睇到想喊
原來有咁多同路人
1個讚
一個初生湊到返學
一個一歲之後先開始湊
感情係有分別，錯過左就已經唔可以返轉頭
自己湊會乖啲, 容易湊啲
啲長老會縱壞啲細路
都唔可以話長輩湊就一定差，我都見過有d自己湊但個小朋友都係極曳又冇禮貌，其實係湊個個人點教
其實長老肯湊都算係咁，畀得佢哋湊都唔可以怨，只怪自己冇能力自己湊 (金錢+耐性)
1個讚
多謝你畀機會我哋喺度講 ,老實我都冇乜愛心, 高齡產婦 頭過一個月baby日日嘔
我真係唔明白點解女人好有愛心 ，自己係咪怪獸呢
再加埋啲三姑六婆 ，真係人都癲
加油，媽媽真係好偉大
加油呀媽媽
平常心d,捱2個月無野架喇
因為我平時都唔係訓得多,又多興趣所以唔願訓(睇書,打機,追劇
不過可能我係生左之後開始無左野做ftm,所以可以咁任性
BB頭2個月都係係咁喊唔願訓搞搞陣,我又無咩野,咪抱住佢嘆係疏化打機睇戲
一手喂奶(無喂人奶啦~,一手睇書
有時玩到成晚唔願訓俾我老公出黎話要同我換班
等佢過左3個月啦,好好玩架
其實都唔關母唔母愛爆唔爆棚事，又唔係鐵人，當辛苦>開心個陣實有怨言啦，尤其睡眠剝奪真係會令人mentally 同 physically 崩潰，到遲啲易搞啲輕鬆啲個陣就會變咗「好開心好滿足乜都值得喇」乜乜乜咁…
利申無戒過夜奶，整整一年無連續瞓多過四個鐘 
係好慘
2個讚
其實一般都應該係係BB瞓咗覺、或者BB大個咗湊得冇咁辛苦先至會懷念佢哋BB個樣、唔捨得佢哋長大
湊初生係好辛苦
你咁樣諗都係正常，最好有睇吓有冇人幫手湊下，比你可以自己出下街行吓。放鬆一下心情真係會唔同好多㗎。
新手媽媽加油，湊nb係會不自覺地有壓力，我當年都唔覺，直到有日放假去玩，之後發現成個人舒服咗好多，我個世界唔係只有bb
試下安排時間岀下街，個人鬆咗又會諗到新方法點樣令bb瞓得舒服啲、食得好啲
，最後自己都得益
未生前我好鐘意小朋友，岀街見到小朋友會同佢地玩，生完已經唔會，我覺得我既愛心已經比自己小朋友用哂
4個讚
成日嘔奶可能因為餵奶時入太多風，飲完奶掃完風，可以用斜枕俾小朋友瞓，另外有冇用包被包實BB，BB要安全感，包得好，自然瞓得好。我小朋友出世時就有先天性心漏，所以冇埋身餵，一日泵8次奶，每隔2-3個鐘就起身睇BB，摸下佢心跳先安心去瞓，感恩心漏對我小朋友影響少，唔需要食藥同開刀，只係少食多餐，所以就算幾辛苦我都真係冇怨冇悔，只希望佢身體健康。湊初生感到辛苦係正常，捱下捱下就會快高長大，加油
6個讚
完全講出我心聲， 第二胎湊b每一刻就算幾辛苦都會珍惜， 因為知道唔會再生第三胎， 同埋幾辛苦都會過去， 到時就會好懷念bb細個嗰時。
1個讚
我到而加都未投入到自己係媽媽呢台戲度
我仲同老公講 就快母親節 諗緊點同自己老母慶祝
完全唔記得咗自己都係人呀媽
BB過左2個月就會好好多架啦
之前我BB頭一個月無時無刻都要飲奶 
一日14-17餐 有時隔半個鐘就餵一餐
無論埋身定奶樽 都一路飲一路訓
飲奶樽 有時飲成粒鐘 都係飲得20ml
埋身飲 有時又吞唔切 又一路飲一路爆喊
仲要飲奶時訓覺 飲完休息左5分鐘後就清醒到爆
3姑6婆又話我無奶出 BB唔夠飽 先唔肯訓
佢一路飲一路喊時 我真係會忍唔住同佢講 你想點呢…最傷心係 我抱佢就喊 我老公抱佢就唔喊 3姑6婆仲話BB命格只會旺爸爸果邊唔會聽媽媽話喎
頭一個月真係好崩潰
不過一過左一個幾月 BB突然一晚長大
飲奶時突然叻左 終於唔洗一個鐘食一餐
本身我仲好擔心之前咁嘅情況 遲下交俾媽媽湊真係累街坊
但係原來Netflix babies 講嘅成長線唔係漸進 而係突然一晚長大 係真架
所以 唔好灰心呀
突然有一日 BB就會變叻叻B架啦
果時好灰 咩方法都走去試 最後發現BB埋身飲係最有效率
可以咩方法都試下
例如俾佢埋身飲或者轉第二款防嘔奶奶樽
2個讚
都係, 佢地肯湊已經好好, 要感恩
好彩啲细路都识分只有某人喺度先有靠山
冇靠山即刻好乖
再调番轉咁谂, 有爺爺嫲嫲縱下自己都係一件好幸福嘅事, 我都好羡慕佢地
2個讚
多謝你畀機會我哋喺度講 ,老實我都冇乜愛心, 高齡產婦 頭過一個月baby日日嘔
我真係唔明白點解女人好有愛心 ，自己係咪怪獸呢
再加埋啲三姑六婆 ，真係人都癲
我都有同樣感覺, 坐月果陣埋身點食都食唔好
但一直堅持埋身, 突然間有日識個含住个奶等奶陣, 仲識喺有奶陣時用个鼻顶住拉長奶头止住啲爆出來嘅奶
BB每日都学习緊, 俾啲時间佢就可以
1個讚
我個B好鬼衰，佢對住爺爺嫲嫲冇咁扭計
最鍾意玩阿爸阿媽 知阿爸對佢好，真係扭爆，知我惡d 就會冇咁扭
所以其實都唔可以賴係長老問題 
只可以話有d BB好識睇人嚟扭
1個讚
之後回想番會甜多過苦
仲有d 懷念
1個讚
加油呀媽媽.
其實當一個正常人, 日日聽住BB大喊, 對住條屎片, 幾有母愛都假啦.
試下放低BB比其他人睇住先, 放下自己去街輕鬆下.
有小朋友既媽媽, 小朋友唔係媽媽既全部. 媽媽都應該有自己既生活.
1個讚
我頭三個月都癲左
試過頂唔順 係咁同老公講好後悔生左個女出黎 冇晒自己 冇晒人生 我覺得自己只係一隻乳牛
我老公勸我唔好再餵人奶 傾左好多次 再繼續都唔係辦法 終於停左人奶
豁然開朗
到阿女三個月 即刻輕鬆左好多 因為易湊左
到佢識對住你笑 你個心溶左咁 覺得所有辛苦都值得
4個讚