你可以迫到佢講佢心裡面果句，不過未必係你想聽。
我相信如果個男人係想分手，根本唔洗拖。佢係等有人幫佢做決定。你講過你地之前傾過離婚安排，之後佢話想重新開始…恕我直言，佢只係之前未諗過咁煩，原來離婚咁多野要處理，好似重新開始容易d喎…
響佢畫面︰
上算︰繼續齊人之福
中算︰拖下先，唔好煩住。拖到最後總有人出手…船到橋頭自然直。
下算︰離婚。因為要煩好多野，要比贍養費有經濟壓力，仲要家庭上有大改變。
分分鐘其實佢都未諗到係咪要同個女人結婚。
佢只係作出對自己最有利選項，但就對你最不利。
都係果句，最後要點做都冇對錯架，最緊要你自己諗清楚，可以承擔後果。仲有，諗清楚點保護自己。
好似嗰套夫妻的世界咁…
我都唔建議你介入佢地嗰到，唔好搞到件事咁難睇⋯⋯你俾咗一個月呢個月你就唔好咁chur，正如如果一星期後你決定同佢重新開始，你都唔好再提一樣。
睇下你覺得佢幾有誠意，如果你覺得佢真係有誠意同你努力修補關係嘅話，你要將今次外遇嘅事當成係你地兩個一齊面對嘅考驗。佢失敗咗衰咗，需要嘅係你嘅支持，再三令佢覺得失敗ashamed幫唔到你地。
之後要去信任佢、唔去懷疑佢係你嘅選擇嚟，要用好多力氣，如果你再發現佢同個女仔有聯絡會十萬級hurt，所以真係需要你堅強起嚟。如果你做唔到相信佢，但又唔想走，問題只會越拖越差，你地只會越嚟越唔開心⋯⋯
樓主 我pm左你 你check下message
我覆左你啦~
唉…我都有睇呢套嘢呀! 睇個時, 我仲笑住咁同佢講, 個男人勁賤呀…係咁講大話, 同小三一齊左2 年…我仲笑住問佢會唔會咁對我, 佢好肯定咁話梗係唔會啦!! 點知套戲未完, 就發現佢有第二個, 真係hurt 到爆炸
講到咁白已經無可能再一齊 
你諗住俾一個月佢處理，佢只會覺得理直氣壯玩多一個月
我唔會愛一個已經唔愛你，而且同你講明佢愛另一個嘅伴侶 
問吓自己
佢有咩值得你死心塌地去愛，去傷害自己
你俾人知道曬底牌
個男人梗係拖啦
齊人之福邊個唔想
你老公又唔想你介入個女仔之間
證明都幾保護佢
狠心d 對自己好 d
賤忍D都要講句
佢唔想離婚 唔係因為仲愛你 唔捨得你
佢只係唔想改變only
我原本都係諗住咁，但真係好怕好怕到最後佢都選擇呃我，繼續兩邊拖
因為離婚太大改變
包括住屋、親人、朋友
太多文件要處理
依家享齊人之福就乜都唔洗煩
淨係諗點敷衍個老婆就得
我知呀，係我自己揀嘅
我唔會被佢拖住
愛你就唔會有第二個，出咗軌嘅男人講嘢點會信
唔好話個男人唔想改變, 樓主都係一樣
有邊個會想拆晒頭家重頭嚟過
而且仲有小朋友, 好多時其實係大人無膽, 就攞小朋友過橋
今日佢搭上個女人, 第日佢同個女人生埋仔呢? 咁你兩仔乸點樣?