黃店都可以進步。改送貨免運金額事實會影響一啲人落單。hktvmall一開始我就幫襯架啦。佢app入面個bot就真係唔掂 
2個讚
係呀
佢送貨真係有問題，成日都送漏送錯
有d商家無出貨當出咗，直頭係呃錢
我都試過送漏咗我成張單最想收到果件貨。好多時我工人收貨都冇check, 到我要用先發現冇送黎 
1個讚
特登呃錢我又唔覺得會嘅，送錯送漏嘢可能會，不過我未用過佢錯漏貨程序，所以都無資格話掂唔掂，可能退換貨好麻煩？（我地買左幾年，平均一星期超過一次，今個星期應該第一次要換貨，Submit左in progress睇下）
App同IT真係要改善嘅，我之前都因為星期四塞車買唔到野，星期五再搵佢地，拎返VIP Code買。
送貨係二月果陣有一兩件一直送唔到最後取消，結果95折買退返原價，後來再送Malldollar，起碼我自己感覺佢地都唔想發生。
公平D講，如果好似你地係送漏送錯甚至送慢覺得唔滿意，甚至開post鬧，我都覺得叫做有道理，因為呢個都係合理預期來嘅。（我自己對於黃店都儘量以不完美要改善態度，或者提供意見讓佢地改善）
但係佢因為訂單接唔曬同埋確診大廈送貨員要隔離，而短暫加免運費額，想減少返D訂單，都好合理嘖。佢運力不足接唔曬生意，同超市米賣曬，藥房無口罩，餐廳停業消毒都係一樣性質來。其實我想知大家expect佢有咩其他方法解決呢？（純粹見到FB嘅留言感覺不太好）
只係有時覺得，一路以來各種程度表態嘅黃店，佢地其實都企係前面要頂受壓力。佢地做得未夠好，我會希望佢地改善，或者可以選擇幫襯第二間，但會珍惜每一間肯表態嘅，起碼佢地係唔同層面上都提供多一個選擇。例如HKTV間接減少好多地產商影響力，而我地都好難罷到藍色地產商，更莫論叫佢地唔好落藍媒廣告。
我自己親身經歷，有間嘢無出貨比我，跟住唔認
我連錢都無得退，好彩只係幾十蚊
但無仇報等於d錢送俾人，感覺好差
CS點樣講啊？話無辦法處理？係商戶派送？
CS只係中間人，係HKTV mall派，我要求refund，但最後無full refund，refund一半都無
幾激氣㗎
但我又唔想為幾十蚊沒完沒了落去
呢個我都覺得好有問題啊，感覺可以堅持嘅。不過無相關experience亦唔知可以點樣prove比佢，但佢地應該唔係咁計較，唔明點解唔退。
我地有一次一包百幾蚊三文魚佢送左過來，但係訂單度pending緊，我只係同佢地講想改返交易完畢status，結果佢地改成無送到退左百幾蚊。
如果無送又無退錢，呢個感覺真係唔好
短期內更改送貨金額我覺得可以接受,橫掂而家都要keep多小小貨响屋企冇壞吖,又或者我屋企消耗得快掛
咁我一路以黎送貨方面都唔錯,每次送貨前有whatsapp我
係有一次夜咗到,佢都whatsapp知會我先同確認可以送先送上黎。送貨可能地區性問題
係有一次送包裝奶黎有幾盒穿咗,我幾個鐘後unpack時先發現,即時影相比cs佢地都即時做refund.你件野係咪要等集運？可能中間出咗問題都未定
因為真係無收到貨，真係無辦法影相證明
爛/壞反而容易搞，影相就得
無收到貨真係好唔好彩，touch wood我買到做左gold vip都未試過，最多有時係可能商家冇出到貨，張訂單status會寫同退錢。
我覺得佢地咁大貨量同物流，總會有錯都真係冇辦法。機器執貨都真係冇可能100％岩
至少我覺得佢地處理手法係fair。上星期citi card第一次有85折搞到大塞車，佢地都extend左個vip discount兩個鐘，算係好良心既商家。
唯一有樣野好想佢地改善係過度包裝，每次收貨我都覺得真係好唔環保又冇辦法 
1個讚
我地有時會用佢D包裝來舖檯，放骨。有D都係無辦法嘅，見佢地都有努力過，例如買兩袋嘢放埋一個箱，同埋D紙箱係批發產品循環再用
請問點樣成為gold vip? 同埋有咩好處?
好似話隨機抽籤，話只係試驗，我都唔肯定。
多條Hotline，有事留電話佢地會打返俾你，我地之前D團購問題佢地都幫過忙嘅，其他都好少去搵。如果好似呢個星期咁其實佢地都忙唔過來，來唔切接。所以又唔係好大分別嘅。
買左幾年感覺得到最大嘅好處係特選客戶$60幾買一盒30個口罩，見上面好似都有其他人有。應該係長期客戶中挑選嘅。
請教hktvmall上面有邊d黃店可以分享下？
因為佢始終係網講平台有黃店有藍店，相同貨品分別唔大嘅話當然想係黃店搵左先
睇上面第一次知有間甘薯葉的素食幾吸引決定買d試下
仲有阿布泰買零食
求其他介紹
除左呢兩間，淨係記得山下菓子（賣日式蛋糕），另外依家見到有彌明生活百貨。
佢團購都不時有黃店（雖然依家出街就唔方便嘅），例如依家有尖沙嘴小黑糖、西貢Black Smith Coffee Shop。
另外漁鮮快遞係藍，同樣賣海鮮嘅Leader Marine我個人覺得佢暗黃，因為佢有個套餐叫「3萬，thanks」——三樣產品銷售破萬。
推薦Leader Marine兩款台灣熟成三文魚/比目魚，每次有特價都會買，少少貴但味道好好。
有無人好似我咁，在HKTVMALL 買左野，好耐都未送貨，話貨品損壞，但其他又仲未收到。
我無試過損壞，但近排啲單都被延遲，如果佢要更改第二日先送貨俾你，你去返訂單資料嗰到會睇到佢改咗邊日送，同埋訊息都話你知（app內嗰個「訊息」）
該主題在最後一個回覆創建後30天后自動關閉。不再允許新的回覆。