無關母愛唔母愛。就好似你就算幾鍾意份工，如果唔夠訓，老細、親人又指指點點，你都想 quit。隊友唔幫手嘅話，就更痛苦。
到接近一歲嗰陣就開始好湊返，尤其佢對住你傻笑，開口叫媽媽，辛苦消除一半。到讀 K 識行識走識講 “媽媽我愛你”，同你一齊慶祝母親節同生日，你就覺得以前嘅辛苦算不上什麼。
不過讀小學開始你又黎煩惱，揀小學、谷成績，一要考試就綁手綁腳，到暑假先抖下。小朋友識有自己思想會駁嘴會呃你，你又開始激氣。但因為佢開始識自理，會返學，你又開始解放，帶佢去出街、旅行都唔咁辛苦。到青春期嗰陣又想殺左佢，撞正自己更年期就死梗。
不過到讀大學嗰陣你又輕鬆返，佢唔再痴妳，佢都有自己男/女朋友，有自己 friend。到時候你望返佢啲 BB 相，你又會慨嘆時間過得快，懷念以前佢細個痴妳嗲妳。
辛苦、幸福不斷輪迴上映。
我係在職媽媽,同老公工作都好忙
小朋友宜家一歲, 一直以來星期一至四就會將佢放係自己媽媽度, 星期五-六係6299度
夜晚會湊番屋企,有時朝早趕開會就唔湊番黎
我好珍惜夜晚同佢相處既時間
我耐性都唔好,但因為相處時間少,我唔覺得個囝煩,同佢玩都唔夠時間，根本冇機會厭佢
但係我諗我係FTM既話對佢一定有好多負面情緒
呢個係事實
其實一樣米養百種人, 養兒既方式邊會得一種
每個人都唔同, 負面情緒一定有 好正常
最緊要搵個適合自己既方式去排解壓力,唔好死忍
同意呀，一餐飯同我講十幾次媽媽我愛你，勁冧，覺得自己辛苦湊，係值得嘅！！
記得呢個po出嘅時候我睇過，無咩感覺，覺得自己應該無嘢
依家到自己對住個newborn就唔同
所有上面講過嘅都經歷左
我以為自己好有母愛
但勁眼瞓嘅時候都係望住個鐘，陪月幾時嚟，隊友幾時返，就想將阿B俾佢哋，自己去瞓覺
但話就話去瞓，聽到佢喊根本瞓唔著
又有上奶問題，追極都追唔到
追到出晒壓力疹
以前番工勁搏殺、勁大壓力都未試過會咁樣出疹
有一日又諗住叫隊友買呢買路去試嚟上奶，點知唔知做咩電話收得勁差，講極都講唔到
收咗線之後我好似叮一聲咁，突然覺得自己追奶係咪太癲？
之後就收咗手
依家啱啱滿月，都係唔夠奶，勁補奶粉，阿B仍然瘦猛猛，但係佢夠屎夠尿又成日笑，郁嚟郁去又要搵人玩，active就算。
我頭兩個星期就開始辛苦到認命，要一樣一樣咁放棄生之前嘅堅持，我衣加嘅底線係：BB唔會死就得
個人會舒服好多！
Well said 我同意你 大小平安就算
Hug