Here
唔係唔識煮，不過懶
九成都係男朋友煮俾我食
佢又好鐘意煮
我做女時想學，但媽媽成日叫返我出廚房。
到婚後終於可以自己煮啦，就我煮老公洗碗。
生第二個坐月時，老公開始上youtube學煮。
至宜家生了3個小朋友，終於要請工人了，就少煮了，但教工人煮。
最近疫情關係，又多了留家，變成每個星期日，無姐姐嘅日子，就諗定煮咩，上定youtube學，宜家多數佢煮晒，竟慢慢變了高手 
我就唔洗做啦～ 
我宜家都多買急凍魚柳，方便好味，返嚟放少少鹽和香草，用氣炸或煎已好好食，好簡單的佢一定得 
我識朋友係，男既煮曬飯，但女既連碗都唔洗…
我都係，我識煮家常菜但無我老公咁細心咁多心意去煮唔同既野，佢亦都真係好中意煮，仲成日上網睇人教學～ 所以真係好幸福
我老公唔識，都係我煮，佢話搵朋友教佢煮餐俾我食，俾驚喜我，好采佢朋友爆響口，我即刻叫佢唔好，我唔想燒咗間屋 
我屋企係咁
我次次去廚房洗我老公都叫我出返黎等佢洗
1個讚
我唔多識，所以請左個姐姐～
雖然感覺唔好，不過真係唔中意煮
其實還好，只係要好多時間去做某啲步驟，我屋企冇一個好正式既焗爐，所以之前整個外觀唔係咁好，但味道就ok.
我未結婚前都係識整下簡單野咋！係結婚後想同老公食得健康啲，老公又鍾意食煮家飯，而我本身都ok煮野食，但要上網睇人教點煮跟住做咁，我只係唔鍾意洗碗，好憎對手油淋淋，好彩老公肯洗，所以我就一星期都盡量煮6日飯架。不過日日都要諗煮乜都幾頭痛！
我！只可寫好簡單既野，只有呀女接受到。
放假一定係老公攪，但佢好憎做家務我又好鐘意做，所以佢煮我洗。
我識煮，但太無耐煮同唔鐘意煮飯。嫁左後，我同老爺奶奶住。
多數老公煮，奶奶煮，或返媽咪度食。
或出街食，如屋企得我一個，自己間唔中煮麵食
我唔係好識，細個阿媽又唔多俾入廚房，嫁咗就同奶奶一齊住，平時都係佢煮，廢事搞亂佢嘅廚房。奶奶唔煮個陣多數老公煮，我只會間中整下甜品
我本來係！本身亦都冇興趣煮！
以前家政都特登搵個識煮野既fd一組！
一路都係c6煮，我食！
後來小朋友出世，做左ftm！
咁就頂硬上！好在叫有啲常識，同埋有google
依家基本上晚晚煮，一樣唔係鍾意煮，不過叫做小朋友同麻煩c6都滿意！
我對煮飯無乜天份，如果老公放假，就由他煮。
我！屋企廚房老公主場，我…洗碗
我識煮, 但我另一半煮得叻過我, 仲好講究 (簡稱麻咩煩)
所以都係佢煮我洗.
會煮飯嘅男朋友係最好吸引力, BTW 我果個唔識 
嫁前淨係識煮公仔麵,嫁咗個好鐘意食嘅老公,同埋佢會研究外面食過好味嘅餸
攪到我唔學唔得
可能佢鍾意咁食呢