我哋三個幾月就帶個女去北海道。因為我哋想旅行。小朋友純粹附屬，唔係為咗佢。hahahahha.
小朋友喊，好多時因為耳仔唔舒服。
上飛機，包住nursing cover, 一路食住奶, 耳仔就唔會有氣壓嘅問題。
呢個係生理構造，大人如果唔識做耳壓平衡，可以試吓食香口膠。
5,6歲開始應該無咁辛苦
咁我等佢5，6 歲先啦。反正我自己都吾想去旅行，只係想帶佢玩下者
點都要等疫情過去，可能下年出國先安全啲
1個讚
1歲前去澳門。1歲後開始就搭飛機。
暫時去過台灣，杜拜同愛沙尼亞。
四個月
去咗幾日大個咗好多
之後到依家就兩歲去過日本六七次
每次旅行都學到好多野
好想再去
起碼啦
1.5yr, 去完旅行返黎大過左好多 (講野, 行路都叻左) 。
1個讚
真係唔知點解, 幾個月大嘅BB去完旅行感覺上大個咗好多. 身邊嘅朋友都係咁. 自己嗰個都係.
1個讚
咁細個學到咩 
你會親身感受到BB 好多既第一次出現係你眼前, 如果你係一個FTM。
當然, 回憶係買唔到。 那怕BB沒什麼憶記對於旅行的片段, 但BB 放給你的回憶就係最真摰的禮物。
1個讚
10個月去台灣
1個讚
唔係一啲實際學到嘅嘢，而係經驗，經歷。
見到唔同嘅嘢聽到唔同嘅語言都係一種衝擊。
2個讚
姨甥未夠2歲，我地全家去左馬代
喺個島度，唔洗周圍去， 佢要訓教都方便好多 我地又無咁辛苦
我一直都有咁諗， 咁細個佢咩都唔記得 其實同佢去樓下個泳池佢咪一樣咁開心
直至今日 睇到你呢段野 有啲一言驚醒
佢可能唔記得 但我地全家都有一個好好嘅回憶
3個讚
我都好想帶個女去馬代啊!
開心真係無價 
1個讚
我果隻2歲半…落雪北海道…佢果種好奇, 新事物對佢既impact, 真係無價
2個讚
係，我個仔3歲嗰陣，好鍾意olaf，去日本見到真雪，成個人噠落去，開心到癲咗，又砌雪人，走嗰陣攬住個雪橇喊。返到屋企自己搣紙巾扮雪
細個去有細個去嘅傻豬樣回憶
2個讚
exactly ！
1個讚
起碼兩歲幾，可以跟大人食野，唔係真係玩自己
1個讚
小朋友嘅記憶真係估佢唔到。
我個女未夠兩歲嘅時候，跟我哋去東京做嘢。期間帶咗佢去麵包超人博物館。
六歲幾嘅時候，經過附近，只。係。經。過。佢可以話我記得呢度我嚟過！嗰一下我嚇親！即是我老婆有比相佢睇細個去麵包超人博物館，但係一定唔會俾佢睇兩個街口以前嘅建築物。
上邊講得啱，係對新事物嘅衝擊，令到佢哋＂長大＂。
1個讚