真係？我原本想生完係自己湊，咁早d生體力真係會好d既
哎 無女人一出世就識做媽咪嘅！
我都啱啱驗到無耐 
加油呀
2個讚
我老公好好，佢話第一時諗養我地，唯一係怕我身體受唔到，佢話如果我檢查到身體唔ok唔想我生住
我星期六先去診所驗，到時先知幾多week
1個讚
自己湊話事權係自己手。
後生幾年仲有體力四維去。
諗下bb床擺邊～
1個讚
既然個天俾你禮物, 就安心陀BB啦. 有D嘢講緣份, 你今日放棄, 過兩年BB又未必會搵你, 陀得成唔成功都係後話. 你今胎陀唔成, 兩年後, 你大兩歲, 有BB又會唔會更怕失敗?
你同先生都唸咗會要BB, 只係時間問題, 其實好易解決. 安心做媽媽啦, 早幾年生, 好多風險都小好多 (BB&媽媽健康, 經濟能力, 小朋友成長, etc.)
恭喜你.
2個讚
既然都計劃咗會生BB，聽你講呢排又無咩特別經濟原因，咁不如就順理成章啦～
你本身諗住兩年內搵工＋適應新工＋調理身體 ＋駝B，濃縮成大半年全心全職迎接BB，時間好似反而仲充裕咗，加油！
你有呢個心已經好好，相信我，就算係你plan好的時間，你都會有呢種唔知自己做得好唔好、應唔應付到嘅心情，係好正常的！
我身邊好多BB都唔跟時間表嚟，有夫婦試咗年幾兩年都無，有D諗住慢慢順其自然點知即刻有咗，有D一嚟就嚟孖B，有D早一個月出世，其實大家都係咁surprised! 
2個讚
你只係推早左生
唉 我就唔諗住生 突然意外
當我懷疑自己有 足足兩個星期 唔敢驗 唔敢面對 知道唔可以再拖 先去驗
到今日5個幾月 我都仲未接受到
連看小朋友既野心情都無
諗住過多幾年 兩手空空咁跟老公回流返加拿大 現在 唉 心情極差
2個讚
有做安全措拖都有左, 真係要好好珍惜
而且你地都結左婚, 只不過BB早左黎啫
做媽媽呢樣野無得完全ready, 都無人天生識做, 邊做邊學啦 
2個讚
會生，當你去左第一次產檢時，見到bb，就唔會再有唔生的念頭，去到第三個月產檢，就算你有懷孕不適，超聲波下見到有手有腳有心跳
，你就唔想失去佢，真正骨肉相連。
廿七歲都係適合年齡，體力好d。同埋有bb唔係話有就會有，有啲朋友後生想工作上博下，周圍玩下，三十歲後想生bb，追足七年都無。
3個讚
我都27
備孕中
2月已經想生
宜家6月都未有bb
都真係上天賜福黎
2個讚
我個 friend 話 HKTVmall 有支棒棒，sex之後8日就驗到，有無人試過 work 5 work?
如果唔係經濟、健康有困難，建議要個BB啦，呢個係你地同BB既緣份，有時就算到你準備好都唔一定有。
3個讚
我27歲小產 到依家31歲 其間不斷努力都無 但忽然係放棄嘅時候佢黎左 我驚你會後悔 想要嘅時候無.
個天俾你就要，好多人想要都被收返，珍惜機會。
以下真人真事，我係其中一個。
A，30尾，子宮唔太好未有BB時做過手術，無準備下有左，懷孕期間住院3次，生BB時生子宮唔識收縮，BB出得院A都仲O係ICU。年初再次無準備下有左，好興奮(因為生第一個後醫生話佢好難會再有)，結果約一星期後睇醫生時已經無心跳要做藥流。
B，20尾，無準備下有左，但驗紙一定都好淡色，搵醫生抽血驗，隔日抽血驗指數，由開心到擔心到失望，最後自然排出。 半年後再次無準備下有左，同樣情況出現，依次要括宮。 再一年後，有準備下有左，再次係壞消息。
C，30頭，無準備下有左，因兩公婆都係地貧基因，每個月都抽血驗，去到8個月驗到BB係重型，引流。
D，30中，突然流啡去睇醫生，驗血幾次指數跌，自然排出。
1個讚
好明白突如其來的bb令你有啲擔心，我同老公不設防左年半，發現有左果刻都好擔心，雖然係planned但突然發現肚入面有多個生命，點都會有啲驚
不過相信你同先生都係鐘意小朋友，換個角度諗，bb覺得你地適合做爸爸媽媽先黎，係緣份
2個讚
Agree,反正都計劃有，只係早左姐
2個讚
我覺得生仔真係冇人會完全有晒心理準備架！就算你兩年後先生都唔會
1個讚
既然你老公都想要個BB, 如果身體OK, 梗係生啦~
可能一開始會辛苦D, 好多野要準備好多野要學,
加油呀 
1個讚
我從來都未聽過, 結左婚的人因為未READY 而要落左個仔…
結左婚個STATUS 就係READY 架啦, 錢同計劃果啲都可以再諗吧
5個讚
我明白你心情，呢香港人成日講窮人真係唔好生仔，偏偏自己冇計劃好就有咗BB。不過BB啲嘅嘢唔係話你想有就有，你竟然做足安全措施都有真係緣份。唯有相信命運，共勉之。
3個讚