陪月啱啱完咗job 我要自己預備返一日三餐
因為工人姐姐未到 所以早餐午餐都係自己一人份量 好懶去煮
依家有疫情都唔想經常叫外賣
想知大家通常食d咩做早餐同午餐？
同埋陪月完job後你地keep唔keep到奶量？
我都想知，
我估自己會煮菜加蛋、主食係粉麵咁⋯⋯放哂入同一個煲，未必會整肉類。
你係順產定開刀？ 我係開刀 我都仲未敢食蛋 覺得傷口未完全好晒
簡單為主，蒸飯，一碟仔放入電飯煲蒸/焗
肉餅啊，蒸雞啊，蒸排骨，蒸豬扒，間住食
肉可以加入金針雲耳，蟲草花，紅棗杞子，梅菜，間住食
又可以加豆腐，或者節瓜，想食再多點菜可以放落飯一齊蒸，蕃茄，蕃薯，粟米等等，撈飯食
開頭有湯水飲好緊要，冇湯都飲炒米茶
我個時日日最少食一樣增奶食物，所以都keep到，過左bb猛長期都增到奶
你想養好身子定點先？
正規坐月坐100日，照返之前咁食
咁你會一次過預備定多d餸定逐餐搞？
想keep返奶量同埋難好身體 因為我都唔會再生都想補返好嘅
不過自己一個人份量都難預 食唔晒又唔想隔餐
肉類最初未上軌道會醃多兩三日份量
上左軌道就前一晚晚上準備定第二日嘅早同午餐
可能一餐就撈梅菜，一餐就撈金針雲耳咁樣
菜就買定三幾樣，到時再自己揀
養好身體就要keep住溫和咁進補，每日要食足5餐
蒸嘢最方便
有電細燉盅同電蒸爐嗎？無就買，方便好多，又可以煲糖水湯水
呢間嘢每星期可以送上次上門，一pack pack你開黎整就得
營養算好均衡
夜晚煮多d , 朝早翻熱d 飯， 再泵清， 代茶整好一個個茶包焗水飲足100日。
可以煮有味飯。一次買定3.4日份量嘅肉。醃好。揾個盒放好。一用就得。蕃茄薯仔肉碎有味飯好方便。冬菇蝦皮菜絲肉碎有味飯。一煲過好方便
訂陪月餐？
我果時日日5:00/6:00起身食酒釀蛋
非常易煮 老公都識煮
我都就黎生，姐姐都唔知幾時到。
問左中西醫意見，其實第2個月開始普通食d有營養嘅野就ok,不過都唔好食寒野住。每星期起碼有1至2次溫潤湯水咁。如果屋企人得閒就麻煩屋企人煲同買定幾日餸咁。我同老公就決定如果同坐月姨姨夾嘅話，叫佢3日黎1次煲啖湯，買下餸咁。同教下我湊B.
早餐可以烚蕃薯加蛋，或者芝士
午餐可以食d飯呀，通粉呀，加少少肉片同菜
晚餐都係蒸下肉同烚吓菜為主咁
中間可以加餐飲熱薑汁黑芝麻黑豆漿，加少少生果。
(我2個醫生成日都話，唔好諗到BB同喂奶要食多好野。重質不重量。食太多係去晒阿媽度
)
正woo,但好唔好食?
正woo.我第二個月可以考慮一下。
thanks thanks 
真係方便，同埋佢係一袋袋用透明袋pack好，真空包裝，所以無落防腐劑嗰d
1個讚