香港就死硬啦，呢點我都同意，所以唔使討論
但台灣我就覺得美國會照，因爲美國呢幾年同台灣接觸越來越密切
如果唔係想睇住台灣，美國唔會有咁多動作
1個讚
而且美國本來就已經默認香港係中國領土，喺中共控制之下
而家個賭場主人亂改游戲規則，美國最多過主去第度玩，唔值得大動干戈
2個讚
咁移民台灣真係唸得過喎. 如果多啲香港人過去, 話唔定可以重建一個香港.
2個讚
升旗易得道一直有計劃係塞浦路斯搞個香港城，三十萬歐就有居留權，好多人諗緊加入。同時佢地都一直有幫好多手足逃亡去台灣。
我都冇得即刻話走就走
想等小朋友讀埋小學先
可以儲更加多 $
但中共唔係十年內會倒台咩?
佢意思係，共產黨係會好快倒台，但好多香港人都好可能會死
你既意思係屠城?
屠城+集中營都有可能，絕對可以黑暗過光州同64
https://lihkg.com/thread/2031671/page/1
逃亡台灣手足寄語，對手搞得國安法就係預左攬炒，唔會因為你和理非甚至唔上街就會放過你，一樣照搞照拉。想做事不關己、高高掛起的順民就唔該離開，移民，選擇左留低嘅希望做好決心，上街，甚至勇武。進攻先係最好的防守。
呢個時代已經沒有中間派，至少香港就係咁。
1個讚
條link好似唔係講國安法？Post錯link？
講因應國安法而搞的聽日場仗，主要就係希望大家有個決心同戰意
“Be water依句說話，我地係第一批講既人，原意係依個街口被三面圍攻，我地退後一個街口集合人數，然後一舉衝出去。依個亦係面對布袋陣，大圍捕既方法。當你面對圍攻，最好既方法係打破一個缺口，依個缺口就係你最安全既道路。be water係重整旗鼓，集合戰力，唔係返屋企訓覺。”
Season 你真係咩group 都有
1個讚
Trump is “American First” not “American Only”. 情形同台灣口罩一樣，要搞掂自己先，先至搞人地。況且多數國際條約都係搵美國笨，美國俾最多錢，其他國家就乜都唔做。好似巴黎條約，美國俾最多嘅錢，仲要補貼中國，中國二氧化碳就繼續有加無減。
點解共產黨會好快倒台
但係又唔會係有生之年平反到？
1個讚
有聽開劉細良會知，佢經常引述南韓光州事件。光州事件後全鬥煥政府只係維持左七年就倒台，但離依家已經四十年了，連今時今日的文在寅政府都仲未搵到當初下令屠殺平民的指揮官。
共產黨比南韓軍政府黑暗多一千倍，香港版光州事件都未正式上演，即使呢個政權好快垮台，但佢係斷氣前都會大屠殺+集中營報復香港人，死的人會好多好多，而且恐怕幾十年內都未必平反到
2個讚
睇到有人放負整左呢張meme，雖然表達悲觀，但其實都觸及到本質。
美國唔會救香港，美國只係借香港加快同中國相忘於江湖，推動儘快支爆。但支爆臨近，香港失去埋唯一存在意義，共產黨唔會容香港成為一個普通的大陸城市，只會係比新疆更悲慘更絕望的地獄，因為呢啲叫"中國人，報仇"。
到時世上冇一個地方會再關心香港，自然更唔會有人救香港，最終香港會隨共產黨一齊被歷史巨輪輾碎至淪為塵埃，虛無縹緲，不復存在。
決心留嘅港人要有好覺悟
大戰前夕，肥佬黎發推，好悲壯。劉細良表示擔心佢會係高危人仕。
其實都有心理準備一旦支爆，香港人都不會好過，但從冇諗過會屠城嘅地步。
即使有錢，而家搞移民/移居已趕唔切，最平的馬來西亞因鎖國只批核到19年中嘅申請。
我子女仲細，支爆陪葬我願意，但望住佢哋咁細個，我唔想佢哋有事。
已準備危急時逃去外地，但幾時先係危急？係咪仲可以自由出境？去到外地遊客身份點生存？好無助。
4個讚