算藍 我仲可以將個仔染黃 灌輸公義社會責任
否則 水火不容 好易就離 或者我係政見和良知 凌駕在愛情之上
去發夢受傷停工一個月仲冷嘲熱諷 嬲到呢
但為政見離婚真係好矛盾
sorfor1999
3個讚
政見唔同係好正常，但唔需要因爲咁而離婚，問題係唔好迫人同自己政見一樣，大家各有意見，諗法，唔同道，少討論，朋友間一樣，眼見好多人因立場唔同就unfriend幾十年嘅朋友，原本友情都不敵政治
另一半很重要 慶幸老公同自己一樣黃
屋企人藍都中話可以避
如果老公都藍真係會日日拗 
好彩大家都同聲同氣
加油⋯不過我而家久唔久都會去果邊留言，見到佢地發癲真係會笑左
同感。
我老公話自己中立，但原因係佢寧願打機，唔睇唔知唔理，咁做一樣係咁冷血，佢都唔駁我但只因為免煩。
如果未婚時分得出唔係同路人，應該根本唔會一齊了。
良知凌駕愛情，喺我眼中係好正常。如果有一日真係離婚，應該已不是因政見唔同，而係人性嘅差距。
1個讚
同你一樣，好失望老公點解可以咁自私冷血，佢唔會主動去睇時事，我話比佢知個政府popo啲衰嘢，佢有話我太陰謀論，唔信有咁衰。大家價值觀不同，宜家都係盡量避談政治，做對柴米夫妻，soulmate就唔使諗了
1個讚
我地握握手，做個黃伙伴
1個讚
exactly, 俾佢睇黑警打人，佢都覺得係有人煽動。陰謀論呢個terms我老公都成日講。有時我都唔知定係佢太天真，唔相信香港已經淪落到呢個地步，就寧願做駝鳥。
大家都唔好討論時事，如果小朋友問起，可以話佢知父母有唔同睇法，反而比小朋友有個多角度思考嘅訓練！
唔認為政見比家庭更重要。
我都唔知我老公係天真定君子之腹，721嗰晚佢都話第二日就會拉人，宜家都大半年啦。佢今日都有話屠輝應該會被拘捕，睇下會唔會又係拖下冇咗件事。
佢就覺得我乜都唔信，成日小人之心、陰謀論，一年前我都好信政府，到宜家都仲會對個政府有期望的人真係唔知個信心喺邊度嚟
2個讚