好難消化喎！
Same
呀爸一摸就知
阿媽有款面膜硬左會變一塊薄膜，我想試下可唔可以用黎脫腳毛，趁阿媽出左去，我捲起條窄腳褲偷偷查落腳，點知阿媽比預期快返黎，聽到開門聲我驚到即刻放返褲腳落黎，結果成條褲腳都係未乾既面膜…最後比阿媽發現被剷上天花板…
細個屋企有缸熱帶魚, 有日隔離屋條𡃁仔話想睇,我又冇鎖匙開鐵閘喎, 於是我就好醒咁用個網撈咗條最靚仔嘅遞出去鐵閘度比人欣賞。
結果…欣賞完放返入魚缸發現條魚游背泳。
5個讚
講起魚 
以前細個 我驚啲魚凍就倒啲熱水去比條魚暖身 點知條魚彈下彈下 我以為佢好開心啦 彈彈下反左肚唔識郁 我好驚咁沖落廁所 之後屋企人知道 笑到我宜家
1個讚
呢個我女有試過，睇住佢無啦啦拖另一個女人，笑死我
1個讚
張污糟底衫掉落垃圾桶、垃圾掉落洗衣機
去旅行、搞錯左回程日期、劃回來機位先發現、好彩係比原定遲兩日返。
2個讚
快手快腳將換出嚟條尿片掉咗落洗衣機，仲要洗完機衫先發現
4個讚
戴住眼鏡搵眼鏡
仲要問老公有無見過
5個讚
應該洗果陣會有巨響，我試過
想倒後點知入錯前波… 一踩油前面條石駁卡死左喺兩排轆之間，下面爛曬要拖車
掉轉件衫著出左街，入到𨋢照鏡先見到，但又好多人晌𨋢度，結果，等人出哂又返返屋企著返件衫。
另一次係細個嗰陣去維園游水，晌地鐵站玩拖鞋成隻飛左落路軌，要通知職員，不過話要收車先可以拎返上嚟，結果有隻腳無鞋著。
1個讚
返工太累, 有晚係訂機票, 打錯左老公個名, 打錯左我那張的回程日期, 要付手續費取消…自此唔敢自己一個訂機票.
好衰嘅樓主，係要勾起人啲白痴嘢
我淥杯麵時㩒錯掣用咗凍水，再落熱水冇用，因為啲味粉已經沖淡晒
我唔想嘥照食，難食到嘔
我都試過…要轉機返香港，明明記得揀左隔兩個鐘既航班，唔知點解會買錯左隔一日…
唔係我 不過好想分享下
有個同事射波去見工
點知響黨鐵同我地老闆撞到正一正
仲要著哂番工衫 但唔係朝早番工時間
當下呆左 完全唔知點兜好
我只能夠講佢太唔好彩喇
3個讚
同事︰er…er… 我去…相體…
3個讚
同我細妹落樓下買野，過馬路時一隻拖鞋甩咗，仲要喺馬路中心，我單腳跳返入行人路，而我細妹等無車時幫我執返隻拖鞋
剪錯信用咭
E個好笑