無錯，依家係準備嘅時間
之前円同英鎊襯佢跌我都兌咗啲
新年去咗韓國9日
韓國七日，好想再去韓國或大板 
東京
疫情爆發前，我同愛爾蘭老公喺一月返過屋企搞嗰邊間屋嘅嘢… 爆發後，三月頭因為朋友喺布吉結婚，我同老公戴住N99 口罩搭飛機快閃布吉四日三夜… 本來計劃四月再返愛爾蘭搞間屋，八月再返去放暑假，而家全部取消…
初四去咗韓國嗰陣已經冇口罩賣 
三月頭去左福岡
好彩到喊左…
過年嗰時我喺gmarket訂咗啲口罩，無耐好多人都話賣家一係退款一係延期一係瘋狂加價，我都擔心到爆
好在有張單真係寄貨俾我，先頂得住，諗起嗰時為咗口罩真係人都癲
3月爆發緊
你同你老公好有勇氣，對朋友真好
你真好彩嗰時到到都開始爆發
我都好想出發
平時嘅話5月我實會去吓陽光與海灘
都唔知要等幾耐先完全無事
一月頭去咗台灣，一月尾去咗大阪。
第一次去環球影城就玩哂我想玩嘅嘢，我仲同我老公講笑話連環球影城我都玩完，成個關西已經玩哂，可以唔駛再嚟啦。
結果⋯⋯而家真係邊度都唔駛去。我想收返句說話。 
邊度都好，我只想出走。
接上，
喺大阪嗰陣都有睇世界新聞，都知啱啱開始有病毒，就諗住都喺日本就順手買少少口罩返嚟，因為屋企真係一個口罩都無。
點知間間藥粧同7仔都無，話畀某種人成箱成箱掃走哂。
已經FEEL到有啲唔妥⋯⋯ 
我都好想出發不過無計⋯⋯我哋撐多陣
嗰陣撲口罩撲到人都癲
痛苦嘅回憶
係，大家都要撐住。
我都預咗今年全年都無得再去旅行。
安全起見，我諗病毒消失半年後，我先會再考慮去旅行。
出面又撲唔到口罩，返到嚟又撲唔到，天氣又凍，又要排隊嘅日子，
真係諗起都眼濕濕。
一家大細去左曼谷happy，返到黎完全唔知咩事，乜都買唔到！
米又冇，廁紙又冇！唔好講漂白水滴露！打仗咁！
好想去resort，想去芭提亞！唔知幾時有機會
諗起都攞命！
之後物資多返啲嘅時候，我老公仲問我之前咁緊張做咩
我真係想星佢兩巴
完全唔知我心理壓力有幾大
日日睇住樣樣嘢都寫住「售罄」嗰個又唔係佢，佢就梗係唔緊張
我想去龍目島都一段時間，皆因無去過印尼；屋企姐姐成日都講佢印尼點點點，有咩食
可惜之前地震，然後又疫情，應該仲有排先成事