請問屋企係三種語言嘅爸爸媽媽 (廣東話, 英文, 外語), 你地平時同小朋友相處係咩語言, 會點分配? 尤其選擇讀本地學校嘅… 我好奇同想參考一下
對住BB，one face， one language
，避免BB混亂
所以對住BB我廣東話，太太中文（加日文），姐姐英文，各自交流另講
小朋友母語最好bilingual先，父母負責各一種語言
到母語講得ok，3歲+，先再加另一種語言
除非成長環境可以自然地有3種語言啦，咁3個大人可以各負責一種語言
如果你打算比小朋友讀本地學校，一開始更加要教廣東話，因為廣東話比較難學
我淨係會講廣東話（其中一個原因因為我英文有口音）
我老婆50%日文，40% 廣東話， 10% 英文 （即係隨心…).
一個星期上三日英文，好次一個至個半鐘。
So far 佢日文係母語, 英文閱讀同埋理解大約美國小學二年級程度(佢嘅英文好重日文口音)。廣東話溝通冇大問題，好似一個普通國際學校小朋友咁。
BB一歲，Daddy全英文，我全廣東話+日日唱下日文兒歌比佢聽。暫時唔敢同佢講日文同普通話住，驚佢撈亂。
多謝大家回覆, 我都諗one face one language 最好… 我打算自己會同小朋友講廣東話, 老公就叫佢只講英文, 嫲嫲講Dutch… 之前佢地都一半一半, 我覺得無咁好
我想分享一個case… 記得以前有單新聞講，上海有個家庭，一家四個大人同BB講四種語言，大概係爸爸日文，媽媽英文，爺爺普通話，嫲嫲上海話，最後個BB唔肯講嘢，話語言混淆咗，唔知講乜。
唔排除有語言天份BB可以一次handle好多種語言，但學語言都係循序漸進好d, 學好母語再學外語，或者雙語就算（好多香港家庭實證中英並行），根據小朋友進度再調整吧。
語言黃金期係十歲前，其實仲有好多時間
1個讚
我身邊有朋友正正就係咁樣。香港土生土長，語言遲緩。睇醫生，醫生話小朋友混亂左。
我女細個都有類似情況（未係遲緩），我同爸爸都係講廣東話，姐姐就講英文（唔識廣東話），雖然返學之後pick up英文係好快，但作為女孩子嚟講，佢學講嘢都係慢架，要成三歲左右先講到好似其他女同學咁。
