對於你人工高過佢，佢感覺jealous 和自卑，但佢忘記了你承受的壓力和付出努力。
雖然唔知佢失業原因，但感覺唔到佢積極面對和發奮的動力。
既然佢在財政上，家庭責任，孝順父母和愛惜老婆都冇credit ，咁佢既價值係咩呢？
希望你堅強和積極地照顧BB，好快就會感到做母親的幸福和溫馨。
加油。
1個讚
我身邊有個類似嘅case, 我可以好肯定話你知如果你呢一刻唔堅決為你小朋友著想，小朋友會係最大嘅受害者。感覺其實佢咁樣，你唔爆佢大鑊佢係唔會知同改，即係佢會越嚟越誇張。
首先你會唔會同佢傾下？如果傾唔掂，試吓婚姻輔導？樣樣都唔得，真係為小朋友要諗後路。我身邊既case就係一路所謂擔心個老公會發癲乜乜乜，由小朋友幾歲到而家十幾歲，見住個小朋友今時今日心靈上已經被傷害到體無全膚，曾經令小朋友想自殺。你而家仲未太遲，記住佢唔應該係你最concern 既, 係你小朋友。勇敢面對可能你會更快樂。
4個讚
有本書叫《4%的人毫無良知》，入面有個case有少少似呢個，當然唔知你地細節情況無法肯定，亦唔係專家，但樓主不妨睇下，只怕妳係遇到一個反社會人格嘅人。
2個讚
金錢係其次, 對方真係愛自己, 對自己好先係最重要
如果對方好愛我, 對我好好, 我搵到錢都唔會介意俾多d
但樓主老公好似當樓主既付出係老馮, 同埋感覺唔到佢愛樓主
4個讚
其實我都有呢個感覺。
當然一切都係原生家庭學返來，我老爺奶奶關係都係疏離，但我老公覺得老夫老妻係咁。
其實我最擔心係影響到小朋友，因為我果個對情緒好敏感。
1個讚
我覺得你乜都叻過佢所以佢好自卑, 錢又搵得多過佢, 層樓又係你比錢, 好明顯佢受唔到呢D但又唔敢講, 以為總有一日會好過你, 點知一路都唔得, 結果就變成咁, 收收埋埋變成要單打你黎囉成功感.
4個讚
你老公，老公屋企人都有問題
你投鼠忌器，只可以忍
你睇唔到佢會改
而你亦唔可能忍一世
如果我係你，我會慢慢預備好
例如，幫父母搬屋換電話避開佢哋
然後爆一鑊，得就一天光晒
唔得就離婚
小朋友咁細，會判畀primary care taker
加上你有能力照顧自己同小朋友
點都好過依家咁
5個讚
我只可以提你，唔解決個問題就係會影響你自己同小朋友一世，佢而家仲細，大人解決問題唔洗係佢面前做。唔試吓傾同改善，基本上未來會比而家更難行。
我身邊個case比你做借鏡，係好令人心痛，個媽媽就基本上好驚面對現實，搵好多借口比自己逃避，講到尾個老公衰但根本唔捨得。問題由小朋友出世就開始，一個女人養起成頭家，結果十幾年後父妻，父子，母子關係全fail, 小朋友成長過程太差已經冇得救，做乜都冇自信好自卑甚至影響健康同社交
2個讚
家庭影響力的確好大
不過一個男人婚前麻麻地
婚後育兒問題只會令問題越滾越大
你已經知道問題係邊度
最難處理 而你又必需處理嘅課題係
今後你該點樣做
我覺得婚姻係自己選擇
你可以繼續容忍 委屈自己
如果想影響另一半應該由拍拖第一日做起
宜家的確太難
好好問下自己
先生會令你幸福 還是不幸
3個讚
生仔前都係咁？
Jm你算勁啦 忍到咁耐
或者咁講 你願意繼續養你老公一世嗎？
相信答案你已經有
2個讚
如果已經冇愛, 就唔好用小朋友做藉口勉強維持呢段關係. 辛苦自己亦辛苦D細路.
我媽成日話講我爸D哀野時成日話如果唔係要照顧你地個時一早走左去.
唔係想抺殺佢既多年付出, 不過次次聽到都好想講: 唔好賴落我地度.
5個讚
如果離婚，你好大機會要比贍養費…但我贊成暫時分開，叫佢自己搬走，或者你返父母度。
唔好先入為主覺得父母會受唔住。你都做人阿媽，如果第時個小朋友搞成咁，但仲瞞住你，一個人受晒，你知道會點？我就好肯定會寧願佢同我講等我有機會幫佢。
不過因為你父母其中一個抑鬱，講既時候正面D，話自己有初步方向，只係想要父母支持咁，盡量幫減少佢地擔心同壓力。
3個讚
對1個唔願意成長同負責任既男人再付出都無用
倒不如用果d心機好好諗下之後日子點樣過
最對唔住自己既一定係不停幫另一半去包裝佢既所作所為
長期係咁一定好辛苦好唔開心
2個人既問題係要一齊去解決同面對
你覺得佢咁多年有無付出同改善?
不過其實佢所有付出都少過你既時候真係唔需要擔心佢搶得走你個小朋友
法律上唔會分到俾佢
我從來唔覺得應該要對小朋友隱瞞剩係俾美好既一面佢睇
根本唔現實，仲對佢將來成長有負面影響
你諗下如果見到老豆咁廢都咁開心
媽媽好努力但好傷心好辛苦
佢會點諗?
你要好好教育小朋友正確既價值觀
同埋可以參考下單親媽媽係點樣好好地生存落去
要同多d人分享， 接納多d人既幫助
加油呀！
2個讚
認同
作為過來人
見到父母相處唔到, 成日鬧交, 仲慘過單親家庭
3個讚
小朋友重細，先係離開既理由
試諗吓，你個小朋友見爸爸咁款而學咗佢，你想唔想？
佢哋之後搞事，係有好多方法阻止佢，例如申請禁制令，電話可以block咗佢，手續上既嘢全部搵律師搞，撫養權以佢經濟各方面咁款，贏面都唔大
唔好諗到咁絕望，日後佢醒既話，冇話唔可以喺返埋一齊，但你繼續係咁，佢應該一世都唔醒
最重要係下定決心，為自己同小朋友既未來打算
1個讚
你仲愛唔愛佢？ 作為一個丈夫， 都冇盡到應有嘅責任相反重帶畀你好多壓力同委屈， 佢咁自卑可能其實自己都好辛苦， 睇唔出佢有上進嘅動力， 一直都係你單方面遷就佢， 會唔會暫時分開一陣畀兩個人思考下會好啲。可以同父母傾下先, 睇得出佢哋好錫你唔想你繼續咁樣委屈自己， 你都話小朋友好敏感， 可能佢哋都察覺到問題， 趁呢個機會冷靜下
1個讚
樓主
唔係話有爸爸媽媽既家庭 小朋友一定幸福
小朋友既幸福係黎自一個和諧既家庭
你除左對小朋友最初人生要負責外 你都要對自己人生負責任
如果老公真係你所講到咁樣
有無諗過你今後人生點過?
講緊係幾十年丫
既然你有錢有收入 要分開唔難
擔心老公個邊 你可以搵多幾個人陪你
安排好晒 其實唔係想像中咁難解決
可能之後你看返今日
你會後悔決定得太遲
我當年決定離唔離婚
就係問左自己一句
「人 得一世 有無來世無人知 如果要咁樣對住佢幾十年 到死個刻 會唔會後悔 會唔會怪自己唔選擇一條更開心既路」
馬上就有了答案
唔係要教你離婚
問清楚自己 係唔係要咁繼續落去
老公有無得改變
如果你決定走
大家幫你想方法安全全身而退
一定有好多路行的
2個讚
樓主 講多句
其實真係唔需要擔心父母個邊
掉轉如果係你個女咁
你作為父母 我相信你都會叫作選擇離開架
邊個想個女咁委屈呢
1個讚