83間黃店聯盟賣自家糭救生意 目標20萬隻為手足製造工作機會!

[milkteahk]

買左，我咁多年都冇買過稯食架，因為唔鐘意食，仲好記得細個阿媽迫我狂食，食到有童年陰影我自己唔食買黎送比屋企人，支持下手足

[3guma]

我之前都買咗5set,希望大家大力支持。同黃店老闆傾開，如果今次成功，佢哋可能會有更多計劃，令手足全年有工開，又學到野，最近要係頂死d藍店希望大家就算疫情都好，撐黃店渡過難關，淘汰d藍店。
記住：香港人一定可以養起香港人，之前放棄香港人個d生意佬，要佢哋自食其果

[Sillyboy]

有冇手足知地鐵紅色沿線邊度仲有得買？

[Cobywai]

@Sillyboy

有冇手足知地鐵紅色沿線邊度仲有得買？

你可以睇吓個shop list
搵到啱地區，可以打去試吓問左有冇卷

[YLMA]

糭券有冇蓋鋪頭印？

[Wendycyp]

@YLMA

糭券有冇蓋鋪頭印？

有店舖蓋印架，我去買時，佢話要去返佢哋店才可換

[YLMA]

[/quote]

有店舖蓋印架，我去買時，佢話要去返佢哋店才可換
[/quote]
我買嗰間蓋係前面

[milkteahk]

有架，個印係背面

[hlno]

@Cobywai

【有糭人】83間黃店聯盟賣自家糭救生意 目標20萬隻為手足製造工作機會

雖然黃色經濟圈近日被種種分化的言論包圍，但其實圈內的黃色力量一直默默凝聚。一群主要來自飲食業的黃店老闆組成WhatsApp群組，由反送中運動開始，已站在同一陣線支持運動與學生。端午節將至，群組近日發起「有糭人和你包」活動，集合83間黃店，聯同手足自家製端午糭發售，目標賣出20萬隻，一方面為手足提供工作機會，另一方面也為疫情下艱苦經營的黃店開源，增加收入，盼共同捱過飲食業冰河時期。

活動最初由北角茶飲店「茶一」的老闆提出，旋即獲得群組內一眾老闆支持，並迅速展開籌辦工作。由於採用預售糭券形式，需要人手設計糭券、印刷、文宣等事務，慶幸群組內不乏多才多藝的老闆，大家本著幫得就幫的心態，紛紛自薦分擔工作。

Elvis是甜品店「想甜嚐甜」的老闆，負責設計糭券。他表示糭券是經過群組討論，集合多位老闆意見而成。「我哋請咗一位手足畫糭，之後我喺圖畫上隱藏咗三個香港人唔會忘記嘅重要日子（6.12/7.21/8.31）。券尾留有空白位置，畀客人寫低對手足嘅說話，可以託店員轉交手足。」除了設計糭券，鍾情攝影的Elvis也幫忙拍攝海報上的產品照。「我哋由討論細節到製作，以至印刷，前後不足兩星期，實在意想不到。」Elvis笑著說。

幫人自救 「靠政府死得啦」
印刷方面，則由Bonnie和她的丈夫負責，他們是北角馳名麵店「八寶清湯腩」的東主，同時經營印刷廠。為了盡快推出糭券，Bonnie開了兩晚通宵印製，「糭券有特別嘅防偽設計，以防假糭券出現，暫時印咗20,000張，反應好就會加印，唔介意再通宵印製。」問到參與「和你包」的原因，Bonnie說：「一直好支持呢場運動，曾有好多同路人幫過我哋，之前生意不好，佢哋知道後就嚟排隊幫襯，可以做嘅，我哋都會盡做，其他老闆比我哋付出更多。」

負責文宣工作的阿盈，是旺角「潮成園」的老闆娘，她表示，由反送中開始成立的群組，老闆之間有緊密聯繫，互相交流及支援，早前更聯手為街坊、員工撲口罩。「政府防疫不力，又唔及早封關，又撲唔到口罩，靠佢死得啦，我們只能自救。」作為文宣小編，阿盈笑言自己是高級雜工，甚麼都做。「我想幫助更多手足，希望佢哋學多一門手藝。客人可以買到『良心糭』，唔使去大集團買『激心糭』，廢事邊食邊諗起呢班大集團嘅幕後話事人呢11個月點樣話啲手足。」

糭司令坐鎮 手足「未熟手」
有賣自家糭經驗的蓉姐，成為活動的「糭」司令，她近日已開始包糭，每日和手足包大概1,000隻。採訪當日，蓉姐正在和手足包紅豆鹼水糭。蓉姐一邊撈糯米一邊說：「鹼水份量要準確，鹼水唔夠會冇味，太多又會苦，要撈得均勻。因為鹼水糭放入雪櫃可以存放好耐，所以先包，過幾日先開始包鹹肉糭。」

問到手足幫到手嗎？蓉姐表示：「佢哋好乖，有時做到深夜，不過未熟手，多數幫手前期嘅工作。」在蓉姐旁邊的手足阿晴（化名），專注地將紅豆茸分成一份份，她表示去年反送中期間已認識蓉姐，現在也來幫手，負責前期工夫如撈米、紮繩等。除了蓉姐，還有一家食品工場參與，以應付大量訂購食材及製作工作，也會聘用手足工作。他們未來要面對一個挑戰，就是6月發貨時，相信每日要全天候送貨到各區參與的黃店，到時都會聘用手足幫手。

糭券由4月6日開始發售，至今已賣出15,000多張，反應算理想，但距離目標50,000張還有一段距離。一張端午禮品包糭券售138元，包兩隻鹹蛋黃鹹肉糭、一隻紅豆鹼水糭及一隻甘薯栗子素糭，可於6月份到購買地點領取，各間黃店會將所得的利潤5%捐出支援文宣組。有份參與銷售的「濃姐石磨腸粉」老闆表示：「如果今次活動成功，之後可以做中秋月餅、聖誕及新年食品等，這是一個長期就業機會，希望幫到可能因為運動而犧牲了前途的手足。」

https://hk.lifestyle.appledaily.com/lifestyle/20200422/CF7KE5KOITEE5XZDB7X4VVG4SM/

我唔太好傻…所以只係買左兩套… 一套屋企食… 一套打算囉返公司同同事食…雖然力量細…但都想出下力

[thisishongkong]

已買，期待收糭！多謝手足！

[kuboyboy]

已買，期待收糭！多謝手足！x 2

[TtNn]

買咗

[36e]

[jenjenjenny]

買咗3 張， 分3 個時段拎~~ 支持，加油！！！

[MNSL]

[Sillyboy]

南昌仲有得賣

[HK852]

南昌邊到,THX~

[gingerbread]

我都買左啦

[pupuma]

一早買左,支持

[Hahahaagen]

尋日見v walk美樂士多有