油油要揀咩色/電視要幾大/要唔要浴室寶etc…都好多野要諗，有好多關要過 
我就好彩d，屋企人買d樓一係新樓，一係無人住過的二手（同新無乜分别），我個間就二手兼舊，一早預左全爆再整。所以都無乜煩惱，裝修我就從簡，因為本來打算住下就租比人，自己換間大，唉……但十年來係咁升，到宜家都換唔到。
我覺得換樓要夠膽大心細，除非好有錢，否都係再按啲錢出嚟買（但我份人超級保守，我會想供到8899先再加筆債…）
隔籬po有分享一開二心得，你可以參考下呀～～
仲有我屋企要睇風水，唔要黑廁，我又想揀地區，想買間大的長住，所以好難睇得中。不過有間住緊又唔會咁著緊去揾。唔買樓咪cash is the king 都未必不是好事，宜家咁樣，我有筆錢可以考慮移民，住緊呢間比阿爸媽收租養老安頓佢地。
係架，各有好處
我內心都想移民，但唔想留低父母同6299自己喺香港，所以就算移，都應該30-40年後…
如果有仔女，就好希望儲夠錢送佢地去外國讀書，就算第日我走唔到，仔女都有得選擇佢地嘅未來
買第一層係第一步，響香港有一層樓就好易玩財技開兩間。唔知趕唔趕得切，但呢層樓千祈唔好落兩個名，最好只用一個名上會，留名買第二層。
時間關係，我地已經落咗2個名啦
返唔到轉頭了
再買就要俾多幾十萬
唔緊要，有需要係有方法甩名既。依家專注裝修先啦
1個讚
加油，二年前我買樓裝修生b一齊攪，依家終於可以舒舒服服
1個讚
係嘅 搞掂裝修過下二人世界先
Waaa好勁
2樣人生大事一齊處理，少啲心機/耐性都唔得掂…
黃到爆呀呢間innovation 價錢平道又準時起貨 好撐香港年輕人
1個讚
好呀，我睇下佢地fb先
Agree!! 我都淨係寫左自己名
係呀係呀，都有一堆野要煩～
你收左樓未呀？
呢個真，我仲絕，宜家住緊的細單位，買個時唔貴（9年前）直情寫阿媽個名。我屋企d樓一開始買都係阿媽個名的，因為唔個幾時可能有首置等等的優惠，係近年阿哥同細佬細左婚，又有換樓先寫返佢地名。
以前冇名限制可以咁做，依家唔得lu.
但係用父母名有隱憂既，佢地健在還好，萬一大吉利事，佢地名下既物業會變成遺產，唔單止難以一時三刻攞返出黎轉名、做租賣(過程可以數以年計)，就算果層樓係你供，而你父母寫左平安紙係比你，你既兄弟姐妹(或甚有佢地另一半加入)，都可以Challenge 呢個安排要求分家產。
所以依家用父母名買樓要好小心。
呢個都係近年轉名的原因之一，因為阿媽年紀大啦,我地都叫揾到食，房屋資助都過晒額唔會申請到。爭又唔會爭概，因為各自供，最多係首期阿媽幫d（要還架，哈哈），一人一間各自修行。 不過呢個都好講家庭關係。阿媽曾一時手持4層樓，幾風光呀，wahahaha。（千奇唔好睇少屋村師奶）。
要維持良好家庭關係就一定要所有野清清楚楚冇爭議。有時未必係兄弟姐妹間問題，一但結左婚，牽涉埋另一半，如果有人有機心，件事就會好複雜。
父母響度叫家人，唔響度就變成親戚，呢個係真架。
我都用緊有紋磚, 好方便打理
2個讚