我女同幾個同學都上巴斯光年，呢間唔係叫你背答案，主要係幫小朋友增加知識層面，比機會佢地企出黎講嘢、表達感想、同小朋友互動，再從中執佢地講嘢、姿態同行為，所以我幾buy既。
阿女上左半年左右，因為我女本身都outgoing同鐘意講故事，老師評語都話講嘢同互動果part問題唔大，所以presentation上唔係有好大進步，但知識層面係廣闊左既，同埋坐響度扭身扭勢果d都執左。So far 考直私命中率超過八成，我唔敢話一定關佢事，但係比佢上咗我自己覺得做咗嘢心安理得 
同學A由K1開始上巴斯光年同佐敦另一間(唔記得名)，話巴斯光年唔夠學術，但佢上得開心所以先繼續。考十幾間但最難果幾間唔中。
仲有個同學B上左三個月，係開始左第一間面試落左榜，佢覺得關事，所以先報。佢媽咪反映話好大進步，好後悔唔早D報。
唔知面試班幾有用，但如果冇報而衰咗，做阿媽實會怪自己點解唔報…如果上咗都唔得…咁算啦，起碼要做都做咗，自己心安理得 