15分 –>AL —> 大學畢業—>Mphil
13分…high dip
我都係名校出身，我係有小聰明果啲，不過懶唔高分，學校太多叻人，自己又唔係好進取嘅人，所以冇乜自信，本身理科較好想入理科，但又唔夠人爭，中學生涯混混噩噩。
我 AL 成績差入唔到大學，但因為 interview 過一科好想入，自己自修上得返大學，入到自己真心想讀嘅科，大學生活我先覺得搵返自己。而出嚟亦做返同大學嘅專業有關嘅工作。
其實攬住名校生嘅名我覺得係一份枷鎖嚟，我宜家直頭唔會同人講我讀邊間中學，免得人先入為主。
我覺得自信好緊要，所以我寧願小朋友係小池大魚，除非佢性格夠進取，如果唔係，我唔會勉強佢地去大池。
1個讚
似我，一樣係神科，無入行 tim 啊，因為我有抑鬱底，入行死得人
其實我明你，我都係地區英中，但無你咁好彩，當年25分，無得原校升，要轉校，感覺自己很差，被放棄了一樣。
JM可否分享下，你最後點㨂？
我摸石過河，暫時㨂左小池大魚，希望冇㨂錯。
無意中睇到你既分享，見到你夢想成真，好鼓舞
1個讚
我係唔聰明，但勝在勤力，想當年中文會考我背晒個廿幾課書入去考，哈哈哈！今年應該(希望)完成埋PhD了！
其實我覺得，如果小朋友在小池中做到大魚，佢本身係得嘅，又有自信，心理上準備好再轉去大池唔會難。
相反如果小朋友性格唔啱，入左大池做小魚，打擊自信，要 build up 返自信未必咁易。
同埋應該自小同佢地傾下計，講下不同行業嘅人係做乜，等佢地認識多啲呢個社會點運作，希望佢地早啲識得諗下自己想點，因為好多人讀大學所謂揀啲熱門科，但自己都唔知自己想做乜，其實仲慘過讀唔到書出嚟社會由低做起。
2個讚
我覺得係以前啲學校老師好傳統好著重成，好著重入U率…
勁喎，加油！
Phd 我就冇資格讀，但好想學寫手機 app，可惜為人母真係幾難有時間專注學返野 
我仔上年升小一，最後我幫佢入了一個大池，佢係乜魚我就未知哈哈(返得幾個月學)
除了校風師資呢啲…小學我好著重peer,身邊有良好的學習環境朋友好重要。佢返學開心，已經好 足夠
唔知揀得岩唔啱架，不過，人生一定有take 2，唔岩咪轉校囉…
我以前真係以為自己好差，我真係以為會考28分以上先正常(諗返都好痴線)…以前老師係咁同我地講！
我，16分，轉咗間新校讀預科，無jupas conditional offer (我自己班得兩個人無…) 最後係唯一一個入到HKU，同學好幾個入poly HD 化驗，亦都係我首選科目… 之後… 97前畢業入到HA/政府嘅，收入好好，但我BSc 之後 part-time讀化驗，攞到化驗牌時已經滅薪，政府16k滅到12k … 註定我一世响private 做
好記得HKU開學第一日响lee hall canteen遇到母校班同學，佢地相約食lunch, 新聞主播見到我，好驚訝咁問：你做乜响度嘅？
我答：同你一樣囉…
轉身同其他舊同學打個招乎就走
好sad，原校要24分先有得直升，班人睇唔起直升唔到嘅同學
我到今日都仲唔鍾意呢個人，我認我小氣… 但舊同學當中，最多機會偶遇嘅係佢(唔計地鐵車箱)，我結婚嗰晚住酒店，check out 見到佢兩個(都係舊同學)，拍拖睇戲遇見佢兩個，依家佢兩公婆住我樓上，大家見面唔會打招呼
18
原校升，但AL炒左。
符碌俾nursing school 收左，依加月入50k
2個讚
你地… 個個都咁高分…
(認同際遇同識人更加重要~)
其實我自己估，無論小池大魚、大池小魚都一定有佢優點缺點，問題係點樣幫小朋友係當中取長補短，扶助佢成長，有得益於佢，就好了。
自己都摸著石頭過河，見步行步。我唔望佢地將來好有成就，希望佢地將來做個有益於社會 、有責任心、有愛心既人，就好。
1個讚
啱，無論咩學校，都一定有佢優點缺點，只要佢讀到，又開心就好。
12分, 轉左校升到中六, 但AL得中英合格
最後本來去理大讀副學士, 但真心唔中意讀書
依家叫做有份工, 但又做得唔開心…
想去讀返個登記護士 (要full time讀, 怕2年無收入養唔到家)
雖然話行行出狀元, 但當自己都唔知想做咩既時候真係好難搞ORZ
文科26分, 果時喺學校算中挺, 幾個30分…人都癲~
不過因為咁我搵到人生第一份工…幫2個中四嘅補習
亦因為咁原校升到中六, 即刻DROP晒D唔鍾意嘅科, 同時向最唔掂嘅數學SAY GOODBYE啦~~