BB本身3個月已經戒左夜奶
但到5個月反而會凌晨2:00am醒
每次都係靠埋身飲人奶再訓返
但琴日變到12:00 am又醒一次
2:00 am 又醒一次
4:00 am 又醒一次
（唔係肚仔唔舒服）
係咪有d咩野習慣要調整…
我上網睇
醒係正常 反而係幫佢建立自己入睡習慣
等佢唔好靠埋身飲奶黎訓
留毛
Same here 
我都就嚟癲 我個仔兩個零月戒咗夜奶 一晚可能醒一至兩次 但拍吓or抱一抱就瞓返一間唔中可以一覺瞓天光…但到5個幾6個月突然痴咗線咁 晚晚一個鐘醒一次…有時幾個字添…又唔係要食奶架喎 抱一陣就會瞓返…但晚晚狂起身抱佢 真係人都癲 仲要返工
不過佢係出緊兩隻牙仔嘅嘢唔知係咪因為咁啦
一齊抱住喊
我都係…第二日仲要返工
個人好似虛脫咁
一樣丫，本身2個幾月開始戒左夜奶，雖然夜晚都會醒，但塞返奶嘴都可以訓返，但而家就黎4個月又反彈返，開始唔想食奶嘴（其實本身都唔鍾意食，係我逼佢食，因為唔想成日抱訓），所以呢排醒左要食奶先肯訓返，唔肯食奶嘴，我都想bb可以自然入醒。反而我大女2個月一戒夜奶就真係戒左，半夜都唔醒，可能係每個bb既特質唔同啦
原來係咁
咁我想問朝早中午時b有冇小睡？ 夾埋多數幾多個鐘左右？
因為b出世以黎睡眠時間一直都偏少…
初初見佢夜晚肯訓就由得佢…
但佢夜晚又唔點訓
朝早又唔肯小睡
訓得仲少過大人
我個b一出世都一樣日頭唔訓，好無安全感，少少聲就紥醒，抱住訓就好d，但一放返落床唔夠兩個字就喊醒，人都癲，但就叫夜晚肯訓，雖然果時都2個鍾起1次食奶，但食完都肯訓返。不過2個零月開始慢慢好多，雖然好多時都只訓大半個鐘，但唔會好似之前咁易紥醒，有時仲可以訓2，3個鐘，通常中午訓2轉覺左右，日日訓覺鐘數都唔定。不過夜晚算訓得耐，夜晚10點幾左右訓，可以到第二朝11，12點起身，當然中間會食2次奶左右
我嗰個都係不嬲瞓得偏少…而家佢夜晚11點零瞓，到朝早6點幾食奶(中途醒無限次)，再通常瞓吓醒吓到10點幾就完全醒哂要玩，跟住就係晏晝1點零同5點零會瞓半至一個鐘，之後就一直到夜晚11點架喇…
咁睇黎 我都係接受左去算
唯有當每個bb個性唔同
今晚8:00 pm 訓著
到10 Pm 同佢搞黎搞去都係唔肯訓
一熄燈B就喊
我以為係自己打出嚟，因為我b情況同你b一樣，連時間點都一樣！我都無辦法唯有頂硬上咋
1個讚
有冇上網search吓 「睡眠訓練」
我用Ferber method
BB由抱瞓訓練到擺落床仔自己自行入睡
用咗1個月時間
我仔又係極易紮醒嘅bb
初生到滿月一定要抱瞓
1.5個月頂唔順同佢做睡眠訓練
你可google一下
1個讚
我睇過書，其實bb太細做睡眠訓練會唔太好，過左6個月後做會比較好
同埋其實bb個睡眠周期比大人短，會醒係好正常，佢地未發育好，係需要大人幫助再次入睡
同埋4，5個月開始都有機會開始吽牙仔，我識人個bb四個月已經出牙，出牙不適會有睡眠倒退情況
除左出牙問題，仲有日頭有冇訓夠同食足夠奶量都會影響
所以都係幾複習嘅問題黎架
如果真係好影響大人作息，影響大人工作，或令到大人精神健康有問題，咁當然要正視同調整下
同埋唔同派別有唔同講法嘅，睇父母想跟邊套，冇話邊套最好，要揀最合適的
其實我都有睇書同上網睇咗唔少…呀仔差唔多6個月大時都試咗一晚ferber method，但玩咗十幾分鐘 我同老公都已經頂唔順…真係唔忍心佢咁樣喊，雖然明白最終係為佢好…但聽住佢喊到聲嘶力竭，連一向懶係理性嘅老公都忍唔住走去抱返個b話放棄 加上我地同兩個長老同住，嗰晚佢地聽到bb喊咁耐已經話我地咁樣唔得架 會喊傷個b 乜乜乜…解釋咗係睡眠訓練 不過老一輩通常都唔信架啦…
我琴晚都發現應該關出牙仔事…佢一咬野就唔喊
你講得啱…真係無得迫
由得佢自由發揮
https://haohaokunn.blogspot.com/2019/09/blog-post_14.html?m=1
最近我都經歷緊呢樣野，希望慢慢會好啲啦
多謝你嘅link
BB差唔多日日都半夜醒一次
不過我都慣咗
有時食得飽d就真係可以一覺天光