請左差既陪月想呻下
我埋身餵人奶, 雖然見工時陪月已經話唔支持埋身, 鍾意人泵奶, 但搵唔到第2個陪月就照搵佢。 佢第一日來到就話幫我餵奶粉叫我去瞓覺, (我唔埋身點上奶, 而且谷到石頭胸好需要BB啜)。 我果時谷到石頭胸仲叫我飲炒米茶, 仲話炒米茶唔會上奶( 唔知佢玩我定係無common sense啦). 又成日話我唔夠奶食唔飽BB, 又話我俾BB啜咁耐會累親佢叫我泵。 我個仔肯啜又啜得好好, 根本無原因要泵, 而且用左奶樽佢將來會唔肯埋身(我又覺得佢玩緊我)。 又成日話我唔肯休息, 佢話幫我餵奶粉/泵俾佢餵叫我去瞓, 我解釋左好多次餵奶粉我都會谷奶要泵, 泵一樣要時間, 佢聽完當耳邊風3日唔埋2日就再咁話我。 又成日同我拗話奶粉同人奶一樣好。 最嬲果次係我BB夜晚有肚風不停喊, 我第2日同陪月講, 佢話BB咁細個唔會有肚風, 佢係食唔飽所以喊(DLLM又話我d奶食佢唔飽), 我話餵奶粉佢都唔食係有肚風, 陪月竟然話我BB扭計唔食奶我都唔理。 佢嚴重影響我坐月情緒, 生完情緒又唔穩定, 成日俾佢搞到瞓唔著又跌晒奶。 飲食方面, 佢d代茶湯水飲到我日日胃痛。我開頭以為胃痛係餵人奶引起的, 到佢快完工我先發現係佢落得太多陳皮。 我一直有同佢講我胃酸過多胃痛佢都無調整, 仲話陳皮唔會引起胃酸過多(一啲common sense都無, 陳皮係刺激胃酸分秘幫助消化的), 仲話又唔見其他媽媽飲左有事(大佬, 個個人體質一樣我就唔洗請你啦！) 代茶果度佢又係有心玩我, 因為我飲到龍眼味但我唔太受得龍眼, 問左佢好多次有乜野材料佢都無講有龍眼。 到後來我話太熱氣唔飲, 佢仲話唔落黑豆試下(其實最熱氣係龍眼), 佢一直有落龍眼又唔講我知, 直到我在湯渣發現龍眼佢先話有落(佢係有心玩我囉！一係就無common sense唔知龍眼熱氣加上失憶唔記得自己有落)
其實佢第1日返工我已經想炒佢, 不過傷口痛左大半個月, 加上日日胃痛, 無氣力同佢嘈又無精神管佢煲乜野俾我食。豬隊友幫陪月多過幫我, 人地講乜佢就信乜, 只會話我唔聽陪月講。
而加生完半年了, 成日諗返起件事都會唔開心。有時餵完夜奶又諗起會瞓唔返, 好辛苦…