我有朋友上年低價買左樓，俾移左民既朋友串左成年佢仲買香港樓/接火棒/樓價會大跌，係近排升番先冇再講。有時覺得其實係冇樓想買先咁留意樓市升跌
好認真的，我覺得如果錢銀啱啱好先上到會，又得一個人做野供樓，依家唔係入市時機。
客觀上世界經濟下調，香港其實無可能獨善其身，依家不斷吹風亞爺要做野搞樓市，無可能係咁既情況下仲入市買樓。
3個讚
但又有d人話QE無限印錢資產升，樓市走勢年年都有人睇好睇淡，同埋買啱心水樓都好難，又要啱屋苑啱層數啱方向，好盤又啱價既都未必爭到。如果個人長遠唔打算移民，供得起/有自住需求既咁咪買囉
2個讚
所以個大前題係錢銀「唔好」啱啱好，「唔好」得一個人做野。
無錯係好好多人睇繼續升或平穩，但萬一，真係萬一，買左之後跌？跌都唔緊要，自住樓唔係炒，但touch wood 講句失業呢？無錢繼續供？
自從2019 後，呢個世界乜都有可能發生，以前無人諗過機師可以變司機、無人想像到走出屋企都可能犯法，買樓真係要plan 得好好, 太蚊水真係要儲多幾年錢
3個讚
我剛賣咗出租…今期二手缺盤，我個盤直情比人搶
我自己想攞錢先，呢間屋買落一段日子，唔想俾錢翻新
新業主係情侶，應該準備結婚，有自住需要
2個讚
各取所需
我正考慮買定租，會唔會租住，見到真係心水先好買呢？
你睇咗樓先，租同買係兩個市場。同埋你咩原因買樓／租樓？
我自己小朋友出世急搬，就租居屋，因為近照顧者；後來再買私樓，因升值能力較好，小朋友大咗啲又可以坐下車，唔駛住照顧者隔離。
1個讚
個人都係覺得買倒就買…
黎緊自由行黎返, 一定升得仲快…
買樓要過壓測, 太蚊水銀行都唔會借錢俾你買,
失業搵人租幫你供樓, 依加一買樓即放租, 唔賺都唔洗貼,
移民大不了賣樓, 就算舌讓當交咗租。
其實就算無政治問題, 環境都不停變, 例如以前做工廠/船務/行船好好搵, 一樣突然收哂皮。
但有事上黎無樓要交租仲多樣野煩~ 有家庭就明
都係個句，樓唔係你想放租就放到，樓唔係你想賣就賣到。
計好數，唔好太忟水，有心理準備承受風險就去馬。
仲有仲好資料搜集，唔好地產佬講乜就信乜
1個讚
係架, 但都擔心唔倒咁多, 買定租都有野要擔心, 要睇自己。
眼見有人租超舊樓, 租金低D, 舊無所謂, 仲可以儲倒錢,
也有朋友幾年搬一次, 一家大細成日搬就煩D, 小朋友要就返學地點。
其實近排出面都搶搶地, 個經紀成日打黎問放唔放, 但經紀主動問當然唔放
1個讚
二手強一手弱，真有趣
2個讚
正是…現實係疫情下更多人襯升得無咁勁, 拿拿聲睇樓上車…跌極都唔落,
年年有人吹淡, 最後年年都升緊…香港人還是接受現實吧
https://www.rvd.gov.hk/doc/en/statistics/his_data_2.xls
年年升?
19年到而家都冇咩分別喎
大單位普遍仲跌左添
2個讚
正是因為政治問題+武肺都係跌嗰少少，
大圍真係多人驚到唔買，應該跌到上次SARS咁先係。
所以長遠我會覺得係升🥲
不過正是因為各人需求同睇法唔同，先會有上有落嘅。
我覺得到時開關d大陸人會湧落香港買樓
我之前都估移民潮會令樓市下滑，但我低估左量化寬鬆既威力
一手弱解釋到, 地點唔掂價錢唔掂所以滯銷
西營盤喎，應該唔會係地點唔掂。但400幾呎樓賣到3萬蚊一呎，買家多數買黎投資多過自住。依家既環境少左好多投資客所以滯銷。
唔好意思, 我講長沙灣GV 
1個讚
長沙灣都蛋喎