如果想d細路易d融入學校，最好識多d phonics 發音，我見細佬間學校，初小階段成日重複又重複咁教發音，細佬讀既英文，發音似鬼仔，但仲未識講句子
有待改善
，佢坐唔定，無得急。
其實小學插班難唔難適應？
如果下年9月開學，1月就要申請，好似太急
但等多一年就要再下年9月先入學，到時唔知咩環境
想請教你，小朋友已經12歲了，其實咁大個過到嚟，係咪好難入到啲好嘅中學同大學
[quote=“TtNn, post:546, topic:20515, full:true”]
其實小學插班難唔難適應？
如果下年9月開學，1月就要申請，好似太急
但等多一年就要再下年9月先入學，到時唔知咩環境
[/quote
想法一樣。唔同係我小朋友是中學
細路仔既適應力好高架(我幾覺得架)，佢地就算表達能力唔夠好，但點都會吸收到理解到跟到，唔洗太擔心喎。
帶哥哥離開香港果時，佢只係讀左2個半月小六(唔係名校更唔係精英班~成績好一般)咋，黎到英國插班讀Year 7 (即係中一)，間學校咁啱有個BBC識講國語既同學同班，叫做有人跟下帶下咁。哥哥好靜講野勁細聲，說話唔多，最多講"啊"
，都一樣enjoy返學，話無功課無測驗默書好free喎。
反而最好擔心下"大人"既適應力，細路咩都唔識一定係靠晒大人咁生活，如果c6話英文唔叻就咩都唔搞(但把口成日話會齊上齊落
)，咁自己就會好大責任架嘞。唔計同鄰居溝通，簡單好似搞細路揀咩學校，申請入學，家長日見老師，睇通告，健康檢查，驗眼，睇牙，去急症同GP睇醫生等，樣樣都要了解，轉channel溝通，如果2個細路就x2，仲未計自己都要身體檢查，我都有份工要返，C6除左返工(華人公司鬼佬同事)同揸車可以自己應付之外，其他野都話驚聽唔明人地講咩英文要人陪佢，而家好左信心多左，真係萬幸同感欣!
係香港出街食野，當老麥咁計，哥哥/c6會幫我叫埋野食，黎到呢到，個個都話唔識點買，要我親自出馬其實睇圖都識買啦～。如果係租樓都好d，同地產了解晒d條款比錢就得，買樓就有多d野做，律師查冊咩文件都要過下眼至放心，申請水電gas，有咩維修都係我負責搵人同人傾壞左咩，有時覺得自己係single mum ~1個人帶住3個細路咁生活
，但只要諗起點解要黎英國既初心就好快咁turn返正自己嘞。
所以，我覺得大人既適應力要留意，咪亂發皮4，識得冷靜，要比d時間同無限既包容能至得，如果唔係就家嘈屋閉，好難捱架嘞。
8個讚
妳唔係single mum係super mum
入學年齡計法同香港唔同。https://www.gov.uk/schools-admissions/school-starting-age
阿仔年頭出世，係香港屬於大仔，11歲半讀小六，黎到英國11歲半係插班Year 7。插班唔洗考試亦無睇佢有咩cert，淨係申請入學果日填表帶埋佢去見負責人，都係問下佢鍾意咩科，有咩興趣咁咋。不過，我唔係揀名校私校，所以簡單d。英國讀書grammar school係最好，但一定要考入去，如果細路讀得書，極力推薦揀呢類學校。
1個讚
我小朋友有d SEN 問題，所以比較擔心
你真係好強，我諗我兩個都會比較難適應，尤其是爸爸本身都唔係特別想去 
No lar, 都係果句，開心一日，唔開心又一日，識揀既就緊係開開心心咁生活啦！
我唔介意人地點睇(因為控制唔到嘛)，儘做自己能力同本份，試左唔後悔，衰左咪當吸引經驗囉，無咩捱唔到既。
唔係最叻，更唔係咩專業人士，只係一個普通既香港人打份
工捱緊騾仔又要睇住d細，只係地點唔係香港之嘛。
2個讚
我果時都有擔心過呢個問題，因為，阿仔讀N1前就確診SEN，我出發英國前問香港既醫生攞份"醫療報告"帶係身，諗住不時之需嘛，話晒醫生寫專業過我講既野多多聲。申請學校時我都有如實申報(佢係SEN仔)，搞入學手續都比埋份報告負責人睇，佢淨係問佢有無"暴力"問題，我話從來都無暴力，只係表達能力稍遜，社交圈子細。個負責人就好有個信心咁話，ok啦無問題，話會搵d chinese既同學黎幫佢融入學校生活，真係好感欣。可能我要求低，凡事都可以感欣一餐。
2個讚
咁你間學校好好喎，介唔介意pm 話我知邊間
我諗我小朋友同你仔情況差唔多，好驚佢去到粒聲唔出俾人恰，同埋我小朋友細好多，未識完全照顧自己
可唔可分享下買左邊區? 同買左幾錢? 係咪買 freehold 好過 leasehold?
我c6都唔想黎(出發前
住咁講架左幾次唔好黎)，我叫佢唔過黎都ok架，一係當去旅行，只係假期長d姐，唔鍾意咪自己買張機票返香港囉，又無經濟壓力，唔一定要出黎搵野做，適應左再算都得。後來就話咩齊上齊落，最後都跟埋黎，開頭黎到啞咁架，樣樣都唔理，有咩唔滿意就發皮4，郁d就話返香港算啦，咁辛苦為咩，態度勁差。不過，日子耐左都改善左好多嘞。
又要感欣，我無宗教信仰，從來唔覺得係英國生活辛苦，所以，好睇每個人既適應力。
1個讚
自住既話，我係買freehold，雖然係舊樓(樓齡50~過百年既都有)，唔係市中心地段，但叫做間屋同塊地係自己(但責任都大d)。Leasehold 係要交地租，有年期問題，但勝在新樓多又近市中心，我諗住遲d想投資收租就買leasehold樓- flat為主, 維修費無house咁多架。係要留意剩餘年期幾多囉，愈短愈平但都唔會考慮。
我買左Salford同Leigh，Salford樓價貴d (我個人覺得姐)，每個區都有好多個少區，邊個少區啱自己真係黎到住落先知，唔係個個家庭既感覺同要求都一樣，我既生活標準極低，簡直係無要求，住邊到都生活到，我覺得好你可能覺得唔好，啱我未必啱你嘛，參考就ok，唔好作準，咪信晒我呀。不過，住屋都要睇budget，我無咩錢，如果有錢我會揀Sale, Altrincham 果邊既屋，但貴好多，一分錢一分貨嘛，淨係睇學校，地點，生活質素都係好d，有T1既高質香港人揀果邊黎住架。
佢都係話就算去都幾年後先，幾年後都唔知咩環境啦，可能唔俾你出境，可能bno 落閘，可能入埋集中營…
我同佢都唔係適應力強嗰種，你起碼都可以做一家支柱呀
目前都係要說服到佢起行先，所以要靠自己整理晒d資料再遊說佢
我都研究緊sale區，唔知負唔負擔到
1個讚
可唔可以講下 house 有咩維收費?
leasehold house 長遠要 lease extend, ground rent 同 service charge.
其實邊樣抵D?
家家有本難難念的經，大家都係你
我好，我你好咋，自己背負既野都唔少架，家事既野唔能夠四圍講
，大家有苦自己知啦。
總之，咪亂諗，做到就做，留低定走，自己諗清楚先囉，呢個決定都唔易，咪理其他人點講，無野係絕對好晒架，如果留係到啱自己既話，無理由格硬逼自己走，唔適應既話真係會出事架。
加油呀！
2個讚
多謝你分享咁多嘢
另外想請教吓租屋通常有無一定要租幾耐？最少一年？
我想問買二手house係咪點都要維修下先住得
，因為我另一半講明佢唔參與任何野，我一個英文連自我介紹都一舊舊嘅人，真係好大挑戰
1個讚
Local地產既租屋最少半年，普遍租1年。無咩生約死約，到期就renew，幾自己。如想租年半，2年或指定時期，都可以同agent提出，佢地多數都好friendly，會幫你同業主傾架。
我知道有d華人係微訊群組有放租，有d套房，有d 係house, 唔經地產，直接業主，地點多數係中國超市附近或者大學區，交通方便，講明可短租長租，有需要就要加自己佢微訊
了解，我未租過，但有中國人淨係搵華人業主黎租架。
1個讚