有影響呀，而家有錢都會睇定d, 又多咗人失業，再加埋疫情唔會想咁多師傅喺屋企出入，唔好話裝修公司，連工人都無咩工開。
另外，office, 店舖都越執越多，又無新店開。
1個讚
唔變態,根本成個市場K形.
3個讚
係
btw已失業
暫時身邊熟果啲人冇人影響。
只係聽舊朋友俾人炒佐。
加油。希望你盡快搵到工。
公司上個月炒左一個，而今個月我辭左職，公司無請人，內部搵人頂我個位
1個讚
我哋公司全球抄左4%non manufacturing 的員工，剛剛渡過第一波炒人
我哋條team炒淨幾個人， 有朋友話做零售就嚟捱唔住
飲食業ge悲劇…
btw準備轉行
我公司有d產品，都跌左好多，原來真係大陸人買，有d嘢都叫keep到，保到肺炎之前條數
政府$9000蚊個保就業都有少少用，本身我公司已經做好個list 準備郁人，政府一出就全部on hold
本身有啲做唔到嘢，想郁佢好耐的人都逃過一劫
因為全公司人數唔少，一定要拎到個津貼，所以唔敢亂郁怕唔qualify
但其實未宣佈呢個計劃之前半年已經陸續郁咗啲人，果啲人就冇咁好彩
4月被炒
另一半做大型零售，公司開始玩「莫須有」，黎緊應該想炒人唔賠錢
零售，旅遊真係難攪d
隨時有轉行嘅準備
公司做到九月結業，見步行步，有乜工搵都做
無就唯有休息下進修下
個市真係差左好多
暫時身邊未有人被炒，但減薪放no pay就好多
主要係零售（仲要target自由行）我都覺得未嘗唔係一件好事，過份依賴自由行經濟單一都唔健康
如果全世界疫情再咁落去，其他行業都會受影響
我公司差左（主要係啲酒店商場客少左）零售主要做香港人，影響就少啲。
3個讚
我公司都係做少左遊客果班，努力做其他嘢去補返條數
我同老公冇影響仲勁忙
但做retail朋友被迫走 失業中
另一機場朋友一星期返一日工
又有啲出緊8折糧
其實香港嘅金鋪同埋藥房實在係太多，成個零售市場好依賴旅遊業咁樣，其實真係好唔健康…
我地成日講嘅攬炒根本就係想將香港咁單一依賴旅遊業、倚賴大陸人嘅消費市場轉返做多元模式，有起事上嚟起碼都可以做到分散風險
9個讚
視乎行業。
因為凍薪，幾個IT朋友是自己主動辭職轉工。
國際學校老師多空缺。
Trading公司有賺，繼續請人。