其實6299平時冇乜嘢嘅, 我唔知佢哋心裡面點諗
新年嗰陣我入門口鞋都未除99就叫我斟茶
平時都唔會叫嘅但我唔知佢哋係咪覺得我應該做而冇做
婆婆嗰次叫完佢哋係照飲嘅, 冇出聲
我都係笑笑口咁叫6299飲茶
嗰晚之後我同老公講, 近排都唔好見住
老公都話佢估到婆婆同我兩個上去有啲嘢, 佢話下次大家一齊, 佢會出聲或一齊
心裡面慶幸個老公都明我感受
2個讚
太唔fair, 太男尊女卑喇，
我會唔斟茶，黑面，甚至比說話佢聽，其實唔做開唔使做，太順從以後冇好日子過
5個讚
新年一年一次就算。
但成日要、我又唔想、我會扮OT返工唔出現
2個讚
大年初1…早飯
阿媽一定斟茶比阿嫲
到我老婆入門後…斟曬茶比2個.
總結 如果做小小野可以小d婆媳糾紛 我覺得樓主應該去做
真係幾妹仔feel, 工人都未必要咁樣做
少d 上去算
如果佢屋企係個個有做我會甘心做。如果只係叫我 彩佢都傻。。
第一年結婚 我老公都叫我新年斟比奶奶。其實我唔鐘意，我爸媽都冇斟過。甘我地9點起身就去斟。點知99對老公發嬲話甘遲不如唔好斟。
第2年7點去 係我面前扮哂野話: 仲咩甘早起身呀,湊bb辛苦，唔駛斟啦。。
不過只限新年一日我會照做，廢事老公難做。
我驚我唔做男家啲姨媽姑姐口水都浸死我
本來我都係咁諗, 但上次婆婆竟然叫我平時都要做我就odd咗
但之後佢冇出現我冇做, 唔理啦
唔使跪嘅話都可以接受， 當做戲咁做下樣囉
係, 我係咁諗, 仲笑笑口去做
至弊婆婆剩係會叫我, 表嫂嗰啲又唔駛
可能得我62俾錢佢卦, 我老公係咁講
你講出個重點來
唔會掛，要求跪既話真係有問題，我會叫佢仔斟比佢 
係囉, 如果係一家人習俗我會照跟
但99係冇斟俾嫲嫲, 即係唔會咁odd咁要老人家坐定定然後99去斟咁
婆婆亦冇叫表嫂嗰啲剩係叫我
我都係驚老公難做咋, 做會做嘅, 但心裡唔舒服
冇叫跪嘅, 我係企喺度
係結婚嗰陣6299加老公婆婆唔俾老公跪我父母敬茶
係我父母受唔起喎
你老公呢個時候應該話: “得啦等我黎啦, 你坐低啦, 唔駛你喇, 你平時返工仲辛苦過我”
如果6299同佢阿婆仲出聲既話
你老公應該再直接少少: “娶個老婆返黎要鍚架, 唔係做工人架, 同埋我係你個孫, 應該係我斟俾你丫嘛”
咁樣咪可以秒殺佢地, 叫你老公企硬少少啦
咁你老公有冇斟到?
如果係我我會好嬲
我老公係有架, even 99叫佢唔駛
上次得我一個陪婆婆上樓我老公泊車就焗住自己一個
一開始諗住第一年only
點知之後都要
我老公都唔知傳統係咪應該咁做所以我哋照做
其實婆婆唔係要我斟俾佢, 係斟俾6299
我諗住斟開斟埋俾婆婆, 婆婆話唔駛
可能佢心態都係傳統, 覺得男家係主
不過另一方面佢又冇叫表嫂
點解我知呢係因為我哋有時一齊飲茶
表哥表嫂後到, 佢6299喺度架
但婆婆係冇叫嘅表嫂斟嘅
老公甘識做就冇問題 
我老公都會陪我斟 感覺好啲。所以都算啦 每年一次。