我明呀,情緒真係好影響健康,我BB出世後,我老公豬到我情緒低落,我都屈到爆肥同生腫瘤(已做手術,良性的),而家我女大個,我情緒好好多啦~祝你都好快康復,身體健康 
2個讚
我都有試過同豬隊友講我寧願住劏房，依加根本慘過住劏房，我地一家三口所有野都要擺晒入房，我99唔俾我地擺野係廳，我每次擺野係廳唔記得收返入房，個物件一定會消失左！但最恐怖係擺係房都唔安全，佢會偷入我地間房掉我地啲野！如果出聲，佢會話：「咁唔滿意 咁你地未搬囉！」
但豬隊友話佢會搞掂佢媽，不過佢媽好左兩日又打回原形… 我同老公已經為左佢鬧左幾次交，我唔想再俾佢影響到我地感情，同埋我啲朋友勸我一定要忍住，如果唔係段關係一定返唔到轉頭… 所以我揀左忍！
我都懷疑因為佢 搞到我身體出問題 
我本身頭3個月都爆晒奶，一直都餵得好好！之後突然荷爾蒙失調又子宮出血，搞到要食藥，副作用會一路係咁收奶… 依加只餵左1-2餐人奶… 真係好唔開心！
如果係我，會自己同BB搬出去住埋今年，日日見到Lee d人，對身體唔好。
一係就有嗰句講嗰句，做返自己，直接話佢污糟同食煙好臭，佢一開口話你就話佢食煙好臭，叫佢唔好講野住，日日無限loop。
1個讚
無用架, 同D潑婦勞氣真係盞自己死細胞, 當佢透明, 房換鎖.
呢半年要租樓都唔容易, service apartment又唔方便照顧BB.
你老公再唔出聲你就鬧你老公, 佢做男人唔出聲淨係食花生, 第時仲駛旨意佢保護你同BB?
以我性格，一定開佢拖，然後搬走，老公比錢，直至佢搞掂佢媽為止。否則咪使旨意掂&見BB
同住亦一定唔會生
唔使應佢 當訓練EQ
你十問九唔應佢都冇癮
你奶奶真係勁爆衰格！好彩可以搬走咋
有無下聞，搬左未？
我上年7月已經頂唔住搬左返娘家 
黎緊5月終於可以搬！
不過我搬走左，佢都唔放過我 
有日返去探佢，入到房發現我個衣櫃唔見左，原來佢將我所有野倒晒落紅白藍膠袋，跟住將我個櫃送俾人 
佢仲好威咁同我老公講 最多未俾返錢我！我話唔係錢問題 係有冇問過我有冇尊重過我 
唔好再同佢抖纏，叫你老公一定唔可以俾新屋key佢老母
佢係完全冇尊重過你! 搬走一了百了…為自己好…冇咩都唔好見!