我都係8月公立生 已經有晒心理準備
希望到時唔會太驚啦 加油呀！ 一切順利
如果係為陪產 就慳返啲錢
我同你諗緊都一樣，我都係8月生 
同感！！
我第一胎時 姑娘叫老公打入黎。我心諗已為生得！！佢見到傷到 起晒青根。佢都唔知點好！
佢又狂問我。點丫你？ 係咪好痛! 有乜可以冇咁痛！
我用我餘下既氣問姑娘。唔係生得咩？
姑娘：唔係丫！我諗住叫你老公同你打氣！！
我心諗：唉。放佢入黎 見我受苦打鬼咩！
如果真心窮L就留返公立生算
未生過唔知有咩隱藏風險
我係慶幸自己揀公立生
唔係就大鑊生完要破產
生仔既野好似有老公陪安心
但其實係廢既，都係自己面對自己受
2個讚
嚟緊 6 月生。一直都好勇敢，唔打算有人陪產，而且一直都諗住喺政府醫院生。產檢大部分時間都係自己去，有時老公陪我一齊去，我見佢咁悶，又阻頭阻勢，好煩。但去完上次產檢時，無啦啦想老公陪。34 週時去私家照 bb, 到時睇下 book 唔 book 得切。今朝得知政府醫院生，24-48小時可以出院，我又覺得安心 d…
到時仲有選擇先諗。
完全認同~ 老公係度但妳痛緊佢只會阻住哂
公立可以陪產㗎！
只不過陪產時老公都係比個精神上支持自己
當時生 痛到pk 佢仲成碌木咁 反而仲炆
陪產轉私家 唔太必要呢…
加上又洗幾萬
不如儲返比小朋友學吓嘢好過啦
1個讚
順產公立生可以慳返d錢，但如果開刀真心建議私家。因爲開刀生完傷口痛好難爬起身，公立仲要自己一個人湊B,慘上加慘，武肺期間又唔可以探病，好易有抑鬱。
順產定開刀? 先生意見如何? 如果順產嘅話，其實公就好啲，鍚下先生荷包嘛。如果開刀就真係建議私，因為出出入入，去個洗手間都需要有人扶住，而且產後情緒起伏比較大，可以見到先生同見唔到先生有好大出入。
不過最好就緊係同先生傾啦，佢係你之後人生嘅伴侶，又係小朋友嘅爸爸。
1個讚
雖然好多媽媽話老公陪產冇乜用，但我生嗰陣我老公幫我按背脊按足4個鐘，真係舒服好多，佢一停手我就叫救命，用左人地兩樽精油
如果單純為呢一樣野比多幾萬蚊就唔好喇…
公立可能到你生都有得陪呢…
留返的錢比自己坐月/比阿B好過
個人覺留d 錢俾自己補身同bb 買野會好D
利申: C6
我11月都去左法國開刀，但最後BB唔夠5磅，5日後都要轉去政府醫院住NICU，所以如果出世後有額外嘢要跟進，轉嚟轉去都好麻煩，不過私家又真係service幾好的
我都係8月 我都有同老公講過想轉私家
主要係想佢陪產 第一胎冇陪產 會好驚
但轉醫院依個可能性係0% 
我係九月
但無乜諗私家
同上面幾位一樣，都係怕出世之後BB有咩再轉公立，轉唔轉得切都係一個問題⋯⋯
BB安全緊要啲⋯⋯
睇定D先啦,8月都有機既
就算都係唔得, 陪產都做唔到D咩, 係驚D肺炎人走來走去傳染到
1個讚
私家啦, 你負責痛佢負責比錢, 好公道～
我反而唔想老公陪產，因為佢企喺隔離唔知做乜好我就自己喺度痛，我到時應該會好討厭佢分擔唔到我嘅痛⋯⋯haha
我都係8月公立生，有諗過轉私家，但是又唔想因為有陪產而俾多幾萬蚊。
依家咁既環境都係留返錢俾bb出世後用好啲。