今年荃灣有兩間 Band 1 都各收一個 Band 3，派位入。（呢個係非常非常肯定，呢個消息 100% 準確，學生肯定係 Band 3）
不過今年太多影響，又移民退學潮，加上荃灣呢啲跨區比例高而且比較多地區小學同官校，最鍾意就叫人穩陣做靚首三志願，導致有啲 Band 1 未填盡乙二就填綠楊新邨，Band 2 又唔敢搏，然後有啲 Band 3 家長就心頭高要搏結果就畀佢中獎。咁嘅情況就只能祝福佢努力用功儘早開竅。
聽落 band 3讀band 1，無個有好結果。有無人聽過有例外？
其實小朋友學術水平唔夠但夾硬入盞讀得唔開心。唔明d阿媽係乜心態
真係少。
Band 1/2/3不單係學業上嘅分別，性格、喜好都好唔同。聽過一個笑話，應該係band 2/3質地嘅同學晒小學收左幾多兵，以為會惹來同學羨慕眼神。殊不知係純品講學業、課外活動多Band 1學生零market，大家連收兵嘅概念都未必有，超冇癮。
當入左個自己係少衆(全級得一、兩個），又大落後，仲未計老師/家長俾嘅壓力，要好努力才有好結果。
1個讚
大家羨慕既點唔同，所以話點解d父母死爭爛爭入名校，有時就係為左呢非物質既風氣，質素。
講到收兵，我相信band 1學生都知同會收，但個位女神連氣質應該真係神級，唔會咁膚淺lor.
真係讀多幾年書先啦
都唔奇,呢段時間又多人去外國讀,自然多咗啲位出來,正常小班教育咪仲好,但學校受教育制度又怕因唔夠人殺校(唔知係唔係),收費學校就更少了一啲收入,所以夾硬收人既事已經隨時都有,間接比咗錯覺家長孩子入到啲名校BAND1校而出現機會. 總知基礎唔好夾硬去讀,辛苦既永遠都係孩子.呢啲要面子既家長,之後自然容易慢慢嘗到苦惱滋味.