我今年1月尾喺瑪嘉烈順產，非常滿意! 我凌晨3點穿水入院直入產房，當時完全未有陣痛，都有得繼續留喺產房，到朝早7am已經幫我人手完全穿水 落藥催生，跟住都keep住有姑娘入嚟睇下我點，見我開始痛到面容扭曲 都主動問我使唔使試唔同嘅止痛方法…之後晏晝4點幾就已經生左，生嗰陣D姑娘都好好 一直鼓勵我 教我點用力 讚我做得好咁，縫針時仲好friendly 一路同我傾閒計
搞掂仲主動比左杯水我 有埋飲管比我唔使坐起身都飲到
之後住兩晚院都算幾唔錯，咁當然係大房 就實係嘈到冇得瞓架喇，不過d姑娘同姐姐都一流，好主動幫手，好多次我試緊餵人奶，佢地路過 都主動走埋嚟問我 點呀 餵唔餵到呀，係咁教我 執我d姿勢咁，而家諗返都真係好多謝佢地…其實我諗好睇嗰陣佢地忙唔忙，忙到飛起比我都黑哂面啦…所以我諗我都算好好彩，除左因為强國肺炎搞到老公冇得陪產之外，我個生產過程都算幾順利同愉快
4個讚
唔足月，個b 仲係肚度唔岩位etc, 呢啲私家已經唔收入院，嗰時yumiko 生完都要轉院去政府
我諗好多人都驚左武漢肺炎同啲大劣媽媽都轉晒去私家，公立無咁多媽媽，醫護都會做得寬容好多～
1個讚
這位媽媽好唔好彩啊，當年我都是公立痛左幾十個鐘，穿水發燒開 刀，完全無佢咁經歷仲好好照顧添
會唔會好似當年個陪月辛酸史咁包含咗或大量包括自己嘅創作呢?
當年個陪月好hit, 仲以為呢個世界咁多騎呢客添
我信個媽媽五成先啦，當中可能有啲誇張咗也說不定
9個讚
我想話我生大果個時都有類似恐怖經歷，生完坐左一個月水泡
我吾同時間生4個仔女都係屯門醫院生。18年前到5歲半前生4仔，個個都好好呀。產前產后房d姑娘。姐姐都好好。我生4仔時過左派飯時間。產房入面嘅姐姐都比定碗粥水我一陣飲。話無咁肚餓。到上病房好快就比熱水。姑娘重叫快d飲水呀。無尿痾無得落床呀。
我家姐就係比佢地累死，佢初時痛左十三四個鐘但唔夠度數，本來應該要打催生針，但係雙非搞到當時冇產房位，醫生只係由佢痛(超嬲)，到推入去產房，佢痛到好耐已經體力透支，唔夠力生，半個鐘都出唔晒個頭，最後要用產鉗拉出bb，唔記得家姐係咪暈左，我地探佢見要插尿喉，後來一拆尿喉，佢完全冇左忍尿能力，唔係少少尿滲，直頭係無端端漏晒先知，頭半年要用紙尿片，到而家咁多年忍尿力都大不如前，好彩既係個仔冇事，連頭髮位都冇產鉗印，算係大幸
2個讚
我都唔知有幾多成真假，但係以香港人既質素多數投訴到拆天唔會由頭到尾到俾人恰到咁囉
3個讚
個媽媽Facebook 自稱writer 又寫開專欄之類，當中有創作真係唔奇。
係囉，無助咗幾日都逆來順受有啲難以想像
我喺香港公立醫院生第一胎, 覺得好好
可能我加錢上私家病房啦
同可能東區特別好
覺得好幸運
生B&坐月錢唔慳得
呢樣嘢我媽成日同我咁講
好彩有聽佢講
1個讚
我都懷疑有幾多成真
不過我見其他人啲留言分享都唔少野
⋯⋯所以好似都有啲野係真
邊間醫院有一間産後病房三十張床？
我第二胎都係東區upgrade , 同第一胎喺瑪麗真係天堂同地獄之分！
我想講我就係睇到佢既經歷
都係想揀返私家
原本都想慳返啲錢買野俾bb，去公立生
但佢個經歷同埋其他人留言都係講到好差
搞到我真係唔敢揀公立
真係唔知係咁岩佢唔好彩
定係一般既經歷都係唔好呢？
可唔可以講下邊間公立 謝謝
我5年前係公立生個經驗都算不過不失
不過遇著一個無經驗既助產士
唔識得guide我幾時push
攪左好耐，一個有經驗既助產士入左黎
了分鐘左右就生左
產後房更加係非常之人性化
好多人comment係公立生仔夜晚無覺好瞓
因為一個b喊就全部b一齊喊
但原來，我生果間啲姑娘夜晚聽到bb喊係會將啲bb推去護士站
姑娘會幫手照顧bb, 媽媽都可以係夜晚得到休息
真係好感激啲姑娘咁貼心
1個讚
吹水成份唔知有幾多，不過睇吓佢個post其他媽媽留言又真係好多媽媽有類似經驗，所以冇預過嘅係好彩。我自己私家生就冇呢啲，每次提起都覺得值得
，睇到呢啲確係好驚，而且唔係第一次睇，
其他bloggers都講過啲經歷。
威爾斯