合併咗叫佛教大光慈航
嚴格啲講，恩主教都唔算 Band 1，但如果唔當佢係 Band 1 填的話，咁大埔得返 280 個 band 1 位，計埋佢，都係得 350 個。
我漏講左，30% 嗰度係包括埋直資離場。羅定邦唔止收大埔學生，佢就算只收大埔，點收都冇可能收生多到可以令大埔 Band 1 學額同Band 1 學生數量相等甚至有餘。
hkpapa 個策略不無道理，但大埔同部份區分用唔到呢個策略。大埔冇跨區 Band 1，所有 Band 1 都係大埔，而且大埔仲有個隱藏危機就係佢啲 Band 2 麻麻，唔似人地其他區咁，啲學校冇 Band 2A 成績都有 2B，而且校風都唔錯。大埔唔係咁多靚仔 Band 2。hkpapa 個玩法應該係「最差都係入讀 Band 2」。
所以強烈建議 Band 1 生搵定沙田 Band 1/2A 叩門資料，派位唔好就即刻去沙田叩門，反正沙田自己冇得叩。
題外話，唔太建議入讀羅定邦，佢係有啲麻煩位，不過詳細唔公海講。
大埔band 1,band 2 學額真係爭崩頭，我真係唔敢博頭三位填晒 band 1學校。羅定邦我知行政極混亂，老師轉到七彩，佢只係靠英文教學，所以好多band 2 生去讀。
大埔只有3間中學公開試成績達B1水平既學校，再加埋一間B2A/1C邊緣學校沐恩。
B1學生無論用咩方法都一定有機會入唔到呢4間其中一間。
正常嚟計，加埋恩主教同救恩既學額，基本上夠位收晒所有B1學生。所以只要填晒4間全英中，加埋恩主教同救恩，最多補多一間B2中學就足夠有餘。
1個讚
我當年(幾年前)Band2成績入救恩(大抽獎第一志願)
Band 2 生入讀救恩都唔奇。 
不過而家Band2生入救恩嘅機會應該好微，按樓上咁講。
大埔三間Band1各有特色，真係要自己去認識和感受
CPE關愛守禮
MST自由自律
WSC（唔評論，因我唔鍾意，唔想影響大家）
Band2方面，沐恩、恩主教、教恩比較好，再加上圓玄都係唔錯的選擇
想問莫壽增叩門要準備咩資料？謝謝！
我都想知，學校網站都無update. 究竟有冇得叩門
不如打電話去學校問下
小四至小六成績表一定要帶
卍慈冇公布DSE成績，斷估冇乜進步，收生都係最差嗰批
news from teacher
莫壽增今年DSE入U率8X%
有可能嗎，莫記3322一直只維持在80%左右，80%入U率拍得住st paul co，我覺得有水份，係咪計埋 asso
大埔區中學成績好多水份，恩主教夠膽掛banner 話自己98%入讀大專率，搞到個個家長以為入大學率，實則大專其實係連基礎文憑都計埋，恩主教3322率只得~40%。
非水份，實質數據
會唔會係因為多咗人去外國升學，所以本地生易咗入？
入 U 計唔計埋恆生、樹仁嗰啲？又計唔計太空？8X% 呢個數非常肯定唔係八大 Year 1，DG、張祝珊都係 8X% 八大，Maryknoll、QC、聖士提反女子呢啲傳統名校都冇 8X% 八大 Year 1 咁強大，就算係多左人去外國升學，莫應該都同以上學校有一段距離。更何況 3322 都只係 80% 多啲啲，要全體八大 Year 1，幾乎係 mission impossible。如果有咁強嘅結果，唔即刻公告天下吸引人咩！
跟據 19 年 MST school report，3322 83.2%，96.8% 繼續讀大專，「Approximately 50% of them entered the UGC-funded universities through JUPAS」。我信呢個數冇造假，天崇八大 45%、銘賢 59%，莫記兩者之間，屬於正常發揮。但冇可能一年時間就可以變到 80% Year 1 八大咁多，晉身到 Band 1 頭。
唔係話莫唔好，佢係大埔數一數二，但 8X% 八大 Year 1，呢啲連 Band 1 頭、3322 9X% 嘅傳統名校未必做到。
MST 呢啲 Band 1 學校，每年 school report 都會寫 DSE 同 JUPAS 結果，時間便可證明真偽。如果屬實，一定唔會改字樣，如果字樣就改，咁就留待各位思考。
2個讚
精明，比個good你！不過大埔區中學偏差係事實