天佑係黃架,之前傳過佢同佑南政治方向唔一樣,於是天佑好似出過一個Post no more Shine咁。但印象一直佑南無表態過嘅
我想了解下妳護膚程序播,其實我同客人或者朋友做皮膚分析,都會問得好仔細。因為我會先向佢地了解左,然後用儀器分析完再講解大家問題。即使平時洗面嘅手勢,搽野嘅方法,又或者護膚品是否適合自己等原因係息息相關。
首先妳提到斑嘅問題,妳一直有無搽防曬架?或者成日皮膚同陽光有接觸?如果出得斑,可能妳皮膚底層嘅黑色素都開始嚴重了。但有D朋友仔面上無色斑,其實唔代表佢地無,只係未發出黎。
而眼部有暗粒,其實都有可能妳眼嘅四周缺水太乾所致。有無搽開眼嘅產品?記住眼嘅皮膚其實只係面上皮膚1/10,所以好薄弱,唔可以用面上嘅護膚品搽眼的。一定分開用。
至於暗瘡,呢段疫情成日帶口罩都會有D關係,始終焗住皮膚又易缺水,於是又出油,如果清潔得唔乾淨毛孔塞左都有影響。所以真係要搵啱自己用嘅護膚品好重要的。
有無聽過身邊朋友話,自己年紀開始大喇,所以皮膚開始差。其實我地皮膚變差,年齡只佔20%,其餘因素真係同我地生活作息、壓力、環境污染、護膚程序是否正確等等…先係令我地皮膚變差嘅主因所以各位靚靚真係要留意喇
我想問下,我對䕶膚唔係好叻,但都有基本洗面揸野,一個月做一次facial,可能一星期一至兩次敷下保濕paper mask.但每次去facial都話我皮膚好乾,咁我可以做d咩有幫助?
其實妳用緊嘅護膚品有咩成份?效用係點架?本身皮膚狀況係點?可否形容下?而家嘅季節會否易出油?又或者會否好多粒粒?
有時有D朋友仔敷左保濕Mask都無幫助,其中一個原因有毛孔閉塞問題,所以即使用好多唔同護膚品都入唔到皮膚底層,所有野只「浪」喺塊面度。加上妳平時有無做D深層清潔或者Mask?
我估自己係混合性皮膚,丅字位會出油,塊面都會出粒粒。我唔知護膚品牌有乜成份,其實係求其買,用梗sofina.
我諗可能真係塞左毛孔,所以吸收唔到,咁做深層清潔要買d咩?我只係一個星期用一次磨砂洗面。
妳覺得自己皮膚會否易敏感?或者試過用一D護膚品有痕有紅嘅情況?因為有D人嘅皮膚未必遧合用磨砂,而且磨砂嚴格黎講係對面部表面角質層嘅清潔。用完呢D磨砂記住要用番收細毛孔嘅精華,否則妳嘅毛孔可能越黎越大。
可以用下D深層清潔面膜。清潔埋毛孔嘅污糟野。但真係要了解下自己皮膚狀況先。唔好亂咁用巖護膚品啊
確實需要一點時間的。首先要了解自己皮膚,護膚程序是否正確。產品是否用得啱。我有客人都要用幾個月時間,不過佢本身唔係想針對收細毛孔。而係佢皮膚係乾性皮膚,到秋冬天開始無耐已甩皮仔。一直覺得用咩護膚品都用唔好。好似所有野都幫唔到佢。
不過幫佢做完皮膚測試,而且佢用啱嘅護膚品,佢都覺得皮膚好左好多,毛孔收細左,而且有光澤真係靚左,但都要讚佢,佢護理皮膚上無偷懶。肯接受意見。
我無試過敏感,咁應該ok. 即係用深層清潔面膜就ok,唔使再用磨砂?
多謝你既意見,真係學到野。
多謝你!
細個時亂搽嘢,搞到咀邊範圍皮膚變薄,而家曬下都會覺得唔舒服(一兩日無事),有時唔覺意用化妝綿大力抹會痛一陣(不過半日就冇嘢)
想請教點樣養返啲皮膚好?我用緊physiogel,有時用下kiehls 啲sample
變薄原因:
細個有一次用clay mask 留係皮膚太耐…
用化學性防曬,加曬太陽(嗰時未知自己皮膚已經薄咗…)
用醫生啲藥膏,唔知佢係類固醇,得閒就搽下,直至好返…
有冇得救都謝謝你先!
Hello SorryBee, 妳介唔介意影下妳嘴唇附近位置嘅相俾我望下?可以PM我的。
妳提到細個曾經一次因為用Clay Mask可能留喺皮膚太耐所以變薄,我覺得未必係呢個原因所致的。而且如果曬下有時會痛,都只係嘴唇附近位置嗎?會否有紅嘅情況?可能其實有敏感。特別敏感嘅人佢地缺水情況相比起一般人較嚴重。而且我想睇下妳嗰個位置會否已經有傷口。因為妳話大力少少抹都痛,好似有D唔尋常。
可惜之前妳唔知用緊嘅藥膏有類固醇,唯有之後問清楚醫生。無可否認用類固醇嘅藥膏會快好番,但其實唔建議用。因為用左唔會斷尾,而且呢樣先反而令妳皮膚變薄的。
其實可以試下一隻爽膚水做七水法。先洗面,再用爽膚水噴落化妝棉抹一次面。等佢乾晒用爽膚水全面噴,然後用手全面輕拍,如是者做七次。並凹洞會慢慢漲番的。Keep住試下會見到效果的
3個讚
加上要睇下咩膚質,如果想收緊多D,Daily做效果會理想D。
其實精華素係咪唔好用多過2款
聽人講多過2層其實皮膚都吸收唔到…真?
意思每次護理皮膚,同一時間搽2種精華嗎?Um…我會咁睇,首先睇下咩精華。例如秋冬天我洗完面、會用爽膚水、然後精華油 (其實都係精華)、再按需要搽緊顏精華 (或者美白精華)、日霜 (或晚霜)、再搽眼嘅Product…
不過係較少同時搽2種精華 (精華油除外)。我又唔覺得係因為2種精華嘅問題,其實係在乎自己皮膚吸唔吸收到。有D人搽完1種精華再搽日霜或者晚霜都已經淨晒上面或者好油嘅感覺。原因好多時皮膚太乾出左好多油,或者皮膚閉塞以致護膚品入唔到皮膚
希望解答到妳
手腳起完濕疹,就一直有啲粒粒係度,摸落啲皮膚好鞋 請問點整走啲粒粒,令皮膚變番光滑?