原來我唔係異類媽媽，好感動。
如果我哩個post係對家度出，應該比萬人圍攻話我唔配做人阿媽。相反係哩度能夠出哩個post 而得到咁多同路媽媽既迴響同共鳴，令我感覺到BD真係一片好難得既淨土，我地一定要好好守護BD唔好比佢變質
仲有其實真係想借哩個機會，表達出媽媽係生BB之前其實都係一個普通女人，有自己既個性，有自己既感受，唔會因為生完做左媽媽就變左神仙無左個人情感，媽媽係一個角色，唔應該係一個鉫瑣。所以媽媽們唔應該覺得照顧BB時因為辛苦而有負面情緒而覺得慚愧，其實媽媽同BB一樣都應該要被呵護，我地要好好愛護自己，其實咁先會做到榜樣比BB，等將來佢地長大左為人父母都記得除左對下一代好之餘都要錫住自己!
我仔唔算難湊，好快戒夜奶，同埋好少爆喊，但就好難掃風，一掃唔到風就勁嘔奶，仲要加埋d便便好差。所以我係餵奶粉，日頭時可以叫屋企人幫下手，自己補眠。
最終捱到六個月，開始食固就好好多，果陣先開始享受育兒樂
我係生完先發現，我原來唔鐘意小朋友，
但點唔鐘意都好，都係自己血脈，
我自問，無悔唔敢講，但無怨。
我大仔細時好難湊，但我都會盡一切努力去湊好，果時。。。連訓覺既時間都無。坐響到抱住訓，我仔先叫訓到2，3個鐘。。我自己一晚都唔知有無訓到3個鐘，仲要工。。。足足捱過左11個月。
身邊人連換片都唔識，只會越幫越忙。我母親既能力好大，要加油
我係新手媽媽，BB今日16日大
本身好鍾意BB，陀緊既時候都好期待BB出世。而家BB出左世就有種無助感，食奶又少又慢，又掃唔到風，令我成日好想喊。
自己係完美主義者，成日諗住自己要做一個全能媽媽，而家有落差難免會唔開心。
見到咁多媽媽有同樣感受，覺得原來自己有咁既思想都係正常，共勉之！
確實係
我同你有啲相似, 有小小唔順就好唔開心
大B頭兩個月日日嘔, 可以嘔成兩米遠, 一日換三四套都試過, 有時掃完半個鐘放低半個鐘仲係嘔到成張床濕曬, 嚇到我連夜晚佢瞓教都要睇實, 驚佢嘔到窒息…果陣個B喊, 自己都成日喊, 後來知道自己産後抑郁, 同埋好多人頭一胎都有産後抑郁, 原來係一件好common嘅事
一個月之後會好好多, 飲得少唔緊要, 可能係胃仔细, 佢又唔貪食, 係好事
只要佢跟住生長線走, 就ok
去到第二個月, 我個B嘔到成幾尺遠我都已經無曬感覺, “哦, 佢又嘔呀” “換衫啦咁” 哈哈
你之後摸熟左個B, 就會見慣不怪
哈哈, 我呀B都成日嘔, 試過遠距離式, 又試過噴泉式.
一日唔止三四套, 試過係咁換, 冇晒衫, 要即刻落街買.
但慢慢真係無曬感覺, 有時食完成3個鐘後嘔, 咁咪覺得嘔完, 肚餓, 又第二餐囉.
我係孖B, 頭一個月真係想死, 雖然係阿媽屋企坐月, 有工人又有陪月, 但夜晚得番工人同我一齊餵夜奶。BB每次食+掃風+安撫都差唔多2小時, 訓得一個鐘, BB又喊要餵奶, 超準時, 基本上只得陪月係度時先至有得訓.
最初湊佢地真係好無助, 佢地一喊我都唔知係因為肚餓、瀨左定唔舒服, 抱又唔係, 放係床又唔係, 總之搞佢地唔掂, 好失落。 試過一次工人放假, 阿媽出左街, 陪月又未到, 2個BB咁啱一齊喊, 個一刻我只有陪住佢地喊, 然後打畀老公叫佢立即黎, 點知個豬隊友夠膽死問我搭巴士定搭的士黎.
係個段期間我日日同BB講一個月後要返自己屋企住, 到時無咁多人支援, 媽媽同工人姐姐會好辛苦, 叫佢地要乖, 早D介夜奶同埋訓多D. 我覺得佢地真係識聽, 返到屋企後又真係好湊左, 唔係成日扭計. 有時佢地一齊喊, 我會同佢地講我無能力一次抱2個, 叫佢地乖, 我只可以拍下佢地, 又好神奇佢地會好快收聲.
放完產假我要返工, 雖然辛苦, 但無乜怨, 我會同自己講我一日比一日熟手湊B, 係好好既自我鼓勵. 到左BB 4-5個月開始同我多左互動, 就更加少怨. 反而而家讀小學就辛苦, 尤其呢排要做埋老師教佢地功課, 佢地唔想溫習又會搵多多藉口黎逃避, 我要花好多力氣同佢地講道理…諗返起真係BB時簡單得多.
點都好, 每個時期都有艱難辛苦既地方, 大家努力吧!!
初生絕對無怨無悔！…但過多幾年要教會駁咀串你唔聽話教功課個陣就另計了…
生初生好辛苦，真心唔想再有
同感呀
！
坐月果陣我都覺得自己似乳牛
兩個鐘頭餵一次，但食一次要一粒鐘
仲要係咁標汗，
夜晚瞓多陣唔泵奶就個胸硬到亨亨聲
我好唔鍾意呢個感覺啊
後尾谷到發燒，又要返工，就冇再餵lu。
我同你一樣，寶寶大左啲，
冇成日喊，又硬淨左，又識得同我互動，
我先至輕鬆返咋
咁多位媽咪，加油呀～
我生之前 有一段時間唔係好接受到要做媽咪，甚至唔願意去睇BB野。後來終於有一次俾老公拉咗出去睇BB野就開始認真 ，初生 餵夜奶 掃風 氹瞓覺，係最辛苦 試過抱住佢唔敢訓，攰到眼淚係咁出嚟，完全唔知道點樣捱過呢啲日子，成日同自己講好快就過好快就大，撐住。認真望下自己小朋友 係幾咁需要自己，就有勇氣繼續下去。眨吓眼個女已20個月
我都唔係特別有母愛，尤其是岩岩出世頭幾日仲未接受到（我一直以為自己已ready），不過我媽話我識生，我老公都話我好彩，個b唔算難湊，扭計就冇得避，所有初生bb都係甘皆因仲未識表達自己，大人又未摸熟佢d性格，加油啦，會漸入佳境
個B乖我又有足夠睡眠, 就會特别有愛心
個B成日喊又扭抱時搞到我無得瞓, 就自然無乜愛心
坐月同頭三個月最辛苦, 第一胎我得陪月日頭幫我八個鐘, 另外自己湊十六個鐘, 日夜顛倒真係人都顛, 抱住個唔知佢喊乜嘅B真係想關門由得佢喊
第二胎準備充足, 有三個人幫手好好多, 瞓得好啲心情好啲, 奶又多啲, 個B就唔會點扭計, 咁就有耐性同愛心爆鵬
我自問已經好有母愛
仔仔出世前做晒心理準備
但湊咗十幾日已經好大壓力
覺得佢唔知要乜好煩好嘈我又好無助
結果半夜忍唔住同佢一齊喊
我係新手媽媽，bb出世十幾日，
沮喪到爆，上嚟睇完各位分享，心情即時好咗，知道自己不是孤單的…
我bb埋身唔叻，成日lur返奶頭出嚟，用手推開我，個樣好炆憎，
依家keep住兩個鐘餵一餐，每餐最起碼食45分鐘，
食食吓又瞓又掃風搞一大餐先再食。
但揸出嚟用樽餵就食得好好，10分鐘內KO晒80ml
我都掙扎緊繼續埋身定做泵媽好 
我而家都湊梗初生bb，好明白你感受～你睇下會唔會埋身餵喇，起碼拿高衫就俾佢食，幫你慳番洗泵既時間～我本身都用泵，但發覺埋身快d方便d，想爭取更多時間訓覺就轉左埋身喇
如果你打算長期餵人奶嘅話盡量堅持keep住埋身呀，就算要泵都唔好全泵， 全泵好難清到個胸好容易會愈泵愈少奶。 有埋身就易keep到奶量
我冇強勁母愛，
但生左出嚟就盡自己責任養大佢。
頭幾個月我辛苦到痴晒線，
佢順利長大後你會覺得好好多。
我個B都係滿月多一個星期先學識埋身食奶
你堅持埋身就會知我講乜, 因為個B係不斷學習緊
加油, 我果個就來六個月