其實既然咁不如借住道勢移民走
老公仔女有外國護照，我都好想走，但阿媽有長期病患，又得我一個女，如果唔係阿媽，真係一個好好的時機走。
都係一堂好好的人生課堂，試下喺輕鬆情況下同佢哋解釋家庭情況大不如前，人生係會有三衰六旺 ，要喺未到最差情況時，我地就節省開支 ，但你哋唔需要為家庭經濟去擔心，只需要更加努力讀書，環境未來會改善，依家都起碼仲有屋企，只係細啲，如果佢哋明白，呢次環境轉變對佢哋人生係一件好事，總好過成世一帆風順。
我身邊有經歷係家庭情況短時間內轉變（要急買樓還債），由自住三房轉去租唐樓150呎劏房，仔女畢業後發奮工作，目標要買返比之前更好的屋俾父母，依家佢哋做到了，但如果無當初經歷，家庭一帆風順，佢哋唔會覺得自己要努力。
加油
樓主。情況會過去，乜嘢工都做住先，香港人係能屈能伸，打不死！
6個讚
多謝你的鼓勵。我都知道其實全世界大環境都好差，好多人都受影響，呢個亦係一個好好的機會令佢地成長，明白咩係高低起跌。我會努力，希望可以快點改善生活，等仔女知道只要夠堅毅，好快可以係低谷反彈的。香港人加油
1個讚
加油，現在的世勢，大家都不好過。我老公公司也是cut pay, 可能遲啲要執。他想賺快錢，炒美股，剛剛知道他炒輸了我整年的人工。我什麼也做不了，只能安慰他“投資有風險，有輸有贏，看開點”
加油。人生沒有起跌不就等於 “掛” 了？路係人行出來的。
馬死落地行
重新適應同調節一下心態
加油
馬死落地行，
同佢地講幸福唔係必然，要好好珍惜自己擁有嘅嘢
明白樓主，不過逆境教育好多時會教好小朋友，只要多啲同佢哋解釋，你哋又繼續愛佢哋，結果一定只會係更好
我就係由細個劏房，到十幾歲市區舊樓兩房，到廿幾歲市區較新樓兩房，到而家四十幾歲新界大屋苑三房。如果你問我，我都幾懷念住市區日子，買乜都好方便，舊區人情味又濃啲，我以前放工成日行花園街執平貨，無限shopping fun，而家半年都冇行一次
大人明白，細路仔調轉次序係難明啲，靠你同佢哋發掘住市區樂趣，一定得嘅，加油
1個讚
係，要教佢地人生唔係一直都順境，同埋都多d關心佢地，你地已經俾最好既野佢地
一家人團結先係最重要呀嘛
加油
2個讚
越住越舒適當然易習慣。我細個間屋都好細，三百尺左右一家三口。出來工作我就一個人搬出來住，二百幾尺，但一個人住好足夠。之後結婚就住兩房五百幾尺單位，後來有小朋友就搬去郊區三房，冇諗過竟然會搬返細地方，所以仲係習慣中。
咁市區確係超級方便的，之前郊區屋苑得一間細超市，一間便利店，十點後就乜都關門。宜家一落街應有盡有，仔女都瞓多左。
大人住慣大屋享受慣，一時三刻都好難接受比較差一點嘅生活環境，何況小朋友，試下坦承同小朋友交代一下而家屋企情況，相信佢地了解多左，會易些接受改變，當然唔好提及太多經濟上嘅問題，因小朋友會比較敏感，驚佢地會有焦慮影響情緒。樓主加油，希望快些雨過天晴！
1個讚
當係俾孩子一個歴練, 陪父母經歷過起跌,當中自有體會,將來更堅強獨立.
唔好咁諗啦，呢個時刻係世界上有更多人比你更苦，失業通街都係，我女個補習老師俾炒後去左送速遞。如果你有經驗、學歷，相信好快會搵到工作。就算唔係，有乜做乜，幫補下家計囉。小朋友一下適應唔到就當然有，但小朋友適應力好強，同埋佢地世界裡面子，金錢比重一定不及成人重，佢地應該更喜歡父母嘅愛，你倒不如同佢地更多相處，外出低消費活動仲好，相信佢地會更開心。
Never look back
逆境中學習
最初幾年一定會好辛苦
捱過呢關生活慢慢上返軌道就會適應
巿區兩房比上不足比下有餘
如果要搬去劏房就話難適應
係時候教佢哋知足常樂
1個讚
其實今時今日有間屋企已經真係好好
都明白突然轉環境係唔習慣, 始終新界地方人口無咁密
希望小朋友可以快啲習慣新屋企啦
1個讚
爸爸媽媽加油！同仔女講下屋企環境差咗，佢地見到你同爸爸一樣咁樂觀積極咁努力適應，會令佢地更堅強懂事！如果你真係擔心佢心情，可以同學校都講返一聲，等學校一齊留意下佢地～
唔好睇少D細路，我初小就已經意識到自己比同學窮好多，但因為見到媽媽同埋家姐都努力讀書、愛惜食物同埋物質，大家都係咁開心，咁好感情！ 
1個讚
一下子無左收入個心係好唔踏實，但你仲有自住樓，仲可以應付小朋友讀直私(我估由新界出市區讀書都應該係直私)，其實都叫比上不足比下有餘。如果要慳錢，實有好多方法，賣車轉學校減課外活動…可以再同屋企探討。
至於小朋友，家庭收入有大改變，佢地作為屋企一份子，當然要一齊面對。先唔好諗得咁負面，其實今次都係一個難得既教育機會︰
1, 由新界搬出市區，大屋搬細屋係理所當然。雖然細左，但近學校，可以慳唔少時間出黎做自己嘢，有失亦有得。卡通片都睇多D啦。
2, 屋企之前有咁好條件係因為爸爸媽媽努力工作得黎。依家外邊環境唔好，就影響成頭家。所有幸福都唔係必然，所以仲可以讀書仲有屋住都要珍惜，要學習感恩。
3, 人生仲有起跌，依家爸爸媽媽雖然失業，但唔會被打倒，會繼續搵工作。一時既失意唔會打擊到我地，因為一家人仲齊齊整整，可以上下一心互相支援。
4, 打工好容易受外圍因素影響收入，所以教小朋友要培養出自己既技能，可幫將來保障收入。畫畫、跳舞、音樂、IT…所有嘢只要學得好都可以變成專才，鼓勵佢地以今次父母面對既境況，多諗下要點裝備自己。
如果父母能提供一個順風順水環境比小朋友固然好，但成世人難保佢地大個都會遇到不順心既環境，就當今次係一個學習機會，教佢地真正面對挫折、生活環境轉變，而最緊要係，始終一家人，要互相支援體諒，共渡難關。
加油！
3個讚