我差唔多12w要去威院照唐氏, 但而家疫情好似嚴重左所以搞到好掙扎去唔去好, 同埋唔知如果第1次唔去會唔會當我無開到file而健康院係咪又要經醫院打去book先得? 
你有冇level 3口罩
戴埋眼罩
放心
醫院會check晒冇出入境記錄先俾佢去睇醫生
所以入去等都算安全
都係果幾句
唔好捽眼口鼻
一離開醫院就洗手啦
檢查好緊要架
除非你完全安排左去私家生
但點都要去公立開file等公立有得跟進
有咩突發事都有公院跟呀
2個讚
我得level 2咋
近期中招果d都送左去威院所以有d驚 
因為疫情關係，我一路都唔夠膽去公家
咩公家test都冇做
OSCAR 無乜用，直接去私家驗 NIFTY
咁公院無開file得唔得嫁?
我有book到T21呀, 咁係咪可以唔check唐氏?
我有book到T21呀, 因為check唐氏係第一次去公院檢查所以唔知係咪一定要去
你不如打去問呀
另外你排左健康院未？
其實唔駛咁驚，識有媽媽冇開file都入到院生
如果你係公院生，你去少一次，touch wood以後有咩事你好難追究。
健康院應該係自己另外book，唔係醫院打去book，除非你高危先會keep住去醫院檢查。第一次最好去，會有護士問問題睇吓你係唔係高危，如果出面會做nifty就直接同護士講話唔照BB頸皮得唔得，之後仲要抽血驗其他嘢。
明白你擔心D乜，但威院婦科同急症室距離都好遠，有帶合規格口罩同帶眼罩，勤消毒雙手或者帶手套都唔會咁易傳染到，回家即刻全身消毒都安全。
1個讚
未排呀！之前聽朋友講去公院檢查時會幫手約健康院所以一心諗住等公院約
多謝你解答 
但做左T21就可以唔駛做頸皮果個？係同樣既野黎嫁？
但係我當時喺私家做左T21, 醫生都係話一樣要度頸皮⋯⋯ 
（威院婦產科）
公立醫院嘅度頸皮加抽血俗稱Oscar只係唐氏綜合症篩查，準確率得70-80%。T21 or nifty 主要係抽血驗基因，診所亦同時會度頸皮，除咗驗唐氏仲包括其他基因病，準確率99%。2樣係唔同嘅方法，T21 or nifty 準確率高又驗多D野，所以近年好多媽媽都會驗。
度頸皮只係用超聲波就照到，好多診所已經可以做到，有D Case就算頸皮厚都未必係唐氏，可能仲有其他遣傳病，相信度頸皮係一種最簡單嘅篩查方法，所以大部分醫生會建議度下先。
其實都唔怕嘅，佢產檢又係另一橦，我上個月底先去完，呢個月中都要去做產檢。
不過我就一直都冇去健康院就真
產檢同病房/急症室係兩棟大廈，應該安全。你如果擔心，可以坐的士叫司機去到南翼先落車。如果唔係的士，係舊座入去都安全，你唔好經抽血中心過南翼，係舊座行到尾都有自動門出的。
個檢查一定要做啊！
我上年10月時睇
我印象中一去pwh登記時
佢咪俾左一大堆資料你
仲叫自己打去健康院登記約個期
不過生完d記憶有少少混亂
唔肯定自己有冇記錯
其實t21應該準過Oscar
但公立如果覺得你係高危
會安排埋照結構俾你
咁就慳番出去做
或者你就算諗住出去做嘅
睇多一次都冇壞
始終pwh婦產科都算唔錯
Qe之後，就係pwh架喇