我bb個半月
重大約10磅
我係窮媽媽
由喺醫院手擠到5ml
到左番到屋企坐月陪月姨姨按胸後
兩邊雙泵加埋得每餐30ml
飲左湯水同代茶之後就每餐有60ml
陪月走左之後我就開始不停上網睇追奶嘅資訊
去到早幾日試過泵到90ml
呢幾日每日食6至7餐
有3餐埋身, 3-4餐泵奶
但奶量唔穩定
多有90ml，少得50ml
剛才佢埋身飲人奶25分鐘
時間唔算長
飲到最尾一啖佢吐番少少出黎
最後我都係唔放心補左60ml奶粉
佢飲完奶粉有吐一啲出黎
比人奶吐得多
呢個情況我仲應唔應該補奶粉俾bb?
幫推
我係全人奶媽咪，初時餓到呀b差d入醫院（窮）
但補奶粉只會越補越無奶，bb啜力比任何牌子更加大力，所以你泵幾多唔代表佢自己啜幾多
全人奶王道係埋身，身體會根據bb需要去調節奶量
PS由超級大窮媽全人奶餵到bb 18M自然離乳
4個讚
要多奶，媽咪自己補充多d水份，休息多d就ok
唔使食乜按乜
當然… 某d食物會特別谷奶，但不用刻意食，跟據自己喜好食就得
埋身25分鐘如果有認真啜都唔算短時間，bb已經個半月，吸啜力進步咗，比啱啱出世時大力，吸啜時間會縮短，遲吓bb再大啲可能10分鐘已經食飽。
我認為埋身完唔需要補奶粉住，留意呢一餐之後條片重唔重，佢有冇感覺滿足，定係好fussy或者不停揾奶啜咁嘅樣。
埋身完補60ml太多了，食得太飽會唔舒服。
1個讚
Bb飽唔飽睇bb每日夠唔夠6條濕片，如果夠其實唔洗補奶都得，初頭feed on demand，bb啜得多自然多奶，如果唔洗返工自己湊，其實全埋身做到供需平衡係最好
習慣左補粉
一時唔補會唔會唔飽？
仲有倒數一個月就番工
諗住呢個月盡最後努力
我都飲好多水
一日3L至4L
食上奶野對我冇乜作用
你有冇番工架？
我驚番工之後會冇奶
我係FTM呀
要返工就只可以係公司盡量泵
唔好比咁大壓力自己，心情輕鬆反而會多奶
依家就唔好補奶啦，全天候埋身去刺激奶量
加油
1個讚
for我自己，食完榴蓮同豬手明顯漲奶快好多
你試一兩餐唔補奶睇吓bb反應先，佢唔夠飽會追奶飲，到時先睇吓補粉定係補泵奶。係喎，你就快返工，最好每次埋身完再泵清，製造bb需要更多奶嘅現象俾身體，到返工後奶量冇咁快跌。
我食咗半個榴槤都冇反應 
Btw點樣引用留言
我次次淨係識得禁回覆
啱啱試咗一餐
隔左唔夠半個鐘佢就喊
埋身佢好快就吐左奶頭出黎
我忍唔住補粉俾佢
我會繼續努力
咁樣似未食飽，可能出奶慢，有啲食慣樽嘅bb會冇耐性埋身食，因為要啜得大力啲同埋等奶陣。
如果你唔太攰，可以試吓唔補粉，再俾佢埋身食，密密餵先幫到你追bb食量。
佢唔夠食，你就補粉，咁樣身體會以為供應足夠，唔會再造多啲奶，久而久之你嘅奶量同bb食量嘅差距會愈來愈大，更難滿足到佢。
1個讚
其實埋身之後bb 隔一陣再喊、但又食唔係好耐就吐返出黎，咁未必係佢肚餓
bb 啜啜都係一種得到安全感既方法黎
媽媽可以留意下bb 如果食完奶、隔一陣又喊，但埋身好快又走開，咁可能係安全感不足。
最好方法係睇bb 每日夠唔夠濕片（最少要夠6 vee + 1 poo），仲有就係bb 既反應，如果佢唔飽會勁喊既～當然體重都係一個指標啦～
1個讚
因為健康院有講話俾bb啜30分鐘倒就俾奶粉
咁如果想追全人奶，係咪應該俾bb食到唔食呢？身體會唔會造唔切奶⋯
健康院咩原因叫你補粉？
體重問題？濕片唔夠？
如果bb有健康疑慮，應該補粉就補粉，一切以bb健康為優先，唔好盲目追求全人奶。
排除以上原因，如果bb發展ok而你又想全人奶，咁就要加把勁，捱幾個禮拜密密埋身。初頭係辛苦，因為bb會非常苛索，好似啜極唔飽咁，你會好攰，又會懷疑咁樣做得啱唔啱，係咪自己冇奶呢，心思思不如補粉算。
我覺得啱啱開始追奶嗰陣，真係會造唔切奶嘅，身體都需要一段時間去接收”要造多啲奶”呢個信息，可能幾日，可能一兩星期，唯有密密餵，加快上奶時間。
記住bb食唔食得飽嘅指標係體重同埋濕片。
當時出世後返健康院知係人奶加奶粉，就suggest 餵半個鐘人奶，就補奶粉，咁就有得休息
而家bb個半月大，生長線喺中間
試過同佢埋身，佢應該唔餓唔飽咁，未至於要喊食但就成個下午都訓唔到覺咁，最後補左奶粉俾佢 
濕片意思係要計墜手/有變色呢？