其實睇個人喜好啦，轉去邊間都無問題，但有一點要留意，未來香港只會得返5間強積金供應商，其他會一一賣盤，因為監管越嚟越嚴謹，相對支出都大，唔多公司應付到
1個讚
呢個我就已經冇再理。
所以其他JM , CHing 要留意
請問得返邊5間？我都係HSBC考慮緊轉宏利，但見上面有JM咁講又心大心細。
我搵到黃生份文章，其實當中有好多問題存在，首先，佢本身唔係宏利agent, 只係聽人反應，而當事人有無交足所需要文件提出申請無提及，如果只係一本BNO, 係唔可以作為永久離開香港嘅理由，俾公司reject係好正常，而單單因為咁而指宏利奶共？ 咁最近AIA直接宣布支持國安法，咁又點計呢？ 係咪要取消所有單？HSBC都支持國安法，係咪唔用？
我一直都有幫客戶提取MPF，但從未遇到佢所講嘅問題，全部順利拎錢，無論移返內地，台灣，美加，英國等地都無事
至於邊5間，當然係市場佔有最高個5間
滙豐親中已經係不爭o既事實，而家呢個環境，無o野做唔出
我寧願小心d，寧可信其有
請問BNO visa 攞唔攞到強積金？
唔緊要，客人有自己選擇權
唔係單單拎住個BNO visa就得，你要去民政事務署宣誓，連埋提取form交去供應商
如果有方法，我相信好多人會揾tomatorice幫手
畢竟呢度都唔少錢，頂到一段時間
建議check 咗自己幾多個mpf 戶口先，去民政事務署宣誓，退回MPF 只收正本，所以一次齊咁多個戶口嘅form。
所以我一直都講整合戶口好重要，慳唔少時間同唔怕唔見戶口
1個讚
我果行轉工快，唔少人幾個甚至1X 個。
堅唔少。
我MPF 供咗20 年，雖然一直人工唔高，入面都有6位，老公供咗5 年，佢人工高都有6 位
咁更加要整合，我遇到D連自己有咩戶口都唔知，口講2個，一查之下，有5個，但另外3間已經無收過信，而最最大問題係離世後，家人根本唔知戶口係邊，左攪右攪，攪足大半年先拎返D錢
1個讚
市面上太多錯誤資訊，到退休時一蚊都無呀，到時筆錢無用呀，追唔到通脹，有排都拎唔到呀等等，其實無論點，mpf都係自己嘅錢，邊有可能唔理
所以之前有個post，我提議 去積金局開個戶口我check 吓自己幾多個mpf 。
我本身以為自己3個，原來4 個
Hmmm … 真係好多人唔理！
我老公已經係一個例子，我做女果時都唔多care。
但留意一點，積金局check到嘅只限於離咗職及申報咗嘅戶口，如果HR無申報離職嘅戶口係查唔到
大多蚊人唔會理，尤其年輕個班，大約3x開始會理下，但都唔太積極，反而50開始就會，但時間太少，增值能力有限，其次係太多數人都選錯基金或者無得選擇
如果唔清楚，一定係D 走咗都唔記得嘅account
仲做緊，應該會知