BB出生兩個月，俾婆婆湊，自己開始返工，我只有星二同四返娘家睇佢同星期六日就自己拎返自己屋企，好擔心佢大d開始認人，都唔知點算 
有無人面對過呢個問題呀
唔駛咁擔心，BB好醒架知道邊個係媽媽 
1個讚
我女初初係工人同奶奶湊，我都曾經有咁既擔心。但原來BB真係會知邊個係媽咪。大約一歲左右，無論佢平時點親工人同奶奶，佢都係最痴我。
1個讚
我都有呢個擔心!! 而家Bb 3個月大 我都開始左返工…日頭公公婆婆湊，我夜晚返到屋企 聊bb玩 佢都好似冇乜反應咁…反而公公婆婆聊佢玩 佢就好似笑得好開心
唔知係咪我自己諗多左呢…
我個女4個月果時我抱住佢，佢見到奶奶或者姐姐，就要過返去。我都好傷心架。唯有放工多D陪下佢囉，但奶奶同姐姐都係主要湊佢既人。但大約一歲左右啦，佢就好明顯要痴返我。如果我、奶奶同姐姐都響度，佢都係走過黎我度。我初初都唔信BB識認媽咪，但原來係真架。
1個讚
唔洗担心呀，平時我都係工人湊，我女最鐘意出街，如果我响屋企的話邊個都唔會跟，情願唔出街。
Bb一定會痴媽媽既。
過渡期會好難挨
我bb 都係姐姐湊多，細個時好認人，雖然平時都痴我，但好記得如果佢夜晚突然大喊，一定要姐姐先搞得掂，可能太黑睇唔到，聞到姐姐陣味，但大大下，其實又痴返我多啲，而家夜晚好偶然大喊，我多數都搞得掂佢訓返。盡量放工同佢玩多啲，佢好快痴返媽媽
我覺得係個肚度BB會成日聽到媽媽把聲，到佢出左世聽到媽媽把聲安心會認到
其實你唔需要擔心，我果時都係比婆婆湊，BB係知道邊個係媽媽嘅
我都係婆婆湊 宜家bb就3個月 我都好驚佢唔認得我
唯有平日日日返娘家食飯 同有時過下夜 六日就拎番自己屋企全力湊
明呀，會好question自己好傷心
我黎緊下個月都會同你有一模一樣嘅安排
其實我都好擔心
BB唔認得我
但係要返工都冇法
你個bb幾大呀？有冇痴返你多啲？
我而家多都差唔多情況 
bb三個半月，日頭主要係婆婆湊，我有時wfh，但就算喺屋企都要做野同泵奶
佢見到其他屋企人都會笑得好開心，玩得好開心，但係望到我就好似見到陌生人咁又或者係我唔識同bb玩掛⋯⋯唉，我覺得好唔開心呀，有一刻諗過好唔好放棄泵奶，咁就好似對住bb既時間多啲
可唔可以安排平日返多d去陪佢，我個人覺得只有2日返去有d少，bb都想媽媽陪佢多d