今日係產後第十二日
bb係早產，出世後頭三日基本上都係昏迷狀態咁訓覺，點整都唔醒，所以無埋身啜過，我到產後第四五日先至有所謂的黃金初乳，但好少量
出院後幾日都有埋身餵，但唔夠bb食飽，都係用杯餵奶粉。返健康院檢查之後，因黃疸問題去左醫院抽血加入院三日兩夜照燈，呢幾日我自己都有手擠出黎，依然係好少量
到佢出院之後，可能用樽食，覺得佢埋身好陌生，不過都有繼續嘗試。朋友suggest泵出黎，就算唔夠奶都可以慢慢草，所以我亦開始用泵機，雖然我知bb埋身啜會多過泵出黎，但眼見泵出黎得10ml真係喊左出黎
好想餵人奶 但自己就唔夠奶
為左呢件事喊左好多次，我知餵人奶切忌壓力大同要放鬆、有足夠休息etc
但其實要餵/泵，坐月真係好難有足夠休息
因我生完之後身體好燥熱，中醫叫我唔好食雞、牛、魚，即係基本上我係無點補過/正式食增奶食物，究竟我係唔夠奶還是仲有機會餵人奶呢？
bb食緊60ml, 但我得10ml
好似唔會追到咁
我係咪要放棄為bb餵人奶呢件事⋯⋯
餵唔餵人奶好閒啫，以前啲人餵壽星公練奶咪都係咁大。
我知人奶好，但我覺得你情緒更加重要喎。
我當年都係咁上下無奶，餵唔掂，泵得好少。咪食奶粉囉，有得佢食，食得飽咪得囉
Take it easy
生之前都會講 「有人奶咪食人奶，無咪食粉囉」
但到真係生左，試過同bb埋身餵果種親密，就好想繼續餵人奶俾佢，就算之後泵出黎用樽餵，都覺得係唔同，因為佢係食緊我既奶⋯
又會諗⋯ 自己好似除左餵人奶俾佢就無野可以為佢做到，換片、tum訓覺 其他人都得，唔一定係要媽媽⋯
傻啦，千祈唔好咁唸，唔係一定要physically為佢做乜先叫做左野咖嘛。試下放鬆心情，擺bb係心口比佢聽下你心跳聞下你味，多啲親近既舉動對你同對bb都好咖，bonus仲可能有催乳效果。冇都唔緊要，或者試下半人奶半奶粉餵？我果陣都係冇乜奶，所以由出院開始已經係一半半，bb一樣健康。唔需要迫得自己太緊，bb係好重要，但你都唔好忘記要將自己擺係自己心入面既care list。
所有不如意都會過去的，所以加油呀
超明白，生之前明明好豁達 覺得盡力囉 餵唔到咪補奶粉囉 我自己都係食奶粉大架啦 有乜所謂…到生左之後原來真係另一回事…餵極唔飽 第一次補奶粉時 我都唔敢望住佢食 自己入房喊…覺得自己被人取代左 覺得自己滿足唔到佢 覺得佢唔再需要我 好冇用…
之後我都有努力不斷埋身同泵 差唔多到滿月就追奶成功 開始全人奶…到之後返番工，泵唔夠，間唔中一日比一餐奶粉佢，唔知係咪產後第一個月真係情緒失控d, 而家比奶粉佢已經冇再咁唔開心，可能又因為用左幾個月說服自己 比奶粉唔代表我唔錫個b 或冇盡力比最好嘅嘢佢，錫佢都有好多方法，有一個精神夠 心情好嘅媽媽照顧佢都一樣咁重要，雖然話換片嗰d 其他人可以代替我做，但我都相信始終呀媽係親d嘅，可以嘅咪盡量多d自己做囉 呀b會feel到嘅! 我自己都唔會因為呀媽冇比人奶我食 就覺得佢唔夠錫我啦 係咪？所以真係唔使太大壓力…要慢慢tune下自己心態，食奶只係bb一生人入面一段好短好短嘅日子，補下奶粉 都冇乜大不了! 加油呀媽媽!
我之前都唔夠奶，後來見呀女飲奶粉都ok，大大支隊曬，食飽又瞓瞓飽又食又可以長肉(lee個好緊要)，索性叫醫生開退奶丸，完全冇諗咁多，大細都健健康康就最開心。
慢慢黎喇，有既就餵，無既都唔洗太上心～你愈大壓力愈難上奶～加油呀！
首先唔好比咁大壓力自己先，你啱啱生完，情緒會波動啲，要多多照顧自己，好多嘢你日後望返轉頭會覺得其實no big deal，包括餵咩奶。
好多初生b都唔識啜，就算你做足準備，仍然有不可控制嘅情況發生，唔係你嘅錯，亦唔係你做得唔夠好，只係餵人奶要配合天時地利人和。
bb早產吸啜力係係弱啲，大啲會有進步，呢段時間繼續比俾佢試埋身，每邊15mins，埋身完補奶粉，如果可以就再pump每邊10mins。
記住以下嘅concept:
加油呀，時間尚早，唔好諗放棄住！
我都用咗兩個月先追到奶量，所以你唔使咁快灰心。
好同意!
我同你一樣一開始唔識處理勁少奶，bb唔肯埋身，泵完又只得幾滴
後來上網睇人點追奶，就係密密泵或埋身，身體有訊號知道要做奶，可以追得返
好多台灣blog教追奶，你search嚟睇吓丫好多正能量
我到宜家bb四個月雖然追唔到佢奶量，不過比當初多咗好多，我已經好滿足了
如果覺得好累可以放棄，始終自己身體緊要，應付到的話一定可以追得返㗎
你10ml係指全日嘅量定一次嘅量?
Bb都係學習緊 要一齊比啲耐性嘅
響bb未學到埋身之前 點都要幫下佢
唔夠咪先 再比杯子/樽
仲有2個月幾產假 慢慢同bb一齊學習
加油