外國會比較多無子老人。好似呢個reddit post 嘅樓主，佢覺得開心，因為事業有成就，寫好多research paper，老婆就做義工，養貓狗
我而家都試下學多啲野，培養多啲興趣
4個讚
如果樓主係“驚”老所以生仔
其實生完會仲多野驚，驚個仔唔健康，唔生性，唔賺錢，唔開心
驚唔生會後悔，到生左又會幻想唔生嘅生活幾咁自由
我諗如果要生 起碼肯定自己可以一直愛個仔，唔係淨係中意可愛bb小朋友，仲會愛反叛青年，連登廢青，萬一變啃老都愛，adhd,自閉殘疾搵唔到食都養得起，照顧得黎
而且可能生左，夫妻感情變差，丈夫出軌，單親都搞得掂
有咁大決心就生啦，好明顯我冇
好似講到好灰咁，但係其實生仔猶如賭博，你唔會知生出黎係咩樣，咁既然係賭，都要預計最差狀況承唔承受到
我眼見好多人淨係見人開心嗰面，其實冇諗清楚就生,反正全世界大部份人都生 ，我點會唔得。咁樣嘅心態
我覺得要hope for the best, prepare for the worst
我覺得唔生，人生比較可控，風險較低。當然就係會miss左天倫樂。有得有失
8個讚
我覺得做咩決定都好，最重要係唔好後悔。我有識人係生左好後悔，覺得冇哂自己時間好忙成日被仔激死家嘈屋閉。亦識個同事好後悔自己冇生，覺得過時過節好孤獨，又驚老公第日走左得番自己一個冇人冇物。
我自己3x歲生左2件，身邊同齡既朋友近年都一時話想生一時又唔想生，充滿茅盾。我諗過多幾年到4字就唔會再煩呢個問題掛
2個讚
一時想生一時唔想生都唔係好矛盾je, 相反我覺得好正常
我諗好多人其實偏向想生，但礙於經濟壓力， 工時太長，現實條件唔太容許，所以卻步，如果係呢個case，好大可能生唔生都後悔
唔生又遺憾，生又驚俾唔到好好嘅條件俾後代
2個讚
既然講到咁響口，仲諗咩生唔生仔姐，咁你上面仲出一個話自己35歲諗生唔生既回覆出黎托？ 
仲吹到因為碳排放wor，得啖笑 
自己過左適合生b既年齡，返唔到轉頭，就不斷灌輸自己既思想，想人地認同，令自己內心無咁難過就係你呢d人 
行錯路？
喺香港大把人喺35後生，要生40都仲生得出。
- 咁我30歲都已經決定唔生既.
咁去到35歲, 去到一個位係再唔生就生唔到, 咪又再一次認真咁諗多次.
35歲要生都係生到既, 而家科技先進, 人工受孕有機會生到既.
-
我講左咁多野, 你淨係回應碳排放?
-
攻擊我既年齡, 就認為我只係因為生唔到先想人地認同, 而唔回應我既論點, 係"以人廢言",
哲學哲學雞蛋糕: Paul Graham的如何嘴炮金字塔
建議參考 反駁金字塔
2個讚
唔記得邊度睇過
呻係一種排解壓力嘅方法嚟
好似啲人爆粗咁
其實生又好唔生又好
都可能會後悔…
沒可能全部都是好的……
亦都沒有可能一面倒是差的
雖然好似講緊廢話_
但事實，人既思想就係咁
3個讚
same thinking
新會員你好
做乜咁激動，生唔生自己負責就好
1個讚
依家台灣、東南亞都有，係香港落後咋嘛
1個讚
有時係扮諗下咋嘛！要諗咁耐即係唔想，不過費事講到咁實
1個讚
2個好朋友冇生, 有一個後生時想生但老公唔想, 到咁上下年紀都唔諗了。另一個身體差又容易緊張, 一路都冇諗住生。
公司好多同事都冇小朋友。
生唔生, 人生都係咁過, 最緊要夫婦有共識, 決定咗就唔好諗三諗四煩惱自尋。
雖然養兒防老已過時, 但老到咁上下都需要仔女後輩協助。家族有長輩單身/結婚但冇小朋友, 老咗請工人/入老院都要靠後生子侄幫手。(後生時幾叻幾有計劃, 老咗退咗真係話唔埋)
最理想當然係70咁上下突然走咗, 唔使累街坊。
2個讚
瑞士有, 要1球嘢, 幾多人俾得起/捨得俾?
未諗惦生唔生…
學樓上咁講, 好講彩數。
生出黎自閉ADHD真係煩成世,
就算無健康問題, 想好好培養早日識獨立, 生生性性,
青春期無咁辛苦, 基本點都係由細到大, 用好多時間心機培養感情, 換取返黎。
但係香港就係現實, 時間係要用金錢換返黎…
3個讚
errr, 唔係好明你既意思?冇錢俾安樂死，所以要生仔嗎？
養仔既錢點都超過１球啦，再計埋養仔既時間，如果都用黎賺錢，咁就實俾到１球安樂死。
而且, 唔通真係因為冇錢俾安樂死而生仔嗎?
然後如果做人又老又病, 連安樂死都唔得, 你如果覺得做人係咁慘, 唔通仲生個仔出黎受苦?
2個讚
我兩個回覆冇關連既, 只係講出普通人面對既現實問題。
其實生唔生都好, 面對疾病死亡好多時都係冇得揀, 最好自己存夠錢, 有得揀去瑞士一了百了。否則唔連累仔女, 都會連累家族後輩(in case 冇得揀安樂死情況)
唔生！
雖然有時會覺得屋企太靜，有d寂寞！
但現今香港已經無公義 
1個讚
養隻貓養隻狗…
1個讚