如果要隔離，真係唔去好過去
1個讚
請問係邊個場？
我上一次旅行正正係二月初帶個女去北海道滑雪，星野clubmed，一心一意掉低佢去上堂，自己去玩，但老師唔太有愛心，個女喊到傻左，結果我地自己帶返。食物唔好食都算，但大人輪住屙嘔。另外可能太擔心健康問題，又四圍撲口罩，壓力超大。大人唔好玩，細路就好開心。
Kiroro, 大人小朋友食嘢都冇投訴。我個女食得好開心。先生中文英文國語日文都有。
我都鍾意 Kiroro，我覺得佢 d 雪仲靚過 Niseko，不過附近咩都冇，只有嗰兩間酒店，Niseko 係熱鬧好多，我班滑雪朋友每次都一定要住 Niseko，我哋每次去一個星期，我哋一定搵一兩日揸過去 Kiroro 滑。另外留壽都都好玩，北海道呢三個地方滑雪最正的了
舊年11月尾去左沖繩
今年4月泰國取消
我哋初學者所以冇乜要求。Niseko 實在太貴, 我哋每年都係咁3月off season 先至去。
我哋去咗Kiroro 都唔係住果兩間酒店, 我哋住小樽, 每日揸半個鐘頭車去. 調低咗個女之後揸半個鐘頭車返小樽或者附近拍拖.
本來今年三月諗住着kiroro嗰啲酒店, 因為會平. 點止…
日本
對上一次係19年12月去左大阪同京都
極度懷念
好想再去shopping同食壽司
Niseko 真係好貴，而且一路不停加價。我哋一 group 個人，鍾意住獨立屋，有間三房屋我哋住開，睇住一路貴，聖誕期間，由 10 年前 40 幾萬 yen 住 7 晚，到舊年 80 幾萬yen 7 晚，價錢 double 左，個個都話太貴了，不如停一下，去下其他地方啦。所以本來 3 月去義大利，點知…
我都好想去日本買嘢，買我啲c9調味品、即食麵
上年我去咗2次石垣島⋯⋯仲未厭，仲想去
原來咁貴
1月頭去咗泰國清邁，買咗6盒口罩返來
聖誕同舊曆年係超貴，仲要好難訂，聖誕嘅住宿三月尾一開賣就要去搶，我哋跟開一間訂，開訂第一日，朝早九點開，中午之前就差唔多比人訂晒，我有一次幫朋友訂，佢想要嗰間冇左，我問下佢第二間要唔要，一個鐘後佢未覆，我睇住 d 屋係咁俾人訂晒，我等唔到了，幫佢揸主意訂左先了，再等連最後嘅屋都冇埋，真係人都癲
真係好貴呀
我要慶幸自己對滑雪無乜興趣
我都好耐無去清邁嘞
聽到你哋講，又想再去
聖誕新年呢 d 旺季係好貴，肯 off season 去就好好多，我哋都試過 3 月去 Niseko，平一大截，山上人又少，餐廳都容易訂，旺季時係早兩個月未出發就打定電話去訂都話訂唔到，好痴線
滑雪其實幾好玩㗎，我以前都唔滑，後來兩個仔鍾意滑，咁就陪太子讀書一齊滑啦，玩玩下就自己都鍾意埋，而家我搬返來美國住，屋企附近都有滑雪場，有時阿仔返左學，我同老公兩個溜去滑半日，再趕返去接仔放學 
我都聽過鐘意滑雪嘅朋友講得好眉飛色舞，好好玩咁
不過我諗我係鐘意玩水多啲
同埋我怕凍，有一年2月份去北海道，都落幾大雪吓，凍到我有陰影
我同你差唔多, 唔抗拒滑雪, 但係冇話特別鍾意, 所以每次都係陪太子讀書, 依家佢去到山頂, 我仲係green slop, 好快會調返轉, 佢調低我. 其實等呢日好耐，俾人調低，可以自由活動。
我都係鍾意玩水多啲. 唔知係咪玩得太多，我個女已經冇乜特別興趣。叫到就應酬陪我去潛水…
你兩個互相應酬配合得好好
我真係鐘意海，鐘意嘅程度係交通幾唔方便都阻擋唔到我轉機轉船先去到嘅我都一早習慣晒
朋友都笑我好癲吓
熱浪島、浪中島、麗貝島、喀比，
講俾朋友聽我去呢啲地方，佢哋真係隨時唔知係邊度真係有啲寂寞
不過我都只係玩浮潛，同埋其實我游水極屎
我老公游水叻我好多，我成日都係浮屍咁由佢拖住我出海