唔好怪哂阿仔，佢有今日其實父母都有責任，18歲，背叛期，你有無了解過佢生活？ 一有事就大聲話佢，呢個唔係解決方法，佢有大麻唔代表佢有食，可能佢做跑手，但而家補救唔到，就算你報警拉佢，佢只會更憎恨你，但呢個係唯一方法幫佢
搵戒毒機構社工吧。。因為雖然你係擔心佢。但你似乎冇方法點同佢相處。基本信任都無。你講1萬句正確既說話都未必會令佢跟你講。
不過愛字行先。係以往聽啲人走回頭的原因之一.係碼俾佢知你係佢既避風巷
同佢傾下
吸毒真係一個無底深潭，如果佢唔肯戒，真係無人幫到佢，因為癮一起，會想辦法吸，連親情都唔會顧，好好地同佢傾下
吸毒唔係家長可以處理到啦，一定要揾支援
你仔双失？你哋家庭情況如何？
18歲讀緊大專？
要搵專業嘅人士介入幫手。如果本身親子關係唔好, 你點講可能都傳達唔到去佢度, 佢同你之間有一道牆, 會覺得你唔了解佢想法, 朋友(不論好壞)先明白佢, 可能已經好遲, 但唔好放棄佢, 要盡快尋求幫助啊！
哩D情況, 你越鬧佢管佢會令佢更加唔想返屋企, 群埋D壞朋友
要改變下管教方法…依個世代D細路唔可以再用以前果套去教
溝通、用平等ge身份去溝通, 先係更理想ge做法
佢咩原因去吸毒呢？
樓主係咪工時好長陪佢唔到果D？
阿仔仲有無返學？
我有1個反傳統的方法，正所謂近朱者赤，近墨者黑，佢有班壞朋友一齊，好難抽離。
幫佢揾另一班朋友同轉校/同女朋友，用正經朋友帶番佢出泥，揾D足球班，音樂班，武術班，天天訓練，天天溝女用哂佢D時間，自然會遠離毒品
我諗小朋友18歲反叛d都係正常，你講咩佢都未必聽入耳，你可以試吓搵一啲同佢比較親嘅親戚去同佢傾吓，了解一下先
至於大麻個度睇吓佢係玩玩下咁食，純粹貪新鮮好奇想試吓，定係已經上咗癮，我覺得兩者嘅處理手法會好唔同… 你知道好多外國吸大麻都係合法既，小朋友未必明白個嚴重性… 當然喇都係果句，你唔好同佢硬碰硬喇