唔係，例如31號新油天，本來全部收150人，當中自行有75個額，即係另外有75個額留返去抽獎。但你見到實際收生94人，因為去報自行的人當中，哩94個都係教職員子女及在讀學生的弟妹，係必定要收！所以就算超過咗自行嗰75個學額，都要在大抽奬學額中扣返出來。亦即係六月本來有75個抽獎額，因為扣咗19個走，最後只有56個可以抽。
所以，哩D學校在自行已收爆咗，冇其他外來人，包括有25分嘅可在自行階段入到！
我覺得一鳥在手勝過百鳥在林, 如果你博就要承受大抽獎嘅風險。直資私小全軍覆沒 ，再加上第一階段冇學校收 的那種壓力並不是講笑的。
你可以睇下到時有冇直資私小喺手 再考慮。
雖然我識人今年20分入到華小。
明白，咁如果我睇爸爸今年個間係實收同自行一樣，冇超收，係唔係代表自行既全部收晒？
1個讚
未必喎，有超收一定因為必收生太多，但冇超收未必唔受歡迎。而家佢收足自行額，極
可能當中有報咗名，但收唔到佢。
1個讚
25分入喇小都要抽籤. 20分一家無行
上年姪仔20分都係入唔到喇沙…
25分都未必穩入St. Jo，20分無可能
我試下咁講, 有錯請高人指正。
如樓上講, 總學位150, 自行75(當中45是必收, 30是計分)
如當年有50個必收，佢就要收足50個 (即超收5個)
如當年有35人用計分方法apply , 佢最多只能收30個-----(計分制入面有5人入唔到)
兩者相加, 佢自行階段total 收左80個 (即超收5個)
如當年有45個必收，佢就要收足45個 (無超收)
如當年有35人用計分方法apply , 佢最多只能收30個-----(計分制入面有5人入唔到)
兩者相加, 佢自行階段total 收左75個 (無超收)
如當年得40個必收，佢就要收足40個 (仲有5個空位)
如當年有40人用計分方法apply , 佢先收30個, 再用埋上述5個空位，佢最多收35個。-----(計分制入面有5人入唔到)
兩者相加, 佢自行階段total 收左75個 (無超收)
如當年得30個必收，佢就要收足30個 (仲有15個空位)
如當年得20人用計分方法apply , 佢就收足20個-----(計分制入面人人入到, 仲有10個空位剩)
兩者相加, 佢自行階段total 只收左50個 , 無超收不特止, 仲剩左25個位送返比大抽奬…咁樣呢間應該係寶校了
所以, 無超收, 計分ge人一樣係有機會入唔到。無關的。
3個讚
25分都要睇你好唔好彩，唔係穩入。我侄仔冇宗教分，得20分，爸爸係舊生，最後叩門入到。
我仔果間當年唔算太熱門，25分穩入。
1個讚
冇錯
明白，真係好覆雜 
咁我諗我大慨有答案。
其實20分收唔收, 係睇返學校受歡迎程度
超受歡迎ge, 個個申請者都30分或25分, 食盡30個位, 咁你得20分就無希望…
次受歡迎ge, 得少量30分或25分, 食唔哂, 咁你20分咪有啲機會
再次受歡迎ge, 無人30,25分, 全部都係收20分, 咁機會再大啲; 甚至有人15分入到, 咁你先叫安全
但15分入到的學校好似少之又少
升小係一場賭搏, 睇豪賭定小賭 
• 由學校自行分配的學位分為兩類：
甲） 為有兄／姊在該小學就讀或父／母在該小學就職的申請兒童提供的學位
- 約佔學校小一學額30%
- 未能盡用的學額，學校可根據「計分辦法準則」自行分配
- 如有不足之數，以原本預留作統一派位的學額填補
- 凡屬此類別的申請兒童，必獲取錄
乙）根據「計分辦法準則」分配的學位
- 佔學校小一學額不少於20%
- 學校不可進行任何形式的筆試或面試
3個讚
我暫時理解係, 計分位至少有總學位之20%
必收生不會食計分位, 只食大抽獎的位
???
2個讚
原來佢再有咁細分！真係長智識
如果冇睇錯，上面嗰D全部都係男女校，單性別會易入D，但你target百年老校又要有名氣，點都多校友，好多連呀爺都係舊生。睇你願唔願意冒險，自行廿分真係好低機會，抽獎返而有機會過自行 ，所以點解咁多人寧願俾錢去3私1直
所以我諗我都會揀返爸爸個間，然後再考直私或者試叩門咁
1個讚
或者妳唔介意直接講間小學個名，睇吓值唔值得袋住先
1個讚