請問你第一次見qm遺傳科後，等幾耐先開到針？
4個月。
不過第一次見醫生未俾開針期的，要所有report 齊哂之後姑娘先會打電話來俾期。所以好視乎你的報告係咪齊哂足夠佢地再安排下一步。我原本2020年11月見醫生，佢offer 2021年5-6月先開針。之後我自己俾錢出快報告，先可以提前少少開始。
所以都係case by case, 你去見醫生佢會大概講可以幾時開針。
你要堅強加油呀，新一年新開始，好事會來，you are not alone. 18年尾我都忍痛失去左20週4既仔仔， 19年抽兩次，放胎一次， 19年尾驗到雙線好開心，但唔夠七週就流走左!但希望在明天，盡自己能力準備最好。其他就隨緣吧。加油
1個讚
比錢出快報告係咪指dna報告？ 
4個月都幾快，你係咪私家隊？
我係公家隊，俾錢出驗血報告，都係驗DNA。
可以揀免費驗，不過要等至少八星期出報告，先再安排開針。
我下個月去QM 第一次見醫生，好緊張呀。想問下見完醫生除咗要抽血做dna嘅報告之外，仲有冇其他檢查要做？
當日會做埋抹片
你都係pgt?我都係二月見醫生 
Thank you, 祝你下個月開針一切順利 
1個讚
係呀
第一胎因為遺傳病問題，所以引產咗
你開始食supplement 養卵未呀？
都有買q10同d3食，但未知幾時開針，個心唔踏實…
以為中獎但無左真係更加痛，多謝你的鼓勵，我尋日抽左了，今次比上次抽多左d, 唔知同心情或者supplements有無關，呢兩個月多左d d運動，我有去行山，心情輕鬆左，每日兩隻蛋白，食肌醇，Q10, 葉酸，維他命b3, 同埋開針後日日飲兩包魚精
我都唔敢諗個結果了，做左先算
1個讚
如果引產過轉介你做pgd,係會比普通隊快，都係公家
似乎大家又就黎見醫生開針，祝大家順利，如果今次我都唔得可以可能又要同你地一齊再開針了，記得養卵最好三個月，心情都好緊要，因為壓力會稀荷爾蒙，影響卵泡生長。同埋都可以做下針灸對子宮都係好的
各位加油
1個讚
有個fb group 想介紹俾大家，叫stillbirth 媽媽一起走，for 16週以上失胎天使媽媽分享感受同資訊，好彩有呢個group 所以有好d準備送別天使bb。我自己有影相，整腳印同埋bb有安息禮安放係寧馨園
1個讚
今次抽到幾多？同埋抽完要等幾多日先有消息？
抽完會在day 2打一次俾你報數，如果做pgd 一定要培養到day 5的， 咁佢day 7會打俾你講數目，就會將day 5做pgd 做分析，大約3星期通知你結果
我本身卵少，無人地咁多，通常照, 抽到, 結合既數會越黎越少，不過今次day 2數多過上次一倍，而家等day 7電話
1個讚
如果2月講座，最快4月or5月開針pgd 隊，所以而家食定岩
係呀，我都有join 呢個group。
本來我都唔知可以領返bb，因為呢個group 我先識做之後嘅申請，我都申請咗將bb安放係寧馨園 
原來大家都有食咁多款supplement, 我淨係食肌醇咋…
1個讚
抱抱你
可以找完美句號幫手，佢地幫左我好多，個時有jm 好好，專登出黎教我織被仔，又送衫仔俾baby