完全覺得係。畢氏定理 sin cos tan 都今時今日出到黎社會用唔到
2個讚
咁要睇下工作行業，Sin cos tan，phy Chen bio 我工作上都間中都用到。呢啲basic concept 好多專科都需要用到。
5個讚
應該用遊戲去教學。唔需要坐定定，學生有需要就坐低休息，佢地多d行黎行去，可以自由地學習最好。
1個讚
香港嘅話教育系統好似主要係 train 人做 OL／OM
有同感。
以前果d成績唔好、又上堂駁嘴、坐唔定、入唔到大學果d同學仔，大個咗打幾年工然後做老闆，又或者投資，佢地好識得同人相處，頭腦好靈活，觀察力强。
反而以前考頭三名又乖又聽話果d, 出黎係入政府或大機構做中低層，成世人好聽叫穩定，唔好聽就on99
2個讚
認同。但請教下可以點揀？而家得先幼稚園⋯⋯香港係咪冇真蒙校？
有，一係就放得低，一係就龍校，一係就用錢解決 (國際 or 全港貴到學費一個月 1 萬以上嗰啲)。
谷入龍校就自由發揮，否則就係放棄升中業績。香港冇不勞而獲嘅學校，你要唔谷學術嘅學校，就唔會有靚嘅升中業績，就睇你捨唔捨得放棄。你自己要唔谷學術，由得小朋友自我發揮，你亦要放得低並接受將來可能讀 Band 2 中中甚至 Band 3。唔係個個家長都放得低。
多謝你一針見血表達晒現實嘅矛盾，呢樣野真係令我好討厭留喺香港，冇錢冇選擇！唉！有排唸⋯⋯
Montessori school, 赤柱有一間IMS
國際學校，不過只有小學
謝謝！即係冇得唸
認同
我係用＄解決，小朋友開心
兩公婆辛苦D
其實在香港，只有IS 叫愉快學習得黎，相對不怕成績比不上
另外一條路，就是離開香港
愉快學習一向都係「聰明人」嘅想法，讀書叻嘅乜學校都得，唔係讀書材料嘅，就算係芬蘭咁開心都覺得痛苦。不過華人/亞洲人社會就辛苦更多，唔係咁多父母接受到自己小朋友讀唔到書，接受唔都佢哋普通中學畢業然後過平庸日子。讀 IS 都大把家長請補習，英文老師都請。呢啲係東方人包袱，放唔低成績，放唔低小朋友。但亦係呢個原因，先令到小朋友達到社會認同嘅成功。依家都有西方國家想仿效亞洲式讀書，甚至外國都開好多 tutor centre 谷公開考試。
在香港讀津校，小息竟然不可以跑，全東南亞應該冇一個國家係咁
讀書叻的小孩，不停抄寫背誦，由朝坐到晚也不見得快樂
通常傾啲咩
曾經去過一間小學長期考察，以下係集合幾位同事嘅觀察所得:
1 有一堂要學生分享家庭生活，有女學生話爸爸成日打媽媽。班主任一聽即刻行開叫下一個同學分享。佢事後同人講，最好唔好比我知，費事要做野，又唔知佢講真定講大話。
2 活動堂時老師比lego同學砌，每人有一本說明書，入面有三個公仔。果堂係要砌第一個公仔。有一個男學生砌完第一個就砌第二個，仲舉手話比老師知佢砌好第二個。個老師見到就發脾氣大叫，我幾時叫你砌第二個呀! 隨即動手將lego拆散。
3個讚
3 老師係用左手嘅。佢喺堂上面教學生用左手揸刀先係正確。
4 老師曾經因為家長打比佢問有關功課同電腦account嘅問題 ，喺堂上兇低小一學生，佢話你地家長打比我我一完答架，不過就比我知道氣地無留心囉。
1個讚
5 學生出猫扮睇唔到，因為太低分佢都好麻煩。
6 如果有學生跟唔到，並唔係教識佢，而係叫個助理幫佢做功課。因為校長會check薄，要做靚盆數。 個學生又會覺得呢個老師同助理好好人。 細路跟本未太識分好與壞。
7 上課時不斷講課文，講到最後一刻。有學生舉手話唔識，老師叫佢放學問補習老師。
8 請個外國人黎講英文 ，大半班都唔明白，佢地嘅程度未夠去理解。每堂都有張英文工作紙比佢地做，要即堂收返，外國老師會比答案佢地抄，抄完交功課落堂，個個攞A。
9 今時今日仲講緊AEIOU 用an 呢個所有外國人都知係錯嘅英文概念。
2個讚
香港嘅教育只有教書聽書考試，我仔已經係讀當年相對少功課、少測考嘅happy 直資，放學後仲有時間去上跳舞堂，返屋企彈琴拉琴。讀完中二去咗德國，半年後，佢話如果俾舞校踢，佢會自己再搵另一間，死都唔會返香港讀書
1個讚