乖 包埋聰明，成績好
LM等睇冇生b中年jm現身說法
想聽多d唔同經歷&當年既掙扎
2個讚
奉獻幾多年人生係睇你點養咋，如果你自己係緊張大師就長憂九十九，點止廿年
我身邊識人兩個女都勁自立勁乖，小b比大b幫手湊，阿媽一早出去玩，幾自由。
相反我嫁左，我阿媽都仲擔心呢樣嗰樣⋯⋯
我一直都好中意小朋友
雖然近年發生既事, 依家既香港都令我有卻步既想法
但我覺得如果真係無生, 老左我會後悔
人生總有機會, 我覺得今日唔知聽日事
將來都未必一定會好好好好差
不過就算想生, 都要睇緣份
有時你想生未必會bingo到, 你唔想生又會突然中左咁
都係點黎點食啦 
1個讚
唔生有唔生既好,真係好想要BB就生1個啦~
同意，睇下屋村師奶，仲大把時間打牌 (十幾廿年前)
1個讚
唔想生就避孕啦
唔生,
唔鐘意對住小朋友,
香港唔適合生, 唔想佢第時冇良知變紅衛兵/藍血人
全球暖化, 環境污染, 食物多毒素, 唔想生左個有病既小朋友出黎害左佢, 大個左生活壓力都會造成身心疾病既風險
好唔明D人想生係為左成全自己想要「完整既家」, 唔係以小朋友既將來為優先
7個讚
小朋友係香港成長會好辛苦…
我都在考慮哩個問題。但其實簡單來講最重要你同先生點想法？如果雙方覺得沒問題唔生，喜愛二人世界，咁未唔好生蘿。人生冇完美，決定左就冇後悔啦。怕老左寂寞但你亦比其他人自由享樂多左二十幾年。除非你地好中意細路，而又好願意奉獻身心時間比下一代。否則你話怕老了寂寞。。有仔女都唔一定以後唔寂寞，佢地都會大有自己家庭生活唔一定陪到你系咪？所以看你自己係想要點既生活。
2個讚
我覺得冇話邊樣好邊樣唔好、只係生活方式只一樣、每種選擇有得有失。
好似單身、就唔會有兩個人一齊帶來嘅煩腦。但同時亦享受唔到兩個人一齊嘅快樂。
生小朋友、如果你係負責任父母、預左中學前你嘅人生都唔係自已。但其實湊大一個小朋友、而佢又同你關係好好。呢個滿足感又可能令你覺得用任何野換返嚟都抵。
但冇小朋友嘅自由自在，又會令好多為家庭疲於奔命嘅人羨慕。
至於老左係點、我唔會諗。因為今日唔知聽日事、我有冇咁長命又唔知、難聽啲講、世事無常、小朋友係咪養得大、又有邊個可以保證到？
4個讚
其實現在唔同以前，老咗都可以有好多娛樂、去中心學下野又好、去圖書館又得、喺屋企上網睇電視又得、係要好好保養自己身體。
尤其係眼、睇唔到野行動不便、就算兒孫滿堂有姐姐照顧都係慘。
所以要為老年生活打算、好好保養自己身體、比有仔女同錢更加緊要。
2個讚
我都35歲, 呢幾年都係決定唔生. 不過我都好驚自己後悔, 所以一直都keep 住睇forum, 睇下人地啲討論, 驚自己諗漏啲factor.
睇左咁我討論, 我都冇改變睇法, 都係決定唔生.
從不存在的小朋友出發, 我實在保證唔到佢會開心健康. 生出黎健康已經好睇彩數, 然後未來世界環境污染, 地球暖化, 海洋膠粒, 我睇唔到有咩好轉的可能. 經濟環境越黎越難向上流.
政治方面, 生左就一定要移民, 講真移民又其實係冇辦法之中的辦法, 好難保證不被歧視
或者另一個講法, 生仔好似賭博, 太不可預知, 不可控制, 你估唔到, 控制唔到個仔生唔生性, 健唔健康, 將來係你養佢定佢養你. 然後呢個賭博係不能止蝕, 生左就一世. 長憂99
好多人話生嗰時香港冇咁差，如果知道變成咁唔會生，咪就係唔知未來會變成點，冇辦法保證小朋友會開心。賭贏梗係好，賭輸受苦嘅係小朋友，最慘父母走先過小朋友，冇得睇住佢成世
無論幾富裕，有父母愛，人生必然會經歷痛苦，我死老豆嗰陣好傷心，唔想生個小朋友要佢經歷死老豆老母
同埋我係唔知教佢咩價值觀好, 其實呢個世界, 做好人有時好蝕底, 但係做衰人又唔會開心. 好複雜.
生仔係一個自把自為的決定，冇得同未存在的小朋友談判，話咩情況小朋友願意出世，所以我都唔知要滿足小朋友到咩程度先叫對得住個小朋友, 或者另一個講法, 你咁辛苦陀佢, 生佢, 養佢 湊佢, 仆心仆命, 佢未必會多謝你. 唔好彩會怨你做乜生佢出黎.
從地球上其他已存在的人類動物出發，製造多一個人類好唔環保，無可避免增加垃圾，碳排放。食肉其實對雞豬牛羊殘忍，我係知道的，但試過食素一排真係好難，冇哂人生樂趣，如果生小朋友，迫佢食素會好慘，我自己都做唔到，咁即係會多一個人食肉
我爸最尾幾年卧床，日日製造大量垃圾，尿片濕紙巾，如果生bb亦一樣會製造大量尿片濕紙巾垃圾，唔通真係要增加工作量，用布尿片？當全世界都貪方便用即棄，要反其道而行好難
從我自己出發, 我當然會擔心老左孤獨, 但亦都唔係生bb 的理由. 冇理由為左養兒防老生仔, 好自私. 第時如果小朋友問阿媽你做乜生我, 又點會答得出係因為怕老左孤獨
所以back up plan, 老左去啲養老村, 其實而家越黎越多人唔生, 將來一定有好多高質養老村. 最緊要有錢.
萬一最壞情況, 老時有病, 又冇錢, 咪自殺囉, 人總有一死. 難道有仔女就唔駛死? 如果afford 到咪去北歐安樂死
再者, 其實阿爸有長期病患, 我係有照顧佢, 但係有冇人照顧都好, 病都係好痛苦. 如果已經好老, 不如死左仲好. 反而冇仔女的話, 安樂死係好容易做的決定
另外其實我本人好懶, 如果要我生bb 由朝忙到黑, 真係咪搞.
我本身亦都唔係特別中意小朋友.
我自己本身做決定會諗好多, 做完又會驚做錯決定, 我估計如果我生左, 實人都癲, 會諗到底我生仔啱唔啱, 讀呢間幼稚園, 小學啱唔啱, 移民去呢個國家係咪對小朋友最好. 其實我真係唔中意幫人做決定. 另一個講法係我責任感好重, 製造一個生命對我黎講太大責任, 實在負擔唔起. 唔生就算我點折墮都係我自己的事. 生左萬一有咩事我會覺得我害左佢.
唔生真係自由好多, 移民亦簡單好多, 時間上金錢上都輕鬆好多, 經濟負擔又細好多, 冇錢咪食平啲, 住細啲, 好flexible. 生左仔真係多多錢都唔夠
我本身又成日三分鐘熱度, 冇生仔的話想裸辭放行讀書都仲得. 而且容錯率高, 只需要對自己負責
至於後唔後悔, 其實會後悔, 通常都係唔開心, 幻想揀第二條路會開心… 如果keep 住過得開心, 就唔會後悔
再者, 如果生左後悔, 係難以補救, 冇得塞返入肚.
相反唔生而後悔, 可以領養小朋友, 可以養貓狗, 可以識多啲朋友, 最極端可以自殺安樂死. 比較易補救.
亦有人覺得唔生仔好空虛, 其實好多父母會把生仔當成人生意義, 或者當成人生最大成就. 的而且確, 睇住bb 由冇到有, 日日長大好有成功感.
冇生的人會覺得空虛, 我估如果做一份只為錢的工作, 放工又淨係睇下電視, 無無聊聊, 久而久之會空虛.
所以冇生的話, 最好就追求其他成就感, 冇生的話, 其實唔需要賺好多錢, 不如搵份中意做的工作, 甚至裸辭去旅行, 尋找下自己的人生目標. 或者做義工. 諸如此類, 令自己覺得唔生都不枉此生.
有人同我講過, 自己到到中年, 人生開始停滯不前, 所以生個小朋友, 睇住佢成長, 代替自己成長, 我相反地覺得自己仍然可以成長, 可以繼續學習進步.
亦有人的生仔原因係想有自己生命的延續，怕人死左乜都冇，我自己一時時，以前都想有啲野留喺世界，諗過寫書，如果剩底幾十年咁得閒，可能會鑽研到啲學問。但而家又冇再咁諗，人死如燈滅，在世時開心就夠
因為養老, 怕孤獨, 怕冇人冇物, 怕空虛, 而生仔, 係將自己的人生問題推俾一個唔存在的人.
幻想生仔可以解決呢啲問題, 其實係製造更多問題.
而且個仔女將來自己又要怕老怕冇人冇物，把問題延續
好多人都話, 以前戰亂咪又係咁生, 但係以前避孕冇咁易嘛, 而家生唔生絕對控制在媽媽手中, 咁就要為呢個決定負全責.
生仔可能會失去一啲開心, 例如冇得由冇到有咁睇住個小朋友成長, 但係同時我有好多其他可能性, 更有彈性, 而我覺得可能性比較高分.
26個讚
我。我由細到大都覺得bb好煩，又嘈。初初拍拖c6都想生（佢無諗過唔生），但我有意無意潛移默化佢，教好辛苦，細路又百厭，屋企有細佬就唔可以兩人靜靜睇電影⋯⋯日子有功，十幾年後，他已打消這念頭。
我已4字頭，沒有一刻後悔，反而見到近年社會咁樣，好慶幸無生，依家打算疫情後睇下去邊個國家買多層樓，兩邊住。有小朋友就多好多野顧了。
8個讚
你決定左唔生,而思想正面就OK 
我幾年前生左1個,果時香港都唔係咁,所以我堅決唔生第2個~
2個讚
都市人好多對眼都唔好…
1個讚
我都覺、好彩冇生第一個。
生一個、上咗小學覺得輕鬆咗好多。
身邊朋友生兩個、都係唔會一齊玩、都係會嗌悶。
2個讚
我先生同你嘅諗法好相似，難得知音人
以前d人冇避孕，同埋生仔就好似食飯，沖涼咁，個個都會做，但又冇諗到點解會做… 而家2020啦
5個讚
其實好睇你自己同另一半想唔想做父母。如果得你一個想，佢唔想，你將來會好辛苦。反之亦然。
我自己呢，當年好鍾意呢個男人，好想嫁比佢，好自然好想同佢生小朋友。所以生左兩件，大家亦養到兩個小朋友肥肥白白，就快出身。有左小朋友嘅家庭，重心一定會轉到小朋友度，家庭一切開支，日常生活，請工人，湊小朋友學呢樣學個樣，忙足七天。去旅行要去XX樂園，XXland…已經冇晒自己。
而家細路大咗，先想下自己想要乜，但歲月無情，好多野已經不復當年勇。
如果當年無小朋友，我應該經濟上更自由，人都無老得咁快(唔係講笑，生兩件身體真係差好多)，或者事業上更成功。不過，我又想像唔到，兩公婆無小朋友，點樣淨係靠愛情可以維繫咁耐。
如果時間重來，而我又有水晶球
知道2019的香港會好此恐怖，我一定唔會生。但，誰又有水晶球看到2029，2039呢？
11個讚