咁第三間屋, 個stamp duty 點計?
Thx sis
即係我本身香港層樓未賣先要俾
真定假？有冇試水溫？
賤價掟貨可能好快
新聞成日報導好多人買樓，新樓果D。
係好學校，白人都會揀，所以，競爭大就預左。如果係心儀，你填志願果時比唔到第一志願你，比左第二志願你咁計，佢地會問接唔接受第二志願，仲會問你排唔排第一志願既waiting list, 即當第一志願既學校有人退學，就會叫你補上，但唔知道幾時架。我果時都係咁樣，阿仔派左第二志願，我接受左(因為唔想煩嘛) 開左學唔夠1個星期就話waiting list 到我，問我去唔去第一志願既學校，我問阿仔，佢話第二志願既學校都好開心，唔想轉喎。
因為呢到既地產，有d係under offer 盤嘛
，有錢既人就啱，我呢d平民，買樓目標係唔會過£20萬，咁至生活舒適嘛~其實，樓價10零20萬鎊係最搶手最活躍，太銀碼既盤反而要時間先至賣得出(但當然係睇區啦～主要城市果d, 近市中果d就唔係咁既參考咯) 我都係睇得多盤，至知道地產有under offer呢d野，真係長知識了。
噢，可能我誤會左，你係咪講緊香港既樓市
，如果係，我就答錯線了，唔好意思
首先你自己準備自己啦～
你想點行，d細路至會點行嘛~
佢地仲咁細，靠晒d大人架。
睇黎你有d亂，完全無方向，唔知點好咁
(希望係我估錯)。
減stamp duty 既消息都係啱啱出台，你係咪想知道多d呢方面既資料? 我可問問識既local地產，佢話佢地係England 既north west同london都有筍盤，佢地好nice, 成日email d筍盤比我，(雖然我仲租緊屋，租約未到期，但我已經另外買左間10萬鎊既排屋，同買左間20萬鎊既半獨立屋~正在處理中)，所以，暫時唔會再買樓住
，細路仲細想留返d錢旁身。所以，d筍盤都係得個睇字。投資既野，唔係我既時候，無得玩。
請問一是否大部分業主傾向網上賣樓？
定是中介手上會有多啲盤揀
可以幫我問問倫敦樓嗎？
你講香港嗎？如果係賣香港樓，多數都搵地產放盤架喎。
如果係講英國賣樓，好多白人業主會搵翻自己果區既local 地產公司放盤，如果你有睇啱邊區，直接上rightmove, zoopla果d網站sorting, 睇啱就可約地產睇樓。華人業主有d會係ybird到放盤，而佢地多數放盤係低於市價5千鎊左右，唔用agent，要自己微訊佢約黎睇，但，當然咁優惠係有條件啦～舉例，層樓市價13萬5千鎊，佢開價13萬鎊，條件係賣買合同既樓價只寫明係9萬鎊，當中差價你要比現金佢地，即係4萬5千鎊現金要暗瓦底比佢架。佢地(自己既)目的係唔洗交咁多稅比政府。當你真係買左呢層13萬既樓，住左一排再想賣出去咁計，而層樓已經升值到20萬既話，你就要承擔層樓升值賺左果11萬(由合同既9萬蚊起算)既物業增值稅。我個人覺得好搵自己笨。所以，唔會同呢d華人買。
如果你想買d大型發展商既英國樓，搵中介應該最啱，香港而家有好多展銷會賣樓中。不過，唔建議買樓花，有一定風險。同埋第時d鄰居可能都係香港人多。
仲有，有d地產經紀，係手上keep住d筍盤(咩類型咩樓價都有, 但多數係獨立屋同半獨立屋果d house)，唔會放上rightmove, zoopla 呢d網站比人睇，如果唔係識佢地，係唔會有人知道有呢d暗盤架。我完全無諗過英國既地產界係咁
地既，長左唔少知識。
就係想知這個，唔該晒，會試下實地搵盤
我之前問過一些source agent , 話只會比幾個盤我揀及睇3 次樓。睇樓前已經要比樓價3% agent fees作為訂金 
有個就直接收5 千鎊才幫手搵盤及睇樓…
筍盤係source agent 先有、不過大家小心, 唔好隨便搵、尤其唐人個啲agent ( 自己係香港人都唔好意思要講）我朋友被騙左幾萬！比幾萬後求其比3個超級差既盤去年睇、之後話冇盤了。
Source agent 要收費,買樓agent 不用收commission , 大家唔好求其上fb 搵。
我覺得除左係rightmove 這些website 搵, 自己搵左心水區後, 上網找當區鬼佬大或細agent 搵都安全。
2個讚
我真係未遇過要我比左錢先既agent，無人保証實買到樓啱，唔比睇唔啱既咩，有誠意買唔等如實買喎。
萬事小心，最好格下價，或者上網資料搜集下，再唔係講出黎問下，集思廣益，當長知識。
絕對同意! 小心為上，BNO條文未出，唔建議心急買樓，睇定先好決定，要啱自己同屋企人既需要，配合到生活，工作同返校係主要考慮因素(我係咁諗)，唔好為左"筍"字就亂買，諗清楚。
我買樓係會自己研究左好多野先做決定(我老公係零參與(除左講錢之外)，其他例如律師樓文件往來合同，黃頁咁厚既survey report資料都係自己刨晒)，其實唔啱既話，再筍既盤都無用，leave it 仲好。呢到買樓，睇啱都唔洗比訂金(樓花我唔知，未買過，亦都無諗住買)，最多係委託律師果時，要比少少按金，約500鎊，都係有限錢。一日未去到雙方交換合同，都唔洗比舊錢律師樓。
我唔識咩華人或香港人既地產公司，更無幫襯過佢地，知道華人果d出名地，唔知道佢地咁亂黎，我又長左知識嘞。我淨係識d鬼佬地產(local 白人啱傾果d)，幾helpful，最抵c係睇啱樓turn down佢，講個理由就ok，唔會死纏爛打，繼續keep住啱傾。
我只係一間電子貿易公司到打緊工(咩住個T2 visa，犯法既野唔會做，務求保持紀錄良好咁入藉，我真係堅想留係到生活架)。我無參與地產代理，更唔係part time中介之類，無收咩回佣，大家買唔買到樓與我無關，我份工絕對support到我既生活。我知道d暗盤鬼鼠野，始源於年幾以來不停搵樓，睇左唔少樓盤，累積左少少既各種各樣既經驗。
都係果句，問你攞錢先既人一定要提防。比錢任何人之前要了解清楚，唔明就要講，千祈咪怕事，如果唔係自己就會total loss 架嘞! 阿爸教落，每一蚊都係血汗錢黎架，咪亂洗。
加油呀!
4個讚
請問兩層樓double duty 係米好貴?
同屋企人有一間聯名公屋係香港, 唔會賣.
另一間老公名, 呢個市好難放, 又唔想賤價賣.
如果去英國再買, 會當第三間? 擔心 duty fee會好貴.
如果真係過去英國, under £20萬有一間屋, 校網ok. 都想再買, 起碼自己有間屋可以住.
好多agent睇住香港人心急買樓而想搵水魚…
3個讚
多謝你分享:)對銀行來說、係工作幾多年才算credit 好,一年還是三年？