第一胎冇乜奶，密密埋身都餵到Bb身長線係咁跌要轉食奶粉。
依家第二胎準備生，唔知會唔會又冇奶唔敢買咁多餵人奶用品 ，但我記得第一胎果陣好似一路泵另一邊係咁漏，你地係咪都用依個方法集住啲奶？
好有用! 阿囡唔大食, 初頭食一邊就飽, 咁我就滴另一邊, 有時都滴到40-80ML, 產假果時每日埋身餵, 再滴出嚟備用, 儲夠一支就冰咗佢
1個讚
我無用過
但再揀我都會再買
咁先可以一滴都唔會浪費
1個讚
我有買breast shell，但可能我唔特別多奶呱，3個月產假差唔多全埋身，應該係啱啱夠佢食咁囉，呀仔每餐都要食哂兩邊，用Breast shell每餐接哂兩邊加埋先得10mL左右
用左幾次都懶得用
1個讚
嗰個好好用呀，我嗰時出去做完嘢，一邊放嗰個泵，一邊餵奶，咁就儲到半餐架喇
買咗嗰個，我個電泵都冇開過
2個讚
Thx 咁多位，我買左1個備用啦
希望用得著啦
我有買，不過未用過
你用雙泵定單泵？
單泵係俾啲上身餵完一邊, 另一邊食唔曬先有用
個人覺得雙泵唔會有漏奶問題又可以當單泵用, flexible啲
我用單泵，用haakaa係另一邊集奶，有時可以集到泵量嘅1/3。佢用真空吸嘅方法，可以吸出到奶泵吸唔到嘅奶，有時用泵已經無乜奶、但用haakaa會吸到奶柱
有個medela雙泵
但用雙泵會唔夠力
咁你覺得買一個夠唔夠用呀？
視乎你清潔得密唔密，我買咗2個。因為我有2 sets 泵。 haakaa 我2個容量都買咗。，150 ml 吸力強啲，吸奶多啲，但吸住係胸係比較重；100ml 真空弱啲，易跌，但個胸冇咁重。
thx
好有用既資訊
想請教埋你用咩泵？第一胎用medela好似唔係好受泵
我有三個泵
cimilre s5: 差，除咗靜同細部。吸得唔舒服、吸得慢，我要一邊吸一邊用手揸。用咗2個月屏幕就壞咗，個鴨咀好易爛、爛咗就漏氣泵唔到。
Medela freestyle: 後來轉咗呢部，由地獄上返人間，原來泵奶唔駛咁辛苦架！唔會死扯但又吸得快啲，以前要45分鐘泵奶，用freestyle 半個鐘搞掂，唔駛不斷用手揸。可以拎出街用、方便。
Medela symphony : 由人間上天堂。公立醫院都用呢部，月租$500，只能家用，但按摩和吸力都比較溫柔，唔會泵到痛。速度就同freestyle 差唔多。
性價比freestyle 比較好。
如果你初為人母，唔知自己泵到幾耐，可以租symphony 幾個月用住先。決定長期做泵媽、或者放完產假都決定泵，就買freestyle 啦
不過三個泵我都唔泵得清，要用埋手先比較快出奶。要擠清都係要用手
據說奶泵人人反應都唔同，如果medela唔啱你，可以真係要試下其他牌子，但cimilre真係唔建議，俾我打入冷宮
第一胎果陣買左freestyle，可能本身少奶
我依家都係用freestyle
但係都係泵唔清
一路泵要一路擠，扭到頸都痛埋
想問樓上用真空泵嘅JM，真空泵會唔會大力啲？