讀到自已喜歡的科目，就是自已的神科。
至於社會公認的神科，就真是會隨社會狀况改變，個人無法決定。
3個讚
最近發現buy side既IT人工仲高
例如 Jane street, citadel … IT 起薪差唔多8萬 basic
無錯 最緊要係你身邊有咁既渠道去認識果一行既野
讀醫讀law 係神科？如果佢讀完無心救人、求公義
只為搵錢，我寧願佢讀佢自己有興趣嘅嘢，就算係讀art 俾人話聽揸兜，滿足感係多多錢都買唔到。
1個讚
我諗佢意思唔係bba，而係環商(global business)
1個讚
呢個combination真係神奇！不過應該係我古老啫，當年A level我讀數（Phy, Chem, Pure Maths, Applied Maths 加埋 UE），神科係"elect engine"同"social science"，讀medic要求不太高的，時移勢易了。
文科加個M2,個組合咁得意，佢大學想讀咩？佢學校咁好既，肯俾佢咁揀科。
係，我都聽過D學校顧行政安排，多過學生興趣和前途。
好彩你講的學生其實自已資質好，有路數。否則就只有無心向學，浪費了此人材。香港教育的不幸！！
1個讚
一生人當有90年
考完dse都係得17／18歲
20／21歲大學畢業
讀嘅科目當然重要 但係好似其他網友話齋
就算無讀或者做錯決定 都未至於永不翻身
每個人條路都唔同
最緊要對自己有要求 肯努力 對未來有計劃 肯實踐 有鬥心
1個讚
我就係讀law但讀唔到pcll
有班人真係好忍得好捱得
我都唔明點解佢地接受到
講緊入到大firm既人其實由10幾歲開始都無乜點樣揮霍過青春
唔係話吃不到的葡萄是酸的
而係比你讀埋pcll仲要做2年trainee
執業已經26歲
然後你既律師生涯先正式開始
係 真係會搵好多錢
我d 朋友…25歲已經搵12萬
講緊係神科最top個班law students
但好多law grad但唔outstanding做到嘔其實都係得4皮野
所以入左神科係另一個competition既階段
但我唔夠鬥志
淨係諗起人生最青春既時間要擺晒落讀書返工
不斷同人compete同人鬥
我已經頂唔順接受唔到
我而家又係咪過得差？
星期六日有假放，晚晚都12點就訓得
穩穩定定，人工比同齡既人係中上
唔係專業人士無年薪百萬
我做人好開心
當時d舊同學自從返左工之後就好少見面
一係長期因為工作放飛機
一係出到黎就不斷呻做野
而我只係想安穩渡日 身體健康
舊同學好多都話自己讀law只係因為成績好
唔係真係想做律師
所以學生揀科時係真係要有人話佢地知what they are really signing up for
太細個入到去 只會識隨波逐流
到到最後發現唔係自己想要既野
大多時都只會硬食頂住上
7個讚
好多學校都冇得揀，強迫食套餐，有得 2 elective 已經算好，有啲係一早限做 2 科（好似鄧顯係，所以就算成績非常靚仔都唔會有狀元）。有啲學校套餐仲恐怖，得幾款套餐，一係硬食，一係轉校。以前讀書都有，想讀嘅科目套餐唔存在，所以要揀啲自己唔咁鍾意嘅科目讀。
有啲套餐真係因為資源、時間、老師數量，要取捨。變相有啲同學想讀都冇得讀。有啲學校跟科目排名揀選修科，有啲就跟總排名。有啲同學理科可能好 fit 但係文科好廢，所以排名拉低，然後因為考得前嘅都想讀理科，變相真正叻理科嘅同學被迫讀文科，除非學校畀佢 appeal 成功。
反而直資少呢方面煩惱，唔少都夠人數就可以開班，呢個亦係點解多人想入讀直資。
依家選科仲要諗 JUPAS 可選科目，要留條生路畀自己，所以唔少學生都會讀起碼一科理科，咁日後 JUPAS 就可以揀理科，咁同一個 course 就可以有同學純 Phy Chem Bio，但亦可以有人好騎呢地 西史 RE Phy 都得，只要夠高分而又達到門檻就冇問題。
1個讚
自己最有興趣讀嗰科先係神科
中學已經咁辛苦，入到大學仲唔可以讀自己鍾意嗰科先慘
為職業咁讀嗰啲叫 IVE，唔係大學
2個讚
我都係讀專科，讀完degree 要實習再讀master. Master grad 之後再實習至少兩年再考專業試，好彩既27 歲考到，唔好彩有人三十幾都未考到。
過程好辛苦，但回想起都好開心。
雖然實習期做廉價勞工，lunch 邊食飯盒邊溫書，晚晚兩三點收工，返屋企再溫書瞓一陣又返工，weekend 如果唔駛OT, 就約同學一齊study group。但同班同學一齊捱，溫陣書又打陣牌都開心㗎。
不過就正正係你講嗰批長期因工作放飛機既人，而且可能因為長期捱夜身體差，我best friend 亦係畢業考牌後不久cancer 過身，佢當時只係三十頭。
我到今日都enjoy既工作，確實係我興趣。
2個讚
一直認為大學是對人生影響的一個階段。是思想成長最快的階段。
不認為大學是職業訓練所。
3個讚
呢個post好高質， 穫益良多。
3個讚
聽到你既努力pay off而今日你享受做自己既野
鄧你開心
營營役役勞碌半生
最後都係想自己開心之餘
望返轉頭唔會後悔
1個讚
可唔可以透露下係邊一行啊？麻煩你
其實好多年輕人報科時都未清楚自己喜歡什麼，將來想入的行業是什麼生涯。
知道自己路向最好，不知道、或者選錯了，只要有心幾時都可以重來。當然，重來是有代價。
大學時，year 1 全班七十人，升 year 2 時走左七，八個。唔係因為成績唔好走，而係無興趣所以轉科。
好多學生考 DSE 甚至放榜 JUPAS 嗰日，都未夠 18 歲，亦冇踏出社會經驗，整個中學生涯都係圍繞住讀書，除非係啲 band 2 中尾、Band 3 學校，已經無望入讀大學，否則啲學校生涯規劃都係圍繞入唔入到大學，呢個分數、選修科組合可以入咩科。要一個冇歷練嘅中學生去諗將來 40 年嘅路，好難。問心，問街上學生，如果做到狀元會讀咩科，大半人嘅答案都係讀醫、讀 law、讀商，因為呢個係社會、老師話俾學生地聽，係最高分嘅人入讀，亦係將來畢業最有前途。
我睇過美國人解釋嘅一個點解要讀四年再讀幾年先可以做律師、醫生呢啲職業嘅說法，佢地話好多學生都唔清楚自己鍾意咩，人云亦云，反而用四年 UG 時間去讀書、打工、實習，2X 歲畢業，心智成熟亦有歷練，理解自己挨唔挨到醫科呢啲高要求嘅科目，摸到自己興趣在何方。